Salamu kutoka Vanuatu!

Jifunze kuhusu watoto wa Baba wa Mbinguni ulimwenguni kote.

Vanuatu ni nchi ya kisiwa cha kitropiki huko Bahari ya Pasifiki. Zaidi ya watu elfu mia tatu wanaishi huko!

Lugha

Kibislama, Kingereza na Kifaransa ndiyo lugha rasmi. Karibu kila mtu anaongea Kibislama!

Tangkyu

Hii inamaanisha “asante” kwa Kibislama!

Kitabu cha Mormoni

Kitabu cha Mormoni kilitafsiriwa kwa Kibislama mwaka 2004. Tangu wakati huo, karibia zaidi ya watu 8,000 wamejiunga na Kanisa huko Vanuatu!

Kisiwa cha Tropiki

Vanuatu inajulikana kwa pwani zake maridadi na maji safi ya buluu. Baadhi ya pwani hata zina changarawe nyeusi!

Fedha maridadi

Vanuatu ina fedha za rangi angavu ambazo zinaonyesha mandhari kutoka kwenye maisha ya kisiwani na miti na wanyama wanaoishi hapo.

Shughuli

Mataji ya Maua

Kwa ajili ya tamasha na sherehe, watu huko Vanuatu wanavaa mataji ya rangi za maua.

Kata karatasi ya rangi katika maumbo ya maua. Tengeneza tundu dogo katikati ya kila ua. Kata uzi mrefu vya kutosha kufunga kuzunguka kichwa chako. Yafunge maua ya karatasi kwenye uzi. Kisha funga miisho ya uzi pamoja. Taji lako li tayari kuvaliwa!

Maelezo ya upishi

Keki ya Nazi

Keki ya nazi ni chakula maarufu huko Vanuatu. Hapa kuna maelezo ya upishi unaweza kujaribu!

1. Koroga ½ kikombe sukari na ¾ kikombe siagi iliyoyeyushwa katika bakuli.

2. Ongeza mayai 2 na uchanganye.

3. Changanya katika ½ kikombe unga, 1 kikombe nazi iliyokunwa na hamira kijiko 1.

4. Mwaga kwenye kioka mikate kilichopakwa mafuta na oka kwa dakika 20 kwa nyuzi 300°F (150°C).

Hakikisha unapata msaada wa mtu mzima!

Vielelezo na Anna Oldroyd