Peteĩ llamamiento iporãmbajepéva

Joy D. Jones rupive

Presidenta General Primaria-gua

Kuña fe orekóva ramo, ikatu ñaguenohẽ umi principio añetegua rehegua profeta José rembiasakuégui, ome’ẽva idea jarrcibi hag̃ua rrevelasiõ ñande jupe g̃uarã.

Areko aguije ko ára añe’ẽtahaguére tembiapo oso’ỹva kuñaguéra orekóva Restauración-pe. Hesakã pe tembiasakue pukukue javeve kuñanguéra orekohague peteĩ tenda jojaha’ỹ ñande Ru Yvagagua plan-pe. Presidente Russell M. Nelson ombo’eakue, “ndaikatumo’ãi oñemedi pe influencia … kuña orekóva, ndaha’éi umi famíliape añónte, ha katu Ñandejára Tupaópe avei, tembireko háicha, sy ha abuela; hermana ha tia háicha; maestra ha líder háicha; ha especialmente, ehemplar ha devota defensora de la fe ramo” ¹

Sociedad de Socorro oñepyrũramome Nauvoo-pe, ojapo 178 ary, profeta José Smith oñemoñe’ẽakue hemana-kuérape “ovivi hag̃ua [i] privilehiokuéra yvatekue“. ² Ehémplo ome’ẽakue hikuái ñanerekombo’e ko árape. Jojoajúpe osegui’akue hikuái peteĩ profeta ñe’ẽ ha ovivi’akue fe firme reheve Jesucristo-re, oipytyvõ aja oñemoĩ pe pyenda ñande ñaimeha hina ko’ág̃a. Hermana-kuéra, ko’ág̃a otoka ñandéve. Ñande jareko tembiapo divino Ñandejáragui, ha ñane kontribusiõ fiel ha singular tekotevẽterei.

Presidente Spencer W. Kimball he’iakue: “Ha’e hag̃ua peteĩ kuña rekojoja ko yvy ára pahápe, ñande Salvador segunda venida mboyve, ha’e peteĩ llamamiento iporãmbajepéva Peteĩ kuña hekojojáva mbarete ha influencia ko ára, ikatu dié véce tuichave pe ha’étavagui umi ára oĩ aja py’aguapy”. ³

Presidente Nelson ojerureakue avei: “Ha péicha ko ára ajerure che hermana-kuéra Tupao[gua] … peguata tenonde hag̃ua! Pejagarra pene renda hekopete ha tekotevẽva pende róga, pene komunida ha Tupã rréinope—araka’eve pejapo’ỹ haguéicha”. ⁴

Nda’aréi, arekohague priviléhio mitã Primaria-gua aty ndive, añembyatývo Presidente Russell M. Nelson ndive, familia Smith rogachaguaitépe, Palmira, Nueva York-pe. Pejapysaka ñande profeta jahayhuetéva ombo’e aja umi mitãme mba’eha’ekuéraikatu ojapo oguata tenonde hag̃ua.

Hermana Jones: “Aikuaase peguerekópa porandu pejaposéva Presidente Nelson-pe. Peguapy hina ápe profeta ndive. Oĩpa mba’e akóinte peporanduséva peteĩ profétape? Heẽ, Pearl.”

Pearl: “Hasy piko ha’e hag̃ua profeta? Nerembiapo heta piko?”

Presidente Nelson: “Hasy ningo. Opa mba’e jajapóva jajoaguave hag̃ua Salvador-pe hasy. Péicha jahecha, Tupã ome’ẽsévo guare umi Diez Mandamiento Moisépe, moõ he’i Moisépe oho hag̃ua? Yvate peteĩ ytyvy ru’ãme, Monte Sianai ru’ãme. Ha péicha Moisé oguatava’erãkuri upe yvyty ru’ãme ohupyty hag̃ua umi Diez Mandamiento. Ha ko’ág̃a, pe Túva Yvagagua ikatúkuri he’i, ‘Moisé, nde eñepyrũ upéguio ha che añepyrũta ko’águi, ha jajotopáta pe tape mbytépe’. Nahániri, Ñandejára ohayhu ñeha’ã, ñeha’ã ogueru rupi myengoviaporã ndaikatúiva ou hese’ỹ. Por ehémplo, pejagarrávapa peẽ lección de piano?”

Mitãnguéra: “Heẽ.”

Pearl: “Che a’estudia violin.”

Presidente Nelson: “Ha pepractika piko?”

Mitãnguéra: “Heẽ”.

Presidente Nelson: “Mba’e oiko ndapepractikáirõ?”

Pearl: “Nderesarái”.

Presidente Nelson: “Heẽ, ndapeprogresái, ajepa? Ha péicha, upe mbohovái ha’e, heẽ, Pearl Oikotevẽ ñeha’ã, heta tembiapo mbarete, heta estudio, ha araka’eve ndopáiri. Péva iporã! Péva iporã, akóinte japrogresa rupi. Vida upeiguápe jepe jajapo progresoi”.

Mbohovái Presidente Nelson ome’ẽva ko’ã mitã porãitépe ojepyso opaite ñandekuépe. Ñandejára ohayhu ñeha’ã, ha ñeha’ã ogueru myengoviaporã. Ja’practikánte hina jahávo. Akóinte japrogresáta ñañeha’ãramo jasegui Ñandejárape ⁵ Ha’e noha’arõi perfessiõ ko ára. Ñande jasegui jajupívo ñane Monte de Sinai. Ára ohasapyrevapecha, ñande je’ói añetehápe oikotevẽ ñeha’ã, tembiapo pohýi ha estudio, ha katu kompromiso jarekóva ja’progresa hag̃ua ogueru myengoviaporã eterno ⁶

Mba’e ña’aprende avei Profeta José Smith ha Primera Visión-gui, pe ñeha’ã, tembiapo mbarete ha estudio rehegua? Pe Primera Visión ome’ẽ ñandéve sambyhy ñane función ijojaha’ỹ ha oso’ỹvape. Kuña fe orekóva ramo, ikatu ñaguenohẽ umi principio de verdad Profeta José rembiasakuégui, ome’ẽva umi idea jarrecibi hag̃ua rrevelasiõ ñande jupe g̃uarãva. Péicha jahecha:

• Ñande ñamba’apo mba’e hasýva pa’ũme.

• Jaheka umi escritura-pe jarrecibi hag̃ua arandu ja’actua hag̃ua.

• Jahechauka ñande fe ha jerovia Tupãme.

• Ñañeha’ã opa pu’aka jarekóvare jajerure hag̃ua Tupãme tañanepytyvõ jajoko hag̃ua pe aña influencia.

• Ñaikuave’ẽ Tupãme umi mba’e ñane korasõ oipotáva.

• Ñama’ẽ pe Hesapére, oguia hag̃ua ñande rekovepegua desisiõ ha oguejy hag̃ua ñande ári Hendápe jaha jave.

• Ñantende Ha’e ñandekuaaha ñande réraipi ha orekoha tembiaporã ñandéve g̃uarãitéva ñakumpli hag̃ua. ⁷

Ha avei, José Smith orrestaura kuaapy jarekoha potencial divino ha valor eterno. Péichagua rrelasiõ rupive ñande Ru Yvagagua ndive, che arovia Ha’eoha’arõhajarrecibi Chugui rrevelasiõ.

Ñandejára ombo’eakue Emma Smith-pe “orrecibi hag̃ua pe Espíritu Santo”, oaprende heta hag̃ua, “oheja hag̃ua umi mba’e ko mundo-pegua, …ha oheka hag̃ua mba’e iporãvéva,” ha “opyta hag̃ua [i]konveniokuérape” Tupã ndive ⁸ Pe ñaaprende hag̃ua ha’e ñande progreso-pegua, especialmente pe Espiritu Santo guia constante ñanembo’égui mba’épa tekotevẽ enterove jaheja de ládo—péva he’ise, umi mba’e ikatúva ñande distraetérãombotapykueñande progreso.

Presidente Nelson he’iakue: “ajerure’asy peẽme pembotuichave hag̃ua katupyry espiritual perekóva perrecibi hag̃ua rrevelasiõ”. ⁹ Pe ñande profeta ñe’ẽ akóinte oĩ chendive ahechávo kuñanguéra katupyry oguata hag̃ua tenonde gotyo. Ojerure’asy ñandéve, péva he’ise oñemotenondeva’erã. Ha’e ñanembo’e mba’éicha ikatu jasobrevivi peteĩ mundo pekádogui hasývape, jarrecibi rupi rrevelasiõ ha ñañe’ẽrendu umívare. ¹⁰ Jajapóramo, ñamomba’eguasu ha javivívo pe Ñandejára rembiapoukapykuéra, oñepromete ñandéve, Emma Smith-pe oñepromete haguéicha jepe, “peteĩ korona hustísia rehegua”. ¹¹ Profeta José ombo’eakue mba’eguasuhajaikuaaTupã orohoryha pe tape jaseguíva ko vida-pe. Upe kuaapy’ỹre, “[ñane] apytu’ũ ikane’õ, ha ikangýta”. ¹²

Ko conferencia-pe, ñahendúta añetegua ñane inspirátava ñakambia, ñamehora ha japurifika hag̃ua ñande rekove. Revelación personal rupive, ikatu ja’evita umi alguno oheróva “ñandepy’apýva conferencia general”—ñasẽramo jajapose opa mba’eko’ágaite voi. Kuñanguéra oreko heta rresponsabilida ha katu ndaikatumo’ãi, ha natekotevẽi, ojapopa enterove peteĩ ára. Pe Espíritu ñanepytyvõ jaikuaa hag̃ua mba’e tembiapópe ñamoĩva’erã ñane akã ko ára. ¹³

Ñandejára influencia amorosa Espiritu Santo rupive, ñanepytyvõ jaikuaa hag̃ua prioridaHa’eorekóva ñande progreso-pe g̃uarã. Jajapysakáramo rrevelasiõ personal-re, ñanderaha progresopersonal-pe. ¹⁴ Ñahendu ha ja’actua. ¹⁵ Ñandejára he’i, “Pejerure Túvape che rérape jeroviápe, peroviávo perrecibitaha, ha peguerekóta pe Espiritu Santo, omanifestáva opa mba’e iporãva”. ¹⁶ Ñane función kontínua ha’e jarrecibi hag̃ua rrevelasiõ kontínua.

Ñandevaleve vove péva jajapo hag̃ua, jarekovéta pu’aka umi nañe función individual ñaministra ha jajapo hag̃uáme tembiapo salvasiõ ha exaltasiõ rehegua—añetehápe “jaheja] hag̃ua umi mba’e ko mundo-gua ha jaheka peteĩ mba’e iporãvéva.” ¹⁷ Upévo ikatúta ña’inspira porãve pe henerasiõ pyahu péicha ojapo hag̃ua avei.

Hermano ha hermana-kuéra, enterove jaheka Tupã pu’aka ñande rekovépe. ¹⁸ Ko árape oĩ iporãitéva joaju kuña ha kuimba’e apyte, ojejapo hag̃ua Tupã obra. Jaike sacerdocio pu’akápe umi konvénio rupive, ojejapóva, primero, aguas del bautismo-pe ha upéi, umi sagrádo templo ryepýpe. ¹⁹ Presidente Nelson ñanembo’ékuri, “Opaite kuña ha kuimba’e ojapóva konvénio Tupã ndive ha oñongatu ko’ã konvénio, ha oparticipáva dignamente umi sacerdocio ordenanza-pe, oguereko acceso directo Tupã pu’akápe”. ²⁰

Che ha’éta peẽme ko ára, kuña háicha, che mitãme, nantenéi hague,chearekoha acceso directo, che konveniokuéra rupi, sacerdocio pu’akápe. ²¹ Hermana-kuéra, ajerure jahechakuaa ha ñamomba’eguasu pe sacerdocio pu’aka “japytávo umi [ñane] konvéniope”, ²² ñaañua umi añetegua escritura-kuérape oĩva, ha jajapysaka umi ñande profeta viviente ñe’ẽre.

Ñamombe’u kyhyje’ỹme devosiõ jarekóva ñande Ru Ygagagua ha ñande Salvador rehe, “jarovia mbaretépe hese, jajeroviapávo upe ipuʼakapáva oporosalva hag̃ua méritore”. ²³ Ñakontinua vy’ápe ko je’ói, jahávo ñane máximo potencial espiritual gotyo ha ñaipytyvõ umi ñande jereregua péicha ojapo hag̃ua avei, mborayhu, servicio, liderazgo ha compasiõ rupive.

Elder James E. Talmage torýpe ñaneromandu’ava’ekue, “Ndaipóri defensor tuichavéva, opa ko yvyape ári, pe kuña ha pe sexo femenino rehegua, Jesús pe Cristo-gui. ²⁴ Ha ipahápe, opa rresponsabilida kontínua kuñanguéra ha mayva ñandekuéra jarekóva Restauración-pe, mba’épa pe rresponsabilida tuichavéva? Atestifika ha’eha ñahenduChupe, ²⁵ jasegi Chupe, ²⁶ jajerovia Hese, ²⁷ ha toiko ñandehegui Imborayhu myesãiha. ²⁸ Che aikuaa Ha’e oikoveha. ²⁹ Jesucristo réra sagrado-pe. Amén.

Notakuéra

1. Russell M. Nelson, “Peteĩ Jerure’asy che Hermana-kuérape,”Liahona,Nov. 2015, 95–96.

2. José Smith, “Nauvoo Relief Society Minute Book-pe,” 38, josephsmithpapers.org.

3. Enseñanzas de los Presidentes de la Iglesia: Spencer W. Kimball (2006), 217.

4. Russell M. Nelson, “Peteĩ Jerure’asy che Hermana-kuérape,” 97.

5. Tojehecha Doctrina y Convenios 58:26–28.

6. Tojehecha Doctrina y Convenios 6:33.

7. Tojehecha José Smith—Historia 1:11–17.

8. Doctrina y Convenios 25:8, 10, 13.

9. Russell M. Nelson, “Revelación para la Iglesia, revelación para nuestras vidas,”Liahona,Mayo 2018-gua, 96.

10. Tojehecha 2 Nefi 9:39.

11. Doctrina y Convenios 25:15.

12. Lectures on Faith (1985), 68.

13. Tojehecha Doctrina y Convenios 42:61.

14. Presidente Henry B. Eyring heiakue:

    “Ha péicha, che ha nde javisitárire hina ñaneaño (ha péichambo ra’e), eñandútakuri ikatuha eporandu oimeraẽ mba’e eporanduséva, añeimahina reretaha más o menos péicha: O hermano Eyring, che añandúva umi mba’e nde ere’akue. Pe Espiritu Santo opokóva jepi che korasõ ha che apytu’ũre de tanto en tanto. Ha katu aikotevẽta hese opa ára ani hag̃ua ipu’aka cherehe térã chembotavy. Okatúpa péva?” Ikatu ningo, ha péicharõ, mba’e tekotevẽta jahupyty hag̃ua upe jehovasa?’

    Guéno, ñañepyrũ umi porandu ñepyrũha erekóvagui. Heẽ, ikatu ningo. Akóinte aikotevẽ jave upe py’aguapy—ha sapy’ante aikotevẽ—chemandu’a mokoĩ hermano-re. Nefi ha Lehi ha ambue Ñandejára rembiguái hendiekuéra omba’apoakue, ohasava’ekue ivaíva oposisiõ. Ha’ekuéra oserviakue peteĩ mundo iñañavéa ohovópe Ha’ekuéra ombohovakeakue ivaietéva japu. Ha pévare che ajagarra py’aguasu—ha nde ikatu avei—ne’ẽ oĩvagui ko Helamán verso-pe. Pe tranquilidad oúkuri umi mba’e oikoakue rupi peteĩ ary pukukue javeve, ha pe escritor haimete noñesorprendéi. Ehendu:

    “‘Ha ary setenta y nueve-pe oñepyrũ oĩ heta joavy. Ha katu ojehu Nefi ha Lehi, ha heta ijoykeʼkuéra oikuaáva upe doctrina añeteguáva rehegua, oñemeʼẽgui chupekuéra heta rrevelasiõ opa ára, upévare omboʼe hikuái tavayguakuérape, upéicha rupi ombopaha hikuái ijoavykuéra upe arýpe.’ [Helamán 11:23]

    “Oreko hikuái heta rrevelasiõ opa ára.’ Ha péicha avei, nde ha chéve g̃uarã, péva ombohovái ne porandu peteĩha. Heẽ, ikatu jareko pe compañía del Espíritu Santo lo suficiente jareko hag̃uáicha heta rrevelasiõ por día. Ndaha’éi hasy’ỹtava. Ha katu iposible. Pe orrekerítava idifete para cada persona, enterove ñañepyrũ rupi pe ñaimehágui umi ñande rekovepegua experiencia peteĩetéva reheve” (“Dones del Espíritu para tiempos dificiles” [Brigham Young University fireside, Sept. 10, 2006], 3–4, speeches.byu.edu).

15. Tojehecha 2 Nefi 2:16.

16. Doctrina y Convenios 18:18.

17. Doctrina ha Convenios 25:10.

18. Tojehecha Doctrina y Convenios 121:26, 33, 41, 45–46.

19. Tojehecha Doctrina y Convenios 84:19–21.

20. Russell M. Nelson, “Umi Tesoro Espiritual,”Liahona,Noviembre 2018-gua, 77.

21. Tojehecha Russell “Umi Tesoro Espiritual,” 76–79; Dallin H. Oaks, “Umi Llave ha Autorida Sacerdocio rehegua.,” Liahona, Mayo 2014-gua, 49–52; Henry B. Eyring, “Kuñanguéra ha Evahélio Mbo’epy Ogapýpe,” Liahona, Nov. 2018, 58–60.

22. Doctrina y Convenios 25:13.

23. 2 Nefi 31:19.

24. James E. Talmage, Jesús el Cristo,3rd ed. (1916), 475.

25. Tojehecha José Smith—Historia 1:17.

26. Tojehecha Mateo 4:19–20.

27. Tojehecha Proverbios 3:5–6; Doctrina y Convenios 11:12.

28. Tochehecha Juan 13:34; Moroni 7:47.

29. Tojehecha 2 Nefi 33:6; Doctrina y Convenios 76:22.