Hosanna ac Hallelujah—Jisus Kraist Moul: Insiyacn Fohlohkyak ac Istuh
Ke puhluhn pacl se ke hosanna ac hallelujah, onkihn hallelujah—tuh El fah muhta nuh tok ac ma pahtpaht!
Tamuhlwel ac tahmtahel sacohk: ke kaksak ac hallelujah, kuht ahkfuhlwactye Jisus Kraist moul ke puhluhn pacl in tahfwelah Sifil Fohlohkihnyuckyak ac Istuh se inge. Ke luhngse suwohswohs, Mwet Lahngo el ahkkweye kuht ac fahk: “Oasr misla yuruwos ke kowos kupasrme nu sik. Tusruktu kowos in pulaik na! Nga kutangla faclu tari!”1
Kuhtuh yac somlah ah, ke nga ac Tahmtahel Gong ohsun sie sie sucu kuhlwacng, tuhlihk muhtwacn fuhsr se nahtuhl ah, Ivy, mwekihn na ke el us fahruh mwe nwenyuck violin se nahtuhl ah. El ikucslah mwe nwenyuck sac, sruhkwack sahk soko nuh ke violin sac, lihksreni sruokyac ac akmuhsraelah. Na el fihliyac sahk soko nuh kac ah nuh lun mwe nwenyuck sac, epahsrlah, ac pihtucki muhta. Mwet sasuc se fahn muhtwacwacack, el ke na akacsruhi ma el etuh ke violin sac. Na, yac ekahsr tohkoh, Ivy el sritacl violin arulacna kahto.
Ke pacl in moul suhkawihl se inge, kuht nohfohn oacna Ivy ac violin se nahtuhl ah. Kuht muhtwacwacack ke muhtwacwacackiyac ah. Kuht kalweni in srihke, ac kuht kapkapwack ac woyak. ke fahsriyacn pacl uh, sulaclah suhkawihl ac ma sikyak ke moul suhkawihl kahsre kuht in oacna Mwet Lahngo ke kuht weluhl orekma upac ke imac luhlahp Lal2 ac ukwe inkacnek in olwelah Lal.
Lwen in ahkacsmakihn, weacng akihlenyacn yac lofoko, ahkkahlwemye pactuhn ke sifil fohlohkihnyuckyak.3 Ahkfuhlwactyeyacn Sifil Fohlohkyak luhn wosasuc luhn Jisus Kraist, kuht oacyacpac ahkolah nuh ke Istuh. Kwewana, kuht engankihn fohlohkoh lal Jisus Kraist. El moul—tiac ke pacl sacn na, tuh ingena; tiac nuh sin kuhtuh na, tuh nuh sin nuhkwewa. El fohlohk ac tuhkuh in ahkkweyelah insiyac muhsahllah, fuhlwelah mwet kapihr, ahkkweyelah mwe liye luhn mwet kun, ac oraclah sukohsohklah nuh sin elos suc futunlac. 4 Pa kais sie sesr. Olwelah in molwelah Lal sang, lah meac sikyak ke moul lasr met, moul lasr mihsenge, kuh elyah ke moul fahsruh lasr uh.
Lutu pa Sacnri in Palm. Etweyuck, palms uh pa akucl se in ahkfuhlwactyacl Leum lasr, oacna Utyak Pwengpweng luhn Kraist nuh in Jerusalem, yac “un mwet lulap se … us lesak palm, ac illa som in sonol.”5 (Kom sahp ke etuh lah mwe sroal pwacye se luhn Harry Anderson oasr ke office lal Prestuhn Russell M. Nelson, tukun desk se lal.) Ke puk luhn Fwackyuck, elos suc kaksakihn God ac Lamb oruh oacna ke elos “nuknukyang ke nuknuk fasrfasr, ac elos sruok lesak palm in paolos.”6 Weacng pacna “nuknuk luhn suwohswohs” ac “marmar luhn wolacna,” palms uh ituckyang pac nuh ke pruhe in kihsac ke Tempuhl Kirtland ah.7
Ahok, yohk srihpaciyacn Sacnri in Palm uh som ahluhkwelah un mwet se painuhl Jisus ke palm ah. Ke Sacnri in Palm, Jisus el utyak nuh Jerusalem ke ohiyac ma mwet luhlahlfongi ah akihlacnuhl kac ahkfalyelah ma palyeiyuck kac uh. Ke Zechariah8 ac Mwet Psalm el palyei na met, Leum lasr utyak nuh Jerusalem muhta fin ohsr fuhsr soko ke un mwet sac etuh wowoyak fahk, “Kaksakin in fulatlana.”9 Kalmacn kaksakihn pa “molikuta.”10 Na, ingena, kuht engankihn, “Lela God Elan akinsewowoye el su tuku ke inen Leum.”11
Wik se ac tuhkuh tukun Sacnri in Palm uh pa Sacnri in Istuh. Prestuhn Russell M. Nelson el luti lah Jisus Kraist El “tuhkuh in molwelah misac se El tiac na olwelah mweyen kuht olwelah misac se kuht tiac kuh in molwelah.”12 Pwacyena, ke Iwaclah luhn Kraist, mwet nuh kwewa “kuh in moullac, ke ahkostwen nuh ke masap ac akwuck ke Wosasuc.”13 Ke Istuh, kuht on fahk hallelujah. Kalmacn Hallelujah pa “kaksakin Leum Jehovah lom.”14 Hallelujah Kohres ke Handel’s Messiah pa ma suhmuhslah sacohk ke Istuh lah El pa “Tokosra lun Tokosrah, ac Leum lun Leum.”15
Ma sacohk sikyak inmahsrlon Sacnri in Palm ac Sacnri in Istuh pa sramsram ke hosanna ac hallelujah. Hosanna pa siyuck lasr nuh sin God in moullac. Hallelujah ahkkahlwemye kaksak lasr nuh sin Leum nuh ke finsrak luhn moul ma pahtpaht ac engan ma pahtpaht. Ke hosanna ac hallelujah kuht akihlen Jisus Kraist moul oacna ke insiacn Istuh ac sifil fohlohkyak luhn lwen sahflah.
Sifil fohlohkyak luhn lwen sahflah muhtwacwacack ke ohiyac luhn God—ma sikyak kahlwem kacn God Pahpah ac Wen Nahtuhl, Jisus Kraist, nuh sel mwet pahluh fuhsr Joseph Smith. Mwet Pahluh Joseph el fahk, “Kuh kom kuh in ngwet nuh inkuhsrao ke minit lihmekohsr, tuh kom fah etuh yohk liki na ma kom riti nuhkwewa ke sifac se ingacn.”16 Mweyen inkuhsrao ac sifil ikacklah, kuht etuh ac “luhlahlfongi ke God, Pahpah ma pahtpaht, ac ke Wen Nahtuhl, Jisus Kraist, ac ke Nguhn Muhtahl”17 Un God fuhlwactlacna.
Ke Sacnri in Istuh, Eprel 3, 1836, ke lwen met liki Sifil Fohlohkyak, Jisus Kraist moul el tuh sikyang tukun Tempuhl Kirtland ah kihsackihnyuck ah. Elos suc ma liyacl we ah fahkwack Kacl ke kahs tiac apkuhran nuh ke e fihrihr ac kof: lah Muhtahl oacna fihrihr luhn e; aunsifac ke insifacl fasrfasr oacna sno nwacsnwacs;sahromromiyacl srweyac lucng liki kahlwemiyacn faht uh; ac puhsracl oacna puhsra luhn sohrohriyacn kof luhlahp uh, finne puhsra luhn Jehovah.18
Ke toeni in ahkfuhlwact sac, Mwet Lango lasr el fahk, “Nga pa emet ac sahflah, ac el suc moul, nga pa tuh acnwucki ah, ac nga pa mwet in tuhtahf lom nuh sin Pahpah.”19 Sifil pac, kahs in kapsruh—emet ac sahflah, moul ac misac. El pa Alpha ac Omega, muhtwacwacack ac sahflah,20 mwet in ikucslah ac ahksahfyelah luhlahlfongi lasr uh.21
Tahfweyacn sikyak lal Jisus Kraist, Moses, Elias, ac Elijah oacyacpac tuhkuh. Ke inkacnek fuhlwactlacna, mwet pahluh wo pacl met ah inge sifil fohlohkohnwack ki ac wal luhn pristut. Ohinge, ki ke we se inge kihsackihnyucklac22 inmahsrlon Alu fohlohkyak Lal in ahkinsewowoye tuhlihk nuhkwewa nuhtin God.
Tuhkuh lal Elijah nuh ke Tempuhl Kirtland oacyacpac ahkfahsryelah fwackyuck lal Malachi ke Olweacng Mahtuh ah lah Elijah elac fah fohlohk “met liki len lulap ac aksangeng lun Leum God tuku.”23 In oruh oacna, sikyak lal Elijah ah oreklac, tuh tiac orek in oacyac, ke pacl in Kuhfwen Ahluhkwelah luhn mwet Jew, suc facsin la uh ahkfuhlwactye met liki fohlohk lal Elijah.
Puhs sucu Jew sackuhnlah acn se lal Elijah ke tepuh in Kuhfwen Ahluhkwelah sac. Puhs mwet nwacklah kuhp in nwacnwaclah in suli ac painuhl. Ac kuhtuh, ke pacl in facsinlac Kuhfwen Ahluhkwelah, suhpweyucklac tuhlihk se nuh ke sruhnguhl ah, kuhtuh pacl uh fihliyucki in ikack na, in liye lah Elijah el oasr lihkihnihm ah sano in pahngpahngyak el.24
Ahkfahsryeyacn ma palyeiyuck ac ipin pacna olwelah ke sifil fohlohkyak ke ma nuhkwewa,25 Elijah el tuhkuh oacna ke uliyucki, ke Istuh, ac ke pacl luhn Kuhfwen Ahluhkwelah. El us tuhkuh wal siliyucki in oracni sucu fin facluh ac inkuhsrao. Ke Moroni el luti nuh sel Mwet Pahluh Joseph, Elijah “fah yukiyac insiyacn tuhlihk uh olwelah oreklac nuh sin pahpah tuhmwaclos, ac insiyacn tuhlihk fah eklac nuh sin pahpah tuhmwaclos. Fin tiac sikyak oacna,” Moroni el tahfwelah, “facluh nohfohn fah kuhnanuclac ke tuhkuh luhn [Leum].”26 Nguhn lal Elijah, mwe sang luhn Nguhn Muhtahl, ahkfototoye kuht nuh sin fihl lasr uh—meet, mihsenge, kuh pacl fahsruh—ke tahk in sucu lasr, ma mahtuh, ac orekma lun tempuhl.
Lwelah kuht in esamwack lah meac Kuhfwen Ahluhkwelah el ahkkahlwemye. Kuhfwen Ahluhkwelah esamyac sukohsohklah luhn tuhlihk nuhtin Israel ke kapihr lalos ke yac 400 ah. Puk luhn Exodus kapsruh lah fuhkah tuhkuh luhn sukohsohklah se inge tukun ma upac sikyak ke fohrohk srosro, kut, loang, misac luhn ma orahkrahk, pulohl, fahf, puhtat luhn ice ac e, koht, ac lohsr mahtoltol. Ma upac sahflah sac ahkkolukye misac luhn tuhlihk se isuslac emet fin acn sac tuh tiac ke mwet Israel ah ac fin—fin mwet se lohm se ingacn sang srahn lamb fuhsr se isuslac emet sruhlwaclah sruhnguhl lalos ah.27
Nguhn luhn misac fahsr sahslah lohm akucliyucki ke srahn lamb ah.28 Fahsr ahliki se inge, kuh ahluhkwelah, ahkkahlwemye misac yohk lal Jisus Kraist. Ahok, srah in iwaclah luhn Lamb luhn God sang kuh luhn Mwet Shepherd Wowo lasr in oracni mwet Lal nuh ke sie acn ac karihngihnyacn ma ac sikyak tok kacn mwet Lal ke kwewana siskac ke mwe lihsrlihsr sac.
Yohk srihpac, Puk luhn Mormon ahkuhtweyac “kuh ac sifil moulyak luhn Kraist”29—yohk srihpaciyacn Istuh—ke kahs luhn sifil moulyak luo.
Ma se met, sifil moulyak uh weacng fohlohkyang luhn mahno nuh ke “ohiyac fal ac wo la” paho niyac ac kuhpahsr nuhkwewa,” “finne soko aunsucf ke sifac fah tiacna tuhlac.”30 Olwelah se inge use finsrak nuh selos suc wacngihnlac kuhpahsr kac; elos suc wacngihnlac mwe liye la, lohng, kuh fahsr; kuh elos nuhnkweyuck muh tuhlac nuh ke mas upac, kweok in nuhnak, kuh muhnahs sahyac. El konwekuhtyak. El orekuhtlac fohnlah.
Olwelah ahkluo luhn Istuh ac Iwaclah luhn Leum pa, ke nguhn, “ma nuhkwewa fah fohlohkihnyuckyak nuh ke ohiyac fal la.”31 Sifil fohlohkyak ke nguhn se inge ahkkahlwemye orekma ac kena lasr. Oacna puhret fin kof,32 fohlohkohnwack “ma wo,” “suwos,” “fal,” ac “pahkomuhta.”33 Suk lah efuh mwet pahluh Alma el orekmakihn kahs se inge sifil fohlohkohnwack pacl 2234 ke el kwacfe kuht in “oruh ma suwohs, nuhnuhnkuh in suwohs, ac oruh ma wo pacl nuhkwewa.”35
Mweyen “God El sifacna iwaclah ke ma koluk luhn facluh,”36 Iwaclah luhn Leum kuh in ahkwoyelah tiac ke ma oasr met muhkwena tuh oacyacpac ma kuh in sikyak. Ke srihpen El etuh kweok, ngal, mas, “mwe sruhf luhn ohiyac nuhkwewa”,37 El kuh, ke pahkomuhta, in kahsruh kuht fal nuh ke mas lasr.38 Mweyen God El “sie God suwohs, God wo, ac oacyacpac sie God pahkotwen,” plwacn luhn pahkotwen kuh in “ahkfihsrwacsryelah ma enenweyuck luhn nuhnuhnkuh.”39 Kuht auliyak ac oruh ma nuhkwewa kuht kuh. El apihskuhtlac ma pahtpaht “ke poun luhngse lal.”40
Mihsenge kuht ahkfuhlwactye fohlohkyak ac sifilpac moulyak. Wi kowos, nga engankihn tuhtahflah luhn Sifil Fohlohkyak ke fohnlah luhn wosasuc luhn Jisus Kraist. Oacna ke muhtwacwacack yac 200 somlah ah ke spring se inge, kahlwem ac fwackyuck tuhtahflah in tuhkuh sin mwet pahluh moul luhn Leum ac Alu Lal pahngonyuck ke Inel—Alu luhn Jisus Kraist luhn Mwet Luhlahlfongi ke Lwen-Sahflah—ac ke fwackyuck ac mwe ahkkweye luhn mwe sang luhng Nguhn Muhtahl sifacna.
Wi kowos, ke pacl in Istuh se inge, nga fahkwack ke God, Pahpah ma Pahtpaht tuhmwacsr, ac Wen Kuloh Nahtuhl, Jisus Kraist suc moul. Mwet moul in ikoac ahkkohsyeyuck uniyucki ac tohkohyang sifil moulyak. Tuhsruhk Jisus Kraist moul muhkwena oasr sifil moulyak suwohswohs ke luhmah Lal suc srwackna us akihlenyacn misac Lal ke akucl ke pahol, niyacl ac siskacn mahnol. El muhkwena kuh in fahk, “Nga sihmihskowoslac lun pouk.”41 El fahkwack muh El pa El suc srihpsrihpyak. El pa Jisus Kraist suc srihpsrihpyak. El pa Wen nuhtin God.42
Oacna Ivy srihsrihk ac violin se nahtuhl ah, kuht kuh in srwackna muhtwacwacack ke oacna sie ohiyac. Ahok, “ma su mwet uh soenna liye ku lohng, ma se sum wet uh soenna nunkauk mu ku in sikyak, pa ma se ma God El akola nu selos su lungse El.”43 Ke pacl inge, kuht kuh in etwaclah yohk sin woyiacn God ac ohiyac wolacna lasr tuh luhngse luhn God in kapkapwack ke kais sie sesr ke kuht sokuhl ac kahsruh sie sin sie. Ke inkacnek ac acn sasuc, kuht kuh in oruh ac in oacna, ip nuh ke ip, kuhlwacng nuh ke kuhlwacng, kais sie ac tuhkweni.
Tamuhlwel ac tahmtahel sacohk yen nuhkwewa, oacna ke kuht ohsun ac tuhkweni lutlut, luhlahlfongi ac woiyom oruh nga sesseslah ke nguhn luhn wolacna ac kuhlwacng luhn wosasuc. Testimoni lom ac fuhfahsryucsr lom ke wosasuc ahkkahsruhpye testimoni luhk ac fuhfahsryucsr ke wosasuc. Nuhkanlah ac siyuck lom, luhngse lom nuh ke sucu luhn God ac kawuck luhn Mwet Luhlahlfongi, ac kahlwem moul lom ke sifil fohlohkyak luhn ma pwacye ac kahlwem ahkyohkye fohnlah luhn wosasuc sifil fohlohkihnyuckyak, weacng Jisus Kraist moul ke insiyac. Kuht tuhkweni luhlahlfongi, “Nuh ke pahkah ac faht, Leum, muhta yuruk.”44 Ma sefannalac kuht etuh, inmahsrlon ma toasr ac ma upac, kuht kuh in oacklah mwe insewowo puhs lasr.45 Ke ma srihsrihk ac fihsrwacsr luhn kais sie lwen, kuht kuh in liye ma yohk sikyak ke moul lasr.46
Ac ma inge fah tuhkuh lah mwet suwohswohs nuhkwewa fah fahsrwelihk inmahsrlon muhtuhnfacl nuhkwewa, ac fah tuhkuh nuh Zion, onkihn on ke engan ma pahtpaht.44 Ke puhluhn pacl se ke hosanna ac hallelujah, onkihn hallelujah—tuh El fah muhta nuh tok ac ma pahtpaht! Wowoyak fahk hosanna, a nuh sin God ac Lamb! Ke ine muhtahl luhn Jisus Kraist, amen.