Plwacn Wolacna Sac
Kuht suc etuh plwacn luhn God ac suc oraclah olwelah in wi sruok kunohkohn fihsrwacsr in luti ma pwacye inge.
Finne inmahsrlon pacl upac ac toasr, kuht ahkinsewowoyeyuck na pwacye! Toeni luhlahp se inge use nuh sesr mwe kahsruhp luhn nguhn ac engan ke Fohlohkihnyuckyak ke wosasuc luhn Jisus Kraist. Kuht engankihn ke aruhruhma luhn Pahpah ac Wen Nahtuhl ma muhtwacwacackiyacn Fohlohkihnyuckyak. Kuht ahkacsmakihnyeyuck ke usrnguck luhn tuhkuhiyacn Puk luhn Mormon, suc srihpacn yohk se pa in sang mwe loh lah Jisus Kraist ac mwe luti Lal. Kuht ahksasucyeyucklac ke engan pwacyeiyacn fwackyuck—nuh sin mwet pahluh ac nuh sesr sifacna. Kuht lohngyuck luhlahlfongi sacohk ke Iwaclah luhn Jisus Kraist ac Sifil Moulyak pwacye Lal. Ac kuht lutiyuck kuhtuh ma pwacye sahyac ke wosasuc Lal nohfohn sang nuh sel Joseph Smith tukun God Pahpah fahkwelihk nuh sin mwet pahluh sasuc: “Pa inge Wen Kuloh Nuhtihk. Porongel!” (liye Joseph Smith—History 1:17).
Kuht ahkkweyeyucklac etweyuck ke fohlohkihnyuckyak ke pristut ac ki lal. Kuht ahksasucyeyucklac ke kena lasr nuh ke Alu luhn Leum in etuh ke ine suwos lal, Alu luhn Jisus Kraist luhn Mwet Luhlahlfongi ke Lwen-sahflah. Ac kuht suliyucki in wi lalo ac pruhe in ahksrihkyelah ma sikyak mihsenge ac pacl fahsruh ke mas luhlahp fin facluh nohfohn. Olutu uh kuht eis nuhnak wowo sin mwet pahluh moul luhn Leum ke el ahkkahlwemye sie fahkwack luhn Fohlohkihnyuckyak. Kuht ahkkweye fahkwack se inge lah “elos suc lutlut ke pruhe pweng luhn Fohlohkihnyuckyak ac orekma ke luhlahlfongi ac pa ahkinsewowoyeyuck in eis mwe loh lalos sifacna ke muhtahliyac ac srihpac in ahkolah facluh nuh ke Tuhkuh Ahkluo ma olwelah luhn Leum ac Mwet Lahngo lasr, Jisus Kraist.”1
Plwacn Sac
Ma nuhkwewa inge oasr ke plwacn muhtahl suc srihpac pa in lwelah tuhlihk nuhtin God in ahkfuhlwactye ac eklac oacna El. Pahngpahng ke ma suhmuhslah ke “plwacn wolacna luhn engan,” “plwacn in molwelah,” ac “plwacn in molwelah” (Alma 42:8, 11, 5, plwacn se inge—ahkkahlwemye ke Fohlohkihnyuckyak—muhtwacwacack ke Toeni Tuhlahp Inkuhsrao. Ke nguhn, kuht kena in eisyang moul ma pahtpaht, enganyuck sin pahpah ac ninac inkuhsrao. Ke pacl sacn kuht kapwack ne ke kuht kuh met liki srihke fin facluh wi mahno. In sang srihke se inge, God Pahpah sac plwacn in oraclah facluh se inge. Fin moul plwacni fin facluh, kuht ac ahkfohkfohkye ke ma koluk ke kuht puhla ma lain enenuh nuh ke kapkapiyacn nguhnasr. Kuht oacyacpac ac fah puhlakihn misac luhn mahno. In fohlohkihn kuht liki ma koluk ac misac, plwacn luhn Pahpah tuhmasr Inkuhsrao sang sie Mwet Lahngo. Sifil Moulyak Lal molwelah mwet nuh kwewa liki misac, ac kihsac in iwaclah Lal ac fah moli ma koluk nuhkwewa enenuh in ahknwacsnwacsye ma koluk ke ip enenuh in orekmakihnyuck nuh ke kapwack lasr. Iwaclah se inge luhn Jisus Kraist pa infulwacn plwacn luhn Pahpah.
Ke Toeni luhlahp Inkuhsrao, nguhnin tuhlihk nuhkwewa nuhtin God lotwelah ke plwacn luhn Pahpah, wi pac ma sikyak ac ma upac luhn mahno, mwe kahsruh sin kuhsrao, ac oyac muhtahl kuht kuh in sun. Kuht liye sahflah ke muhtwacwacack. Kain in mwet nuhkwewa ma isuslac fin facluh se inge sulaclah plwacn luhn Pahpah ac mweun kac fin mweun inkuhsrao tok. Pucs sesr oraclah olwelah yurin Pahpah nuh ke ma kuht ac oruh ke moul fin facluh. Ke inkacnek ma tiac ahkkahlwemyeyuck, orekma lasr ke facluh in nguhn use kuh nuh sesr ke moul fin facluh.
Moul in Mahno ac Facl luhn Nguhn
Ingena nga ac fah akacsruhi kuhtuh ip fihsrwacsr ke plwacn luhn Pahpah ke ohiyacn ma fah mokle kuht ke fuhfahsryucsr lasr fin facluh ac ke facl luhn Nguhn tok.
Srihpacn moul fin facluh ac kapwack in moul tok ma kuh in tuhkuh an, pa nuh sin tuhlihk nuhtin God in eklac in oacna El. Pa inge kena luhn Pahpah Inkuhsrao nuh sin tuhlihk nuhkwewa Nahtuhl. In eis sahflahiyacn se inge, masap ma pahtpaht enenuh kuht in mwet ahknwacsnwacsyeyuck liki Iwaclah luhn Jisus Kraist tuh kuht in muh kuh in muhta yurin Pahpah ac Wen ac engankihn ke mwe insewowo luhn ahkfuhlwactye. Oacna Puk luhn Mormon el luti, El suli “elos nuhkwewa in tuhkuh nuh Yohrohl ac ipeis ke wolacna Lal; ac wacngihn kuhtwena mwet El sruhnga suc tuhkuh nuh Yohrohl, sralsral ac fasrfasr, srohoh ac sukohsohk, mukul ac muhtwacn; ac El esam mwet Pegan; ac mwet nuhkwewa in oacna sie nuh sin God” (2 Nephi 26:33; liye pac Alma 5:49).
Plwacn muhtahl se kacsr in ekihn ma kuht enenuh in ekihn enenuh kuht in oraclah sulaclah in lain ma koluk ma srihfe mwet mahno in mukwikwi siena liki ma sap luhn God ac plwacn Lal. El oacyacpac enenuh kuht in puhla mwe srihfe sahyac luhn mahno, oacna ma koluk sin mwet sahyac kuh elyah sikyak isus me. Kuhtuh pacl kapwack enenweyuck lasr sikyak sin kweok ac ma upac wo likina ma mihs ac fihsrwacsr. Ac wacngihn sin ma lain luhn mahno kuh in oreklac srihpac ma pahtpaht in mukwikwi muhtahl ahkmwesahsye kuht liki ma koluk nuhkwewa luhn moul in mahno.
Plwacn sac ahkkahlwemye som sahflah lasr ma pahtpaht, srihpac ac ma enenuh sesr ke fuhfahsryucsr fin facluh, ac mwe kahsruh sin kuhsrao kuht ac fah eis. Masap luhn God an kai kuht liki fahsr nuh ke acn sensen. Mwe luti sin mwet kol lahlmwetmwet kuh in kol fahsr lasr ac sang kahs in mihs ma kahsruh nuh ke fuhfahsryucsr ma pahtpaht lasr.
Plwacn luhn God use nuh sesr mwe kahsruh ahkosr in kahsrwe kuht ke fuhfahsryucsr in mahno lasr. Ma nuhkwewa inge use nuh sesr sin Iwaclah luhn Jisus Kraist, ma infulwacn plwacn an. Ma se met ahkkweye kuht lah ke kweok Lal ke ma koluk lasr kuht auliyak kac, kuht kuh in ahknwacsnwacsyeyucklac liki kac. Na mwet in nuhnuhnkuh sahflah ac pahkomuhta sac ac fah tilac esam tok (liye Doctrine and Covenants 58:42).
Ahkluo, ke ipin Iwaclah luhn Mwet Lahngo lasr, El eislah ma tiac suwos luhn mahno Kacl. Ma inge lwelah kuht in eis kahsruh lucng me in use nuh sesr kuh in muhtweng liki ma upac luhn mahno, ma sifacna ac nohfohn, oacna mweun kuh mas yohk. Puk luhn Mormon an use nuh sesr ma suhmuhslah kahlwem ke kuh enenweyuck luhn Iwaclah sac. Mwet Lahngo El eislah Facl “kweok ac mas [ac sufal] luhn mwet Lal. … El fah eis nuh Facl mas lalos, tuh insiacl in sesseslah ke pahkotwen, fal nuh ke mahno, tuh Elan kuh in etuh fal nuh ke mahno lah El ac kahsruh fuhkah mwet Lal fal nuh ke mas lalos” (Alma 7:11–12).
Ahktolu, Mwet Lahngo an, ke Iwaclah ma pahtpaht Lal, eislah sahflahiyacn misac ac use nuh sesr ahkkweye engan lah kuh nuhkwewa ac fah sifil moulyak. Puk luhn Mormon an luti, “Sifil Moulyak fah tuhkuh nuh sin mwet nuhkwewa, … kwewana mwet srohoh ac mwet sukohsohk, kwewana mukul ac muhtwacn, kwewana mwet koluk ac mwet suwohswohs; ac finne tiac sie aunsifaclos fah wacngihnlac; tuhsruhk ma nuhkwewa fah fohlohklac nuh ke luhmah suwohs la” (Alma 11:44).
Kuht kihsac ma pwacye ke Sifil Moulyak ke pacl in Istuh se inge. Ma inge use nuh sesr nuhnak suwos ac fokoko in muhtweng ma upac luhn mwet puhlakihn kais sie sesr ac elos kuht luhngse, ma oacna ma mahno, nuhnak, kuh puhla suhfal kuht eis ke isuslac kuh puhlakihn ke moul in mahno lasr. Mweyen Sifil Moulyak an, kuht etuh lah ma suhfal in mahno inge tiacna sikyak ne tok.
Wosasuc fohlohkyak ahkkweye kuht lah Sifil Moulyak kuh in wi pacl sac in muhta na yurin mempucr luhn sucu lasr—mukul tuhma, muhtwacn kiyac, tuhlihk, ac pahpah ninac. Pwacnwacng kwacfe kuh se inge kacsr in ahkfalye kunohkohn in sucu lasr ke mahno. El kahsrwe kuht in moul tuhkweni ke luhngse ke moul uh in ngwetngwet nuh ke sifil ohsun engan ac kuhpahsr ne tok.
Ahkahkosr ac sahflah, ma fahkwack mihsenge luti kuht lah kapkapwack lasr tiac enenuh in ahksahfyelah ke moul se inge. Ma srihsrihk ahkkahlwemyeyuck me ke ahkweye yohk srihpac se inge. Kuht lotwelah lah moul se inge pa pacl in ahkolah in ohsun nuh yurin God ac lah kuh in tiac sano auliyak lasr (liye Alma 34:32–33). Srwackna pac, kuh lotwelah ke facl luhn Nguhn wosasuc an lutiyuck nuh sin mwet koluk ac mwet tiac ahkos suc lain ma pwacye (Doctrine and Covenants 138:29) ac lah elos lutlut we kuh in auliyak ac kapwack nuh ke Nuhnuhnkuh Sahflah (liye fuhs 31–34, 57–59).
Pa inge kuhtuh ip yohk ke plwacn luhn Pahpah tuhmasr Inkuhsrao:
Wosasuc fohlohkyak luhn Jisus Kraist use ngwetngwet sasuc ke mwe luti luhn tiac kosro, pahyuck, ac isus luhn tuhlihk. El luti lah pahyuck ke ohiyacn plwacn luhn God pa enenuh nuh ke ahkfalye srihpacn plwacn luhn God, in sang acn sang muhtahl ma nuh ke isuslac luhn mahno, ac ahkolah mempucr luhn sucu nuh ke moul ma pahtpaht. Pahyuck akwucki sin God nuh sin mwet, Leum El pa fahk lah facluh tuh in topuk sahflahiyacn oraclah an (Doctrine and Covenants 49:15–16). Ke ma inge, plwacn lal, tuh pwacye, fahsr siena liki kuh luhn facluh ke ma sap luhn facluh ac facsin.
Kuh se in oraclah moul facluh pa kuh fuhlwact emet God El sang nuh sin tuhlihk Nahtuhl uh. Orekma sac pahngonyuck ke ma sap se met nuh sel Adam ac Eve, tuhsruhk sulpac sie ma sap yohk srihpac use nuh sesr pa in tiac orek koluk kac. Sahyac tuhkweni luhn pahyuck, orekmakihnyacn kuh in orek tuhlihk lasr uh kwewa pa sie ma koluk sahyac ac lain ohiyac muhtahl luhn mukul ac muhtwacn. Ahkuhtweyac wosasuc fohlohkyak fihliyac liki ma sap luhn tiac kosro ac pa mweyen srihpacn orek tuhlihk in ahkfalye plwacn luhn God.
Kuh meac tok?
Ke ahkfuhlwactye ahk lofoko inge ke Aruhruhma se Met ma muhtwacwacack Fohlohkihnyuckyak an, kuht etuh ma plwacn luhn Leum ac kuht ahkkweye ke yac lofoko luhn mwe insewowo sin Alu fohlohk Lal. Ke yac se 2020, pwengpweng in pahngpahng ngwetngwet 20/20 nuh ke mukwikwi met ah.
Ke kuht ngwetngwet nuh met, tuhsruhk, ngwetngwet lasr tiacna suwos. Kuht etuh lah yac lofoko tukun Fohlohkihnyuckyak, nguhn luhn facluh yohklac mwet muh oasr puhlakihn yohroh in ahkfalye ma luti we. Kuht oacyacpac etuh lah muh oasr puhslac tempuhl yohrohsr in orek akwuck ma pahtpaht nuh selos suc auliyak ac eis wosasuc luhn Leum ke kais sie acn luhn veil luhn misac. Ma nuhkwewa inge lihksrweni plwacn luhn Pahpah Inkuhsrao. Luhngse luhn God pa yohk emet lah, finne mwet ekahsr suc ekihn tuhlihk mukul luhn perdition, El use moul sahflah wolacna nuh sin tuhlihk nuhkwewa Nahtuhl (see Doctrine and Covenants 76:43).
Kuht etuh lah Mwet Lahngo ac fah fohlohk ac lah millennium mihs sac fah tuhkuh in ahksahfyelah ip in mahno ke plwacn luhn God. Kuht oacyacpac etuh lah oasr kuhtuh sifil moulyak siena liki moulyak ekahsr, ke mwet suwos ac mwet tiac suwos, ke nuhnuhnkuh nuh sin kais sie mwet tukun sifil moulyak la.
Kuht ac fah nuhnuhnkweyuck fal nuh ke mukwikwi lasr uh, kena luhn insiacsr, ac kain in mwet kuht eklac nuh kac uh. Nuhnuhnkuh se inge ac fah oruh tuhlihk nuh kwewa nuhtin God in fahsr nuh ke tohkohsrahi wolacna fal nuh ke ahkostwen lalos ac oyac elos mihs nuh ke. Mwet in nuhnuhnkuh se pa Mwet Lahngo lasr, Jisus Kraist (liye John 5:22; 2 Nephi 9:41). Yohklacna Lal use nuh Sel lahlmwetmwet suwos ke mukwikwi ac kena lasr nohfohn, kwewana ma kuht tiacna auliyak kac kuh tiacna eklac ac ma kuht auliyak ac suwohswohs kac. Na, tukun nuhnuhnkuh Lal kuht ac ahkkahlwemye “lah nuhnuhnkuh Lal suwohs” (Mosiah 16:1).
Ke ahksahfyelah, nga akacsruhi nuhnak suwos ma tuhkuh nuh sihk sin lwacta pucspucs ac in riti puhslac kwacfe in fohlohk nuh ke Alu tukun elos eislah inen kuh forlah liki ma pwacye. Puhslac mempucr lasr uh tiacna kahlwem suwohs plwacn in molwelah se inge, ma topuk kihsensiyuck ekahsr ke ip yohk ac srihpac muhtahl luhn Alu fohlohkyak. Kuht suc etuh plwacn luhn God ac suc oraclah olwelah in wi sruok kunohkohn fihsrwacsr in luti ma pwacye inge ac oruh ma nuhkwewa kuht kuh in fahsr orekma inge nuh met ke mwet sahyac ac ke ohiyac lasr sifacna in mahno. Nga fahkwack luhlahlfongi ke Jisus Kraist, Mwet Lahngo ac Mwet Molwelah lasr, suc oruh ma nuhkwewa in kuh, ke inen Jisus Kraist, amen.