Sasa in Hosanna
Ingena, tamuhlwel ac tahmtahel sacohk wiyuck, ke kuht ahkfuhlwactye Aruhruhma se Met lal Joseph Smith ke Pahpah ac Wen Nahtuhl, kuht puhla lah ma fal in tuhkweni engankihn in wi Sasa in Hosanna.
Sasa muhtahl se inge pa ituckyang met ke fihl in pacl nuh ke ahkfuhlwact se ke acn Kirtland Tempuhl ke Mahs 27, 1836. Ingena ituckyang nuh ke ahkfuhlwactyeyacn kais sie tempuhl. Pa mwe sang muhtahl sin Pahpah ac Wen Nahtuhl, ekihn sasa luhn mwet ah ke Mwet Lahngo el oraclah mwe ahkfuhlwact lal sifacna in utyak nuh Jerusalem. El oacyacpac sifilpac ahkpwacyeiyelah lah meac Joseph el puhlakihn ke lwen se el muhta ke Insack Muhtahl—pa, Pahpah ac Wen Nahtuhl Elos pa Mwet wolacna luo suc kuht ahkfuhlwactye ac alu.
Nga ingena e oruh ohiyac in Sasa in Hosanna pa e orek uh. Ke nga oruh, nga suli mwet orekma ke media in oruh ma inge in muhtahl ke liyeyuck uh ke mahngol ac ahkfuhlwact.
Kais sie suc wi eis sie acnkitsucf nwacsnwacs ac fasrfasr an, sruokyac na ke sie corner an, ac orekmakihn poum kihl na kom fahk, “Hosanna, Hosanna, Hosanna nuh sin God ac nuh sin Lahm,” kalweni na pacl tolu, tahfwelah ke “Amen, Amen, ac Amen.” E fin wacngihn acnkisuhf yuruwos, kowos kuh in orekmakihn pouwos na.
Tamuhlwel ac tahmtahel, nga ingena suli kowos in tuyak ac wi kuht ke Sasa in Hosanna, ac tohk Hosanna Anthem ac “The Spirit of God”1 ac tuhfah onkihnyuck.
Ke akucl sin mwet suc kol on an, nuhnak muhnahs wi kuht on “The Spirit of God.”
Hosanna, Hosanna, Hosanna nuh sin God ac Lamb!
Hosanna, Hosanna, Hosanna nuh sin God ac Lamb!
Hosanna, Hosanna, Hosanna nuh sin God ac Lamb!
Amen, Amen ac Amen