Tuh Elos Kuh In Liye
Suk ac pruhe ke pacl wo in ahkkahlwemye kahlwem lowos tuh mwet sahyac kuh liye ohiyac in fahsr nuh sin Jisus Kraist.
Tamuhlwel ac tahmtahel, insiacsr ahkinsewowoyeyucklac ac ahksasucyeyucklac ke Nguhn kuht puhla ke toeni se inge.
Yac lofoko tari ah, koan kahlwem soko oan mukul fuhsr ke insack se. Ke kahlwem sacn, Joseph Smith el liye God Pahpah ac Wen Nahtuhl, Jisus Kraist. Kahlwem lalos eislah mwe nguhn lohsr ma oan fin facluh ac ikacslah inkacnek nuh met an ke Joseph Smith—ac kuht nuh kwewa. Ke srihpen kahlwem ma ahkkahlwemyeyuck ke lwen se ingen, kuht kuh in eis mwe insewowo nohfohn ma tuhkuh ke srihpen Iwaclah luhn Mwet Lahngo lasr, Jisus Kraist.
Ke kuh luhn Fohlohkyak luhn wosasuc Lal, kuht kuh in nwekyucklac ke kahlwem luhn Mwet Lahngo lasr. Tuhsruhktuh, kahlwem se ingen tiac kalmacn in ma lowos ac luhk muhkwena. Jisus Kraist El pahngon nuh sesr in “lwelah kahlwem lowos in tohlwack mwet inge, tuh elos in kuh in liye orekma wo lowos ac kaksakihn Pahpah tomowos suc oasr inkuhsrao.”1 Ke pacl somlah nga muhtwacwacack in luhngse kahs “uh elos in kuh in liye.” Pa inge mwe suli pwacye sin Leum in ahkyohkye srihke lasr in kahsruh mwet sahyac liye inkacnek soko an na elos in muh kuh in tuhkuh nuh sin Kraist.
Ke nga matwac yac 10, sucu lasr insewowo in karihngihn Elder L. Tom Perry ke U luhn Mwet Sap Singucul Luo ke el siyuck in muhta ke inkucl luhk.
Ke sahflahiyacn lwen uh, sucu lasr ac sucu Perry muhta ke rum infulwac in engan in kanglah apple pie, yuc luhn ninac kiyuck, ke Elder Perry el akacsruhi puhpuhlyuck ke Mwet Luhlahlfongi raun facluh. Nga arulacna luhngse.
Ninac kiyuck el pahngonyuc nuh ke acn in orek mongo ke pacl pahtlac fong ac siyuck kihsen siyuck fihsrwacsr: “Bonnie, yac kom kihte mongo nuh ke won an?”
Insiuck puhtatlac; mweyen nga tiac. Nga sruhnga som liki acn se ma oasr Mwet Sap se luhn Leum, nga fahk muh won an kuh in lalo nuh ke lututacng tok.
Ninac kiyuck el topuk kuh “moh.” Na ke pacl sacn, Elder Perry el utyak nuh ke acn orek mongo ac puhrel fokoko ac engan siyuck, “Yac nga lohng oasr mwet se suc enenuh kihte mongo nuh ke won uh? Tuh tuhlihk mukul nuhtihk ac nga kuh in wi kom?”
Oh, in som sang mongo nuh ke won uh eklac in ma na engan se! Nga kahsruhsr in som eis lahmsahrom rangrang luhlahp lasr. Rahrahlac, nga kol, ac tuhpallah ke inkacnek mahtuh nuh ke acn luhn won uh. Lahmsahrom se ahtaht ke pouk, kuht fahsr sahslah ke imac in kohrn se ac pahselah lun imac in wheat se.
Kuht ohsun ke nuh ke luhf ke kof ma sahslah inkacnek an, nga etuh in tuhpallah luhf ah oacna pacl puhkantwen nga oruh ke fong tari ah. Nga muhlkuhnlah Elder Perry el oasr ac srihke ukwe yuc ke inkacnek lohsr el nihkihn. Kahlwem mukwikwi luhk tiac kahsrwel liye luhf an. Ke wacngihn kahlwem suwohs in liye, el fahsr nuh ke kof ac fahkwack ahkngalyeyuck. Ahksahngwengyeyuck, nga forlah in liye kawuck sasuc luhk suc mukwikwi in eislah falkacl ke luhf an ac usrukyac fahluhk leather toasr.
Ke fahluhk sroksrok, Elder Perry el kahsruh yuc in kihte mongo nuh ke won uh. Ke kuht ahksahfye, el luti ke ohiyacn luhngse, “Bonnie, nga enenuh in liye inkacnek an. Nga enenuh kahlwem in ahkkahlwemye acn se nga fahsr kac.”
Nga ahkkahlwemye kahlwem luhk tuhsruhktuh tiac ke ohiyacn kahsruh Elder Perry. Na, ke srihpen nga etuh lah el enenuh kahlwem in ahkkahlwemye inkacnek an, nga fihliyac kahlwem luhn lahmsahrom muhtuhn acn fahsr lal ac kuht kuh in fohlohk nuh lohm ah ke luhlahlfongi.
Tamuhlwel ac tahmtahel sacohk wiyuck, ke lusen yac puhspuhs nga motko ke ip yohk nga lotwelah sel Elder Perry. Mwe suli luhn Leum in lwelah kahlwem lasr in ahkkahlwemyeyuck tiac in ahtaht ahkkahlwemye kahlwem ke kuhtwena acn ac oraclah facluh in wo liki kuhtuh srihsrihk. Srihpac an pa in sang kahlwem tuh mwet sahyac kuh liye ohiyac in fahsr nuh sin Kraist. Pa oracni Israel ke moul se inge ac moul se tohk—kahsruh mwet sahyac in liye ip se fahsruh in oraclah ac karihngihn wuhlweacng muhtahl yurun God.2
Mwet Lahngo uh el fahkwack, “Liye Nga pa kahlwem; Nga oakiyac sie mwe srihkasrak nuh suwos.”3 Lwelah kuht in liye sie srihkasrak Lal.
Muhtwacn se an ke acn ut kof pa mwet Samaria suc nihkihn Jisus Kraist ac liyeyuck sin mwet puhkantwen ke sie mwet lahfwekihn ke acn lal. Jisus el ohsun nuh sel ac muhtwacwacack sramsram nuh sel. El sramsramkihn kof nuh sel. Na El kol el in ahkyohkye kahlwem lal ke El fahkwack lah El pa “kof in moul.”4
Kraist El etuh pahko muhta kacl ac ma enenuh lal. Kraist El ohsun nuh sel ke acn lal ac muhtwacwacack in sramsram ma etuh ac fihsrwacsr. El fin tui ke acn se ingen, muhtwacta lalos ma wo. Tuhsruhktuh ma tok ac tiac sikyak ke el som nuh ke inkucl an in fahkwack, “Fahsru liye … tia el pa Christ?”5 Kais kuhtuh, ke sramsram uh, el konwaclyak Jisus Kraist, ac finne ma el oruh met, el eklac in sie kuhfa luhn kahlwem, in ahkkahlwemye ohiyacn mwet sahyac in liye.6
Ingena lwelah kuht in liye puhpuhlyuck luo ma ukwe srihkasrak luhn Mwet Lahngo in kahlwem suwohs. Fahna tari kawuck se luhk Kevin el muhta sisken business executive ke pacl in mongo. El sensenkihn ma in sramsram ke lusen ao luo. In ukwe mokleyuck se, Kevin el siyuck, “Sruhmuhn nuh sihk kacn sucu lom an. Eltahl tuhkuh oyac me?”
Mukul se etuh ma srihsrihk ke sramsram mahtuh luhn sucu lal, na Kevin el ahkkahlwemye phone lal, ac fahk ma, “Oasr app se ma oracni mwet ke sucu laltahl. Lwelah kuht in liye ma kuht kuh in konwacack.”
Tukun sramsram loes, kawuck sasuc lal Kevin el siyuck, “Efuh sucu uh yohk srihpac ke Alu lom an?”
Kevin el top, “Kuht luhlahlfongi lah kuht kuh in kalweni moul tukun kuht misac. Kuht fin konwacack mwet mahtuh lasr ac us ineltahl nuh ke acn muhtahl pahngpahng tempuhl, kuht kuh in oruh akwuck luhn pahyuck ma karihngihn sucu in tuhkweni tukun kuht misac.”7
Kevin el muhtwacwacack ke ma oacna sie se el etuh oasr sel kawuck sasuc se lal ac el. Na el konwacack ohiyac se in ahklohye kahlwem ac luhngse luhn Mwet Lahngo.
Puhpuhlyuck ahkluo sramsramkihn Ella, mwet sritacl se ke basketball. Srihkasrak lal muhtwacwacack ke el eis pahng ke misin lal ke el muhta ke acn in lutlut. El sulaclah in ikacslah pahng lal yurin u in sritacl lal. Elos nihnkihn apkuhran ma nuh kwewa ke Alu luhn Jisus Kraist ac tiac kahlwem srihpac oasr kena lal Ella in kuhlwacnsap. El pruhe pacl puhkantwen in etuh fuhkah in ahkuhtweyac pahng lal nuh ke misin ke ohiyac se ma u in sritacl lal in puhla Nguhn. Topuk lal?
“Nga oraclah PowerPoint se,” Ella fahk, “mweyen nga ke oruh.” El sruhmuhn nuh selos ke ma wo in kuhlwacnsap ke sie misin luhn yohk liki misin 400 ac sahp etwaclah kahs sahyac an. El ahkuhtweyac oasr ahluhkwelah misinacri tausin an suc kuhlwacnsap tari. Ella ahksahfye ke petsac luhn Mwet Lahngo ac sie fahkwack luhlahlfongi fototo inge: “Basketball pa sie ma yohk srihpac emet ke moul luhk. Nga som ahluhkwelah muhtuhnfacl an ac som liki sucu luhk in sritacl ke coach ac u in sritacl se inge. Ma luo muhkwena yohk srihpac liki basketball pa luhlahlfongi luhk ac sucu luhk.”8
Ingena, sahp kowos nuhnkuh “Pa inge srihkasrak lightbulb 1,000-watt, tuhsruhktuh nga pa lightbulb 20-watt,” esam lah Mwet Lahngo El fahkwack, “Nga pa kahlwem se ma kowos fah sralwack.”9 El ahkacsmakihnye kuht lah El ac fah us kahlwem kuht fin kol mwet sahyac muhkwena nuh Sel.
Kowos ac nga oasr kahlwem fal in akacsruhi ingena. Kuht kuh in ahkkahlwemye step fahsruh in kahsruh sie ahkfototoyaclos nuh sin Jisus Kraist, na step tok, ac tohkoh.
Siyuck suwos sifacna, “Suc enenuh kahlwem oasr suwos in konwacack inkacnek elos enenuh tuhsruhktuh tiac kuh in liye?”
Kawuck sacohk luhk, efuh ahkkahlwemye kahlwem lasr yohk srihpac? Leum El fahk lah oasr mwet pucspucs fin facluh suc elos tiac eis ma pwacye ke srihpen elos tiac etuh lah elos ac sokwack oyac.10 Kuht kuh in kahsruh. Kuht kuh in sulaclah in sang kahlwem tuh mwet sahyac kuh liye. Kuht kuh in sang mwe suli se.11 Kuht kuh in fahsr yurin elos suc muhtwacwacack fahsr nuh sin Mwet Lahngo an, finne oasr ma sesuwohs. Kuht kuh in tuhkweni oracni Israel.
Nga etuh Leum El ac fah ahkyohkye srihke lasr. Nguhn Muhtahl fah mokle kuht in etuh ma kuht enenuh fahk ac oruh. Sahp srihke inge enenuh kuht in oruh ma siena liki ma kuht luhngse, tuhsruhktuh kuht kuh in luhlahlfongi lah Leum El fah kahsruh kuht ahkkahlwemye kahlwem lasr.
Nga arulacna sruikihn kahlwem luhn Mwet Lahngo, ma kalweni kol Alu se inge nuh ke fwackyuck.
Nga suli kuht nuh kwewa in ukwe srihkasrak luhn Jisus Kraist ac liyacacng mwet raunikuhtlac. Suk ac pruhe ke pacl wo in ahkkahlwemye kahlwem lowos tuh mwet sahyac kuh liye ohiyac in fahsr nuh sin Jisus Kraist. Olwelah Lal pa wolacna: “Kutena mwet su fahsr tukuk fah oasr kalem lun moul yorol, ac el fah tiana fahsr in lohsr.”12 Nga fahkwack lah Mwet Lahngo lasr, Jisus Kraist, pa ohiyac, pwacye, moul uh, kahlwem, ac luhngse luhn facluh. Ke inen Jisus Kraist, amen.