Fahsr nuh Met ke Luhlahlfongi
Nga ahkinsewowoye kom ke mihs ac luhlahlfongi yohkwelihk ke Leum.
Tamuhlwel ac tahmtahel sacohk wiyuck, ke kuht kaliyac toeni yohk srihpac se inge, kuht tarilacna nuh sin Leum. On an tuh arulacna wolacna, ac pwacng an molkweyuck.
Ke toeni se inge, kuht puhlakihn ma yohk srihpac. Ke ahkfuhlwactyeyacn yac ahk lofko kuhtuh sei nge, kuht ahkkahlwemye ke sie mwe fahkwack nuh fin facluh fahkwelihk ke ma pwacye ke Sifil Fohlohkyak luhn wosasuc luhn Jisus Kraist ac fohnlah la an.
Kuht ahkmuhtahlye Fohlohkihnyuckyak uh ke Hosanna Shout.
Kuht ahkkahlwemye akucl sasuc in ahkkahlwemye luhlahlfongi lasr fin Leum Jisus Kraist ac nuh ke ma ngwetngwet in akihlen ipin ac ma luhn Alu.
Kuht pahng nuh ke sie lwen in lalo ac pruhe fin facluh, tuh mas yohk se inge kuh in muhnahslah, mwet karihngihn kuh in woyak, orekma kuh in fokokoi, ac moul fah kampare. Lwen in lalo se inge fah sikyak ke Good Friday, Eprel 10 [singucul]. Ac fuhkah woiyacn lwen Fracte sac!
Sacnri fahsruh ac pa Istuh Sacnri, pacl kuht ac sulpac alu nuh ke Iwaclah ac Sifil Moulyak luhn Leum lasr Jisus Kraist. Mweyen Iwaclah Lal, mwe sang luhn sifil moulyak lal ac fah tuhkuh nuh sin mwet nuhkwewa moul an. Ac mwe sang luhn moul ma pahtpaht Lal ac fah tuhkuh nuh sin mwet nuhkwewa suc suwos nuh ke akwuck ac olwelah oraclah fin tempuhl muhtahl Lal.
Ip nguhn pucspucs luhn toeni luhlahp ke Eprel 2020—ac wik sacohk kuht muhtwacwacack ingena—kuht in fototo in fahk ke kahs muhtahl se: “Porongel.” 1 Kuht pruhe ngwetngwet lasr fin Pahpah Inkuhsrao, suc fahkwack kahs inge, ac Wen Nahtuhl, Jisus Kraist, ac ma nuhkwewa oruh an fah fihliyac ke esam nuhkwewa lasr. Kuht pruhe lah kom ac fah muhtwacack ma sasuc porongopwacye lohacng nuh ke, ac oruh kahs luhn Mwet Lahngo. 2 Nga olwelah sensen fah ahksrihk ac tukun luhlahlfongi fah yohkwelihk.
Kuloh ke kena lom in oruh lohm sum in ekihn lohmin luhlahlfongi, oyac Nguhn luhn Leum ac fah muhtana. Lutlut ke mwe luti luhn wosasuc, Fahsruhk, Ukweyuc, ac muhtweng in ahkinsewowoye moul lom. Oruh suwos lom ke orekma se inge—finne ke pacl s inge ke kom ac fah puhla kom tiacna kuh in ahkfalye pwacye—ac fah eklac moul lom, ac ke sucu lom, ac facluh. Kuht ac fokokoi ke kuht ekihn mwet tuhma lutlut pwacye luhn Leum, tuyak ac sramsram Kacl, ke kais sie kuht oasr we.
Ingena, lwelah kuht in sramsram ke tempuhl. Kuht tuh kihsackuhnlah tempuhl 168 [siofok onngoul alkosr] fin facluh nohfohn. Kuhtuh ekahsr sahyac oasr ke ip siena liki nuh ke plwacn ac muhsahyak. Ke plwacn pwacngyuck in muhsaheack tempuhl sasuc, pa inge sie ip luhn sramsram mahtuh muhtahl lasr.
Tuh sahp fohs in pwengpweng tempuhl sasuc ke pacl in tempuhl nuhkwewa sahyac kaliyac ke pacl uh.
Yac siofok ekahsr tari ah, Prestuhn Wilford Woodruff el liye pacl se oacna pacl lasr an, oacna sihmlac ke pruhe in kihsackuhnlah Salt Lake Tempuhl, sang ke yac 1893. Sahp kuhtuh suwos tuh liyacack sihm fototo sin pruhe sacohk se inge ke social media.
Porongo siyuck luhn mwet pahluh luhn God inge: “Ke mwet Lom fah tiackuh in in utyak lohm muhtahl lal … ac elos tuh puhla toasr ac tuh koluklac, inmahsrlon ma upac … ac forlah muhtahlos nuh ke lohm muhtahl Sum ac siyuck Sum in molwelah, ke kahsruh, ke pahkomuhta Sum in fahsrot kaclos, kuht kwacfe Sum, in ngwetngwet nuh ten liki muhta muhtahl Lom ke pahkomuhta … ac lohngwack tuhng lalos. Kuh ke tuhlihk nuhtin mwet Lom, ke yac tuhkuh, fah fahsrwelihk, ke kuhtwena srihpac, ac acn se inge, … ac elos fah tohng nuh Sum liki acn in kweok ac ahsor lalos in sang mihs ac molwelah nuh selos, kuht puhsisacl in suk Kom in … lohng tohng lalos, ac sang nuh selos mwe insewowo tuh elos siyuck kac.” 3
Tamuhlwel ac tahmtahel, ke pacl luhn toasr lasr tuh tempuhl pa kaliyac, kom kuh in srwackna pahngyuck kuh luhn akwuck luhn tempuhl ac mwe sang lom ke kom karihngihn olwelah lom. Nuhnak muhnahs orek pacl se inge tempuhl kaliyac in kampare in moulkihn moul suwohswohs in utyak tempuhl, kuh in eklac suwohswohs in utyak tempuhl.
Sramsram kac tempuhl yurun sucu ac kawuck an. Mweyen Jisus Kraist El infulwacn ma nuhkwewa kuh oruh fin acn tempuhl, ke kom nuhnkuh kuhtuh ke tempuhl kom ac nuhnkuh yohk Kacl. Lutlut ac pruhe in lotwelah yohk ke kuh ac lahlmwetmwet tuh kom eis mwe sang—kuh tuh kom ac fah eis mwe sang kac.
Mihsenge kuht srui in ahkkahlwemye plwacn in muhsahelah tempuhl sasuc oalkosr ke kais sie acn inge: Bahía Blanca, Argentina; Tallahassee, Florida; Lubumbashi, Democratic Republic of the Congo; Pittsburgh, Pennsylvania; Benin City, Nigeria; Syracuse, Utah; Dubai, United Arab Emirates; and Shanghai, People’s Republic of China.
Ke acn oalkosr ingacn nohfohn, mwet in kamtuh luhn Alu uh fah orekma ke kolyuck luhn acn we tuh tempuhl uh fah oreklac fal ac in mwe ahkkahto se nuh ke kais sie mura.
Plwacn nuh ke tempuhl fin acn Dubai tuhkuh top la an nuh ke solsol yohk la, suc kuht sruikihn akihlen.
Koanon plwacn nuh ke tempuhl Shanghai ah yohk srihpac. Puhs liki yac luo, mempucr suwohs fal nuh tempuhl fin acn China tuh wi som nuh ke Tempuhl Hong Kong China. Tuhsruhk ke Julahe 2019 [luo tausin singucul yuc], kauli tempuhl sac ke srihpen plwacn loeloes ac eneneyuck-yohk in ahksasucye.
Fin acn Shanghai, acn in miting luhn kain in ma fah ahkkoeyucklac inkacnek nuh sin mempucr China in tahfwelah in wi eis olwelah luhn tempuhl—ke Republic of China—nuh selos ac nuh sin mwet mahtuh lalos. 4
Ke muhtuhnfwacl nuhkwewa, Alu se inge luti mempucr la in ahkmuhtahlye, ahkos ac ahkkweye masap. 5 Kuht luti yohk srihpaciyacn sucu, ohiyac in ekihn pahpah ac ninac wowo ac mwet srihkasrak. Mweyen kuht ahkfuhlwactye masap ac akwuck luhn Mwet ke Republic of China, Alu uh tiac suhpwaclah misienri auliyak nuh we; finne kuht fah oruh oacna inge.
Mwet som liki ac un mwet China fah tahfwelah in fahsrwelihk ohsun. Ohiyac suwohs luhn Alu uh akwucki na insacn tiac eklac. Ke kais sie ipin lohm orekmakihnyuck, utyak la an fah ahkkahlwemyeyuck muhkwena. Lohm sin Leum ke acn Shanghai tiac oreklac in tuhkuh liyeyuck sin mwet ke muhtuhnfacl sahyac.
Tempuhl alkosr sasuc inge fah ahkinsewowoye moul in mwet pucspucs ke kais sie acn liki veil in misac. Tempuhl an ac pa ip omeet ke Fohlohkihnyuckyak ke wosasuc nohfohn luhn Jisus Kraist. Ke woiyacn ac kuhlwacng luhn God, El pa ahkfototoye mwe insewowo luhn tempuhl nuh sin tuhlihk Nahtuhl ke acn nuhkwewa.
Ke Fohlohkihnyuckyak fahsruh nuh met, Nga etuh tuh God fah kampare in ahkkahlwemye ip yohk ac yohk srihpac pucspucs ke tohkohsrahi Lal fin facluh. 4 Tohkohsrahi sacn pa Alu luhn Jisus Kraist luhn Mwet Luhlahlfongi ke Lwen-sahflah.
Tamuhlwel ac tahmtahel sacohk, nga akacsruhi luhngse luhk nuh suwos. Ke pacl se inge luhn puhla upac ac toasr, ac oreklac wal sang nuh sihk, nga kena sang mwe insewowo luhn mwet sap fin suwos.
Nga ahkinsewowoye kom ke mihs ac luhlahlfongi yohkwelihk ke Leum. 5
Nga ahkinsewowoye kom ke kena in auliyak ac eklac kuhtuh oacna El ke kais sie lwen. 6
Nga ahkinsewowoye kom in etuh lah Mwet Pahluh Joseph Smith el pa mwet pahluh luhn Fohlohkihnyuckyak luhn fohnlah luhn wosasuc luhn Jisus Kraist
Finne oasr mas suwos kuh mwet luhngse lom, nga fihliyac mwe insewowo in ahkkweyelah, fin fal ke luhngse luhn Leum.
Nga pa ahkinsewowoye kom, oacyacpac sang sie fahkwack luhngse nuh sin kais sie suwos, ke inen muhtahl Jisus Kraist, amen.