Vakalougatataka na Nomudou Cakacaka
Ni da vakasamataka na veivakatabui, eda lomalomaruataka na veika e na vinakati. Ia e sa kaya na Turaga e na nona kila, “Sa rauti kemudou na noqu loloma.” (V&V 17:8.)
E soli na vosa oqo vei ira era se sega ni vinaka sara ia era sasaga tiko i na matavuvale ni vakabauta. Me vaka e na veigauna taucoko, o koya me vakarorogo e liu o au vakaiau.
Eda dau nanuma ni veivakatabui e baleta duadua ga na solika, ni dusimaki mai vakalou, veiiyau vakavuravura. Ia na veivakatabui cecere duadua ni dua e soli koya vua na Kalou. Na ivakaro ka veidusimaki nei Karisito ka soli ni a vakamacalataka na imatai ni ivakaro na “lomamu taucoko,” na “yalomu taucoko,” kei na nomu “nanuma kecega,” o ya e veivauci e na gauna kecega sega ni vakavudua. (Raica Mac. 22:37.) Kevaka e yaco tiko, e na basika kina na noda vakaitavi, e na kena veitaravi, na veivakatabui taucoko me baleta na tiko vinaka ni yaloda e na veigauna kece. (Raica 2 Ni. 32:9.)
Na veivauci ka taucoko vaka o ya e wili kina na vakanaulu vata ni vakanananu, vakasama, na vosa kei na itavi ka, e veibasai kei na tatawasewase, “Ia e na kila vakaevei na tamata na nona turaga ka sega ni bau qarava, ka sega ni kilai koya se nanumi koya se lomana?” (Mosaia 5:13.)
E vuqa era guilecava na veivakatabui e baleta ni dredre me kilai se dredre me caka. O ira era yalodinataka e na keda maliwa, era na vakila na vakacauoca ka solia mai na Kalou, e baleta ni ra tovolea mera toso i liu ia e na gauna vata ga era bera ni ra cakava na veika era nanuma ni dodonu. O koya gona au na soli e so na ivakasala e na loloma moni tosoya tiko ga na nomuni ilakolako.
Na talairawarawa vakayalo e sega ni rawati vakarawarawa, ia e na rawati vakalalai, ni vakayagataki na ibutubutu vatu ka veitarataravi. Ia me kilai ni ibutubutu vatu era a caka mera vavaci yadudua ga. E na yaco na noda lewa me “duavata ga na loma i Tamana” kei na “talairawarawa … me vaka na gone sa talairawarawa vua na tamana.” (Raica Mosaia 15:7; Mosaia 3:19.) Kevaka e sega, e dina ni da tovolea, eda na yaco me da vakila tikoga na viko kaukauwa ni cagi ka veivakasevai se veivakasesei.
Na ivakaraitaki ni vakatabui ni iyau e yaga. Ni rau a volitaka na nodrau vanua o Ananaiasa kei Safaira, erau a “vunia e so na kena ivoli.” (Raica Cakacaka 5:1–11.) E vuqa vei keda e vunitaka vakadredre e dua na “tikina,” e na noda vakamareqeta na noda gagadre vuni me vaka e noda iyau. O koya gona, e veitalia na veika kece eda sa soli oti, na iotioti duadua ni tikina e dau vaka me dredre duadua meda solia vua na Kalou. E dina, na solika vakatikina e veiganiti, ia e via tautauvata kei na iulubale, “au a soli oti mai valenivolavola.” (raica Jemesa 1:7–8).
Eda rawa, meda kaya mada, ni da taukena e so na ivukivuki maqosa eda rawa ni nanuma cala ni noda vakaikeda. Kevaka eda vakainuinui sara vei ira ka lailai sobu vua na Kalou, eda sa burogotaka e na talaidredre i na imatai ni ivakaro ni veivakatabui. Ni solia dinautaka vei keda na Kalou na “icegu … [mai na dua na gauna ki na gauna ka tarava,]” na yamekemeke ni yalo me balati ira na veivakasosataki oqo me guilecavi! (Mosaia 2:21.)
E dua na ka e rawa ni veivakatarabetaki e kune ni da qarava na Kalou e na yalo solisoli e na gauna kei na ilavo ia eda maninitaka e so na tiki ni yaloda e loma, ka vakaraitaka ni da sega ni se Nona taucoko!
E so e kunea ni rui dredre vei ira mera vagalalataki ira mai na itavi ka takosova na nodra lasa. E a ivakaraitaki o Joni na Dauveipapitaisotaki, ni a kaya me baleti ira na ilawalawa nei Jisu, “Sa dodonu me levu cake tiko ko koya, ia me’u lailai sobu tiko ko i au.” (Joni 3:30.) E na noda nanuma cala tiko ni noda ilesilesi oqo e ivakaraitaki duadua ga ni levu ni nona lomani keda na Kalou e vukea na noda sega ni via vagalalataka na itavi. Kemuni na wekaqu, na noda vinaka yadua, e sa kilai rawa tu vakalomalagi ni “vinaka sara;” e sega ni veilutuyaki me vaka na volitaki ilavo e na makete ni bisinisi.
E tu tale e so na ibutubutu vatu era se sega ni vakayagataki e baleta, me vaka na cauravou vutuniyau, eda se sega ni via sota vakadodonu kei na veika eda lecava (raica Marika 10:21). E vakaraitaka na kocokoco ka vo tu.
Na levei ni itavi e yaco e na vica na sala. Na Matanitu Teresitieli, e na kena ivakaraitaki, era na tawana na “rokovi,” e macala vinaka ni ra sega ni dauveibeitaki vakailasu. Ia era a dau “sega ni yalodina tiko ga ki na ivakavuvuli i Jisu” (V&V 76:75, 79). Na sala vinaka duadua ni vakadinadinataka e na doudou na Karisito meda vuki meda tautauvata kei Koya, kei na veivakatabui e na bucina vei keda na itovo ka vaka na nei Karisito. (raica 3 Ni. 27:27).
Ni da tovolea meda walia na dredre ka’u a tukuna, na noda talairawarawa vakayalo e na veivukei sara ka yaga—ka rawa me vukei keda meda “sereka” na veika, wili kina na bula vakayago, e na so tale na gauna me “tauri matua,” kei na so tale na gauna me vakayagataki na ibutubutu vatu na tarava. (raica1 Ni. 8:30).
Kevaka eda sega ni rai vakamatau, na tauri ni ikalawa ka tarava e rawa ni dredre. E dina ni a kilai na sala e a veivakalougatataki kina na Kalou vei ira na Isireli e na gauna makawa mera a drotani mai na kaukauwa nei Fero kei na nona mataivalu levu, e rau a sega ni raica rawa o Leimani kei Lemueli ni lekaleka na nodrau rai ka takiveiyaga na nodrau vakabauta na Kalou me vukei rau me baleti Lapani e dua na tamata wale.
E rawa ni da vakawelei kevaka eda nuiqawaqawa meda vakamarautaki ira na veiliutaki e na noda cakacaka se noda gauna ni vakaitavi ni veika lasa ka taleitaki. Na vakamarautaka na “kalou tale e so” ka sega na Kalou dina e saqata talega na imatai ni ivakaro. (Lako Yani 20:3.)
E na so na gauna eda taqomaka na noda ivakarau, me vaka eda nanuma ni rawa beka ni ivukivuki vaka o ya e bibi i na noda itovo. E na dua na rai, na itavi vakatisaipeli e “qito veitaratara,” me vaka a vakadinadinataka o Parofita Josefa Simici:
“Au tautauvata kei na dua na vatu levu, sukusukura … kei na veivakasavasavataki duadua ga e yacovi au ni dua na tutuqu e veicoqacoqa kei na dua tale na ka, ka lauta e na kaukauwa ni toso vakatotolo … Ni vaka o ya au na yaco me’u yagoyago vinaka ka moto savasava e na nona kato ni iyaragi na Kalou Cecere” (Teachings of the Prophet Joseph Smith, digitaka Joseph Fielding Smith [1976], 304).
E rawarawa sara vei keda meda masu ka dredre meda vakatabuya na noda vuku vua na Kalou, e na noda sega ni vakatabuya na noda vuku taucoko vua na Kalou e sa tarova e so na tamata vuku duadua mai na veiqaravi kei na veivuke e na cakacaka ni Kalou. E vinaka cake, na yalo malumalumu vakataki Mosese ka a vulica e vuqa na ka “a sega sara tu ni kila.” (Mosese 1:10.) Ia, e ka ni rarawa, e na veimaliwai vereverea e na kedrau maliwa na noda galala meda digidigi kei na noda ituvaki tuvakai koya eda lomalomarua meda vakatabuya na noda vuku vua na Kalou. Na soro ni vakasama e dua na qaqa, ni vakaveikilaitaki keda i na sala ni Kalou meda toso kina i liu ka “cecere cake” mai na noda sala. (Aisea 55:9).
Ia, meda kila e na veigauna kece ni da tovolea vakaukauwa, me rawati e dua na ka yaga, e na rawa ni tosoya sobu na noda veiqaravi vua na Kalou. Me ivakaraitaki, e rawa meda vakaogai e na qito kei na qarava na yagoda. E rawa na vakacerecereya na veika bula, ia guileca na Kalou ka bulia na veika bula. E dua e rawa ni taleitaka na ivakatagi rorogo vinaka se cakacaka vinaka ka vakavuna me solia kece na nona gauna e na vukuna ka sega tale. Ni yaco o ya, na “veika bibi” sa na calati vakawasoma (Mac. 23:23 raica talega 1 Koro. 2:16;). E rawa walega vua na Cecere Duadua me liutaki keda me baleta na vinaka duadua e rawa ni da cakava o kemuni kei au.
E a vakavulica o Jisu ni sega e bibi cake mai na ivakaro lelevu e rua; e a sega ni vakavulica ni o rau na ivakaro e rau mamada cake mai na veika kece. (raica Mac. 22:40.) Na imatai ni vakaro e sega ni biu vakatikitiki me baleta na kena qaravi vakaukauwa e dua na ka e yaga ga vakalailai sobu, ni da sega ni qarava e dua na kalou e lailai sobu.
Ni bera ni da marautaka na vua ni noda cakacaka savasava, e dodonu meda vakavinavinakataka na liga ni Kalou. Kevaka e sega, e na vaka na kena ivosavosa “A noqu qaqa kei na kaukauwa ni ligaqu sa rawata me noqu na iyau oqo.” (iVakarua 8:17.) Se, keimami “vakacerecerei” keimami, me vaka a cakava o Isireli makawa (vakavo na mataivalu lailai nei Kitioni), e na qaciqacia ni “ligaimami ga sa vakabulai keimami.” (Dauvunau 7:2.) Na vosa qaciqacia me baleta na “ligada” e vakadredretaka vakalevu me tusanaki na liga ni Kalou e na veika kece sara! (raica Ala. 14:11; V&V 59:21.)
E na dua na vanua ka yacana o Meripa, o Mosese e dua vei ira na tamata rogo duadua, a sa vakaocai e na nodra vosa kudrukudru na tamata e na sega ni wai. E na rarawa ni yalona a “vosa cala” kina ni a kaya “Me keirau vakavurea beka mai na memudou wai?” (Same 106:33; iVakarua 4:21; raica talega Lekutu 20:10–12). Na Turaga a vakavulici Mosese na tamata rogo ni oti na vosa cala o ya ni a tukuna “keirau” me a sa wiliki koya vata kei na Kalou, ni a dodonu me a kaya “o koya” duadua ga na Kalou a solia na wai, ia a vakalevulevui koya talega. E dodonu meda yalo malumalumu me vakataki Mosese. (raica Lekutu 12:3.)
E a sega vakadua, sega sara ni yali na raidodonu nei Jisu! E dina ni a veilakoyaki e na cakacaka vinaka e na veivanua, e kila e na gauna kece ni waraki Koya na Veisorovaki, e na Nona a vakamamasu ia vata kei na Nona kila, “Na Tamaqu, vakabulai au mai na gauna oqo; ia na ka oqo ka’u sa lako mai kina ki na gauna oqo.” (Joni 12:27; raica talega 5:30; 6:38.)
Ni da vulica me levu cake na noda loloma, yalo malua, kei na yalo malumalumu, me sa na qai levu sara na noda solia vua na Kalou kei na kawatamata. E kena ikuri, e sega tale e soli vua na veimataqali rawaka, ituvatuva e sa rawa, kei na isolisoli ni bula me vakataki keda me rawa kina e so na ka.
E dina, na ibutubutu vatu e vakaraitaka vei keda na veiicolacola vovou ka da rawa ni cata meda cakacakataka. E yaco kina, o ira era qarava vakavinaka na icolacola vovou ka vakavinakataki ira mai kina, era na kaukauwa cake mera veivakauqeti vei keda na kena vo. Eda dau vakarorogo vei ira eda qoroi ira lo. Na gone cidroi ni a sa viakana e nanuma na kakana ka vakarautaki e na vale nei tamana, ia e a vakauqeti talega mai na vakanananu tale e so, ka vakavuna na nona lewa “au na ia ka lako vei tamaqu” (Luke 15:18).
E na noda tovolea meda rawata na itagede cecere duadua ni yalo malua, na noda lewa e ivakaraitaki ni veika eda rawa ni solia vua na Kalou. Na veiisolisoli e kilai levu kei na vanua era kau mai kina eda solia Vua e rawa sara me sitabataki “Vakalesui vua e Vakauta Mai,” me vakabibitaki na ‘V’ ni Vakauta. Kevaka e taura na Kalou e dua na isolisoli oqo ni kena isau, na tamata e taucoko na nona yalodina e na taura “na ka kecega sa tu vei Tamaqu.” (V&V 84:38.) Eda rawaka vakalevu sara mai na kena suka mai!
Me yacova na gauna o ya, meda nanuma tiko ga na veidina oqori: e solia vei keda na Kalou na noda bula, na galala meda digidigi, na taledi, kei na veisolisoli tale e so; e solia o Koya na iyau; na balavu ni noda bula yadua kei na veika eda gadreva me taucoko kina na noda bula kei na kena icegu (raica V&V 64:32). Kevaka eda veidusimaki e na ituvatuva oqo, eda na levea na veicala me vaka se cava e bibi kei na cava e mamada wale. E so vei ira oqo era sega ni veika ni veiwali meda nanuma ni matasere e domo va ka ratou lewe walu e tautauvata kei na rorogo ni matasere vakaitamera me vaka na Tabernacle Choir!
Eda kurabui li ni vakadeitaka o Peresitedi Hinckley ni da tamata ni yalayala, ka vakabibitaka na veiyalayalati ni sakaramede, ikatini, kei na valetabu, ka vakadeitaka ni vakacabo isoro me “yavudei ni Veisorovaki” (Teachings of Gordon B. Hinckley, 1997, t. 147).
Na yalo malumalumu ka veivakagalui a rawata na iVakabula, ni a wadrava na yaluma kei na rarawa ni Veisorovaki, ka “kerea me kautani [mai vua] na bilo ni cudru” (V&V 19:18). E na noda ivakarau lalai, ka takiveiyaga, eda sotava na veika meda colata ka da gadreva mera kautani mai vei keda.
Vakasamataka oqo. E na cava beka na bibi ni veivakavulici i Jisu kevaka me a kitaka tale e so na cakamana ia ka a sega na cakamana veivakakurabui duadua e Kecisimani kei Kalivari? Na veicakamana ni Turaga e a vakabalavutaka na bula ka walia na rarawa—ki na so. Ia era rawa vakacava mera vakatautauvatataki na veicakamana oqori kei na cakamana levu duadua na turicaketale ka tara na veivuravura kece sara? (raica 1 Koro. 15:22). Na vakalevutaki ni madrai kei na ika e a vakani ira e lewe vuqa era a via kana. E dina, era a via kana tale, ia o ira era taura na Madrai ni Bula era na sega ni via kana tale (raica Joni 6:51, 58).
Ni da vakasamataka na veivakatabui, eda lomalomaruataka na veika e na vinakati. Ia e sa kaya na Turaga e na nona kila, “Sa rauti kemudou na noqu loloma” (V&V 17:8). Eda vakabauti Koya? E a sa yalataka talega ni na vukica na veika malumalumu me kaukauwa (raica Ica 12:27). E lomada li dina meda soli keda i na yalayala o ya? Ia, kevaka eda vinaka na veika taucoko me na solia na Kalou, eda sega ni rawa meda maroroya e so na tiki ni veika e dodonu meda solia Vua!
E ibalebale ni noda solia na lomada me duavata kei na loma ni Tamada e kena ibalebale na veivakaukauwataki yadudua, veivakalevutaki ka rawa kina meda ciqoma “na ka kecega sa tu vei [Tamada]” (V&V 84:38). Ia, eda rawa vakacava meda vakadinati e na Nona “ka kecega,” me yacova na lomada me via duavata kei na Lomana? Era sega talega ni rawa ni kila na Nona “ka kecega” o ira era burogotaka na solia ira taucoko Vua.
E dina sara, o koya eda rawa meda na yacova eda na lasutaka e na noda bureitaka na “tikina,” se cava beka o ya. E sega na betena meda taroga, “Noqu Turaga, ko i au beka?” E dodonu, meda taroga se cava na noda dui itatarabe, “Noqu Turaga, o koya li oqo?” (Mac. 26:22). E rawa ni da a sa kila makawa na isau ka guta meda cakava na ka e dodonu meda kitaka ka sega ni waraka e dua na isau ni taro mai vua na Turaga.
Na reki levu duadua e na yavu loloma ni Kalou e waraki ira era makutu mera vakatorocaketaki ira ka sauma na isau ni curu i na nona Matanitu. Kemuni na wekaqu, “Lako mai, meda lakova vou na sala oqo” (Hymn, no. 217).
E na yaca ni Turaga ka dodoka na ligana (raica V&V 103:17; 136:22), o Jisu Karisito, emeni.