Na Gauna Talei ni Veiqaravi
Au kila na titobu ni nona lomani keda ka vakakina na kena taucoko ka kaukauwa na loloma oqo.
Ni cava e 34 na yabaki e na Koronivuli ni Lotu, keirau a nakita tu mai kei watiqu e na yabaki tolu sa oti me keirau sa na vakacegu ka me keirau na veisautaka na ivakarau ni bula keirau lakova tiko. E na gauna oqori keirau sa tekivu navunavuci. Keirau sa veisautaka na neirau itikotiko me rawa ni keirau voleka vei iratou na luve ikeirau kei ira na makubui keirau. Au sa tekivu me’u vakayacora e so na ka ka’u nanuma ni ra taleitaki sara. Au nanuma ni so era vakasakiti dina. E sa mai yaco e dua na gauna ni veisau e na bula.
Keitou a kalougata ni keitou vakaitikotiko e na taikadua ni gaunisala veibasai kei Elder F. Enzio Busche e na gauna ko ya, ka sa dua tiko na emuritisi ni Le Vitusagavulu kei watina e na gauna oqo. E na dua na siga ni a vakatavulici ira tiko na kuoramu ni matabete e cake o Elder Busche, e a raica sara e dua na tikina mai na ivola nei Alama ni a gadreva tiko ko Alama me domo ni dua na agilosi. Ia, e a totolo sara ko Alama me veivutunitaka na veinanuma vaka o ya, ka mai tauca yani kina e dua na vosa talei e na tikina e va. E kaya ni dodonu me da dau qarauna na nanuma ni lomada, baleta ni sa solia tu vei keda na Turaga na veika sa gadreva na lomada. Ka sa qai yaco mai kina vei au na vosa veivakakidacalataki: “Ni sa solia ko Koya na galala vei ira na tamata kecega me ra digitaka kina na mate se na bula; io na nodra vakabulai se na nodra vakarusai (raica Alama 29:1–5).
Ni’u lesu ki vale e na siga ko ya—au a sega ni’u vakila ni ra cala na nanuma ni lomaqu—ia e na gauna vata ko ya au sa kila kina ni a noqu ga na veigagdre oqori. Mai na siga ko ya au a tovolea kina me’u dau kila na Turaga ni’u dau via vakayacora na gagadre ni lomana. E dina ga ni’u nanuma me vakakina, ia au a qai kila e muri ni a rawarawa na kena tukuni, ia e dredre na kena vakayacori. Me vaka e tukuna o Elder Maxwell e na noa, ia sa yaco na veivakasavasavataki oqo ni ra sa solia na yalodra vua na Kalou (raica Ilamani 3:35). Keirau kunea rawa e na tolu na yabaki ka tarava mai na gauna ko ya ni Turaga sa dau dusia vei keirau na sala duidui mai na ka keirau namaka, ka sa dua na ka vou o koya oqo.
E na siga ko ya, ni oti na nona qiriti keirau mai vakaveiwatini o Peresitedi Hinckley, au a wiliwili tiko mai e na iVakarua ka’u kunea sara e dua na tikina e na wase e 12 ka vakaibalebale sara vakalevu vei au. E vaka me dua na ivakaro. E kaya na Turaga, “Ia ko ni na reki e na mata iJiova na nomuni Kalou e na ka kecega sa cakava na ligamuni” (iVakarua 12:18). Keirau rekitaka na veivakatarai oqo me keirau rekitaka na Turaga e na sala ni veivuke vou oqo.
Mai na gauna keirau tekivutaka kina na sala oqo, sa yaco me keirau mai vulica rawa kina na nona loloma levu na Kalou, na titobu ni Nona lomani keda, ka vakakina na kena kaukauwa na loloma oqo. E na gauna au sa yabaki 16 kina ka se sega sara ni’u kila vinaka e vuqa sara na ka, e a tara na lomaqu na Yalo Tabu ka’u vakila na yaga ni marama au na vakamautaka. Me tekivu mai na gauna ko ya au sa tekivu masulaka me vakaraitaka vei au na Turaga na marama ka na yaco me noqu itokani tawamudu. Era a saumi na veimasu oqori, na veika keitou sa rekitaka tiko oqo e na neirau vuvale vata kei ira na luve ikeirau kei ira na makubu ikeirau e vu kece mai vua.
Sa yaco me’u kila ni o Jisu e noda Karisito, sa dina ka sega ni vakaiyalayala na nodrau lomani keda kei Tamana, kevaka sara madaga eda sega ni kilikili kaya. Au sa dau lomana na Parofita o Josefa Simici, ia e a yaga vei au me’u vakayagataka e 10 na yabaki e na vulici vakamatailalai ni nona bula, na veivola e vola, kei na nona veivakavuvuli, kei na nodra ko ira era kilai koya ka lomani koya, ka sa yaco me’u kila na nodra parofita na parofita, e dua ka sa kilikili kaya me vakayacora na Veivakalesui mai ni iotioti ni itabagauna oqo. Ka sa yaco me’u kila e na kaukauwa levu ni idola e sa vakalesui mai oqo o koya e se sega ni tamusuki me yacova mai nikua ka sa tiko vua na noda parofita bula, ka vakakina vei Gordon B. Hinckley. Vakadua tale, keirau rekitaka na gauna talei oqo ni veiqaravi. Keirau sa yalo lokumi ka vakavinavinaka sara kina vakalevu ka’u sa biuta vei kemuni na ivakadinadina oqori e na yaca i Jisu Karisito, emeni.