Au Lako Ke Ko ni Lewa
Au lomani Koya. Au na via qaravi Koya e na veika kece sara au vakayacora me vaka na lomana.
Kemuni na taciqu kei na ganequ lomani, e na yalo lokumi kei na vakavinavinaka cecekia au tucake tu kina e na tikina tabu oqo. Me vaka e dua na gone tagane lailai ka a tubu cake e Raymond, Alberta, Canada, au dau taleitaka na veigauna kece keimami laga kina “Au lako, ke ko ni Lewa” (raica Sere 46). Na veivosa oqori e na veigauna kece sara e lagati kina e na soqoni ni sakaramede se Wilivola ni Sigatabu, e dau vakacaudreva na yalayala ki na lomaqu kei na yaloqu, ka ni’u dau vinakata me’u lako ki na vanua e vinakata vei au na Turaga, me’u kaya na ka e vinakata me’u tukuna—“Me’u dina tu vei kemuni, “ Jisu. Na yalayala oqori e kilikili me vakadeitaka tale na veivosa oqo nikua.
Au taleitaka na liga ni veitokoni e na noa, au duavata kei kemuni e na tokoni Peresitedi Gorodon B. Hinckley kei rau na nona daunivakasala, Peresitedi Monson kei Peresitedi Faust, kei Peresitedi Packer kei ira kece na Le Tinikarua me ra parofita, daurairai ka daunivakatakila. Au vakadinadinataka ni ra sa parofita, daurairai ka daunivakatakila dina ko ira oqo.
Au lomana na Turaga. Au lomana na Lotu oqo. Au lomani ira na Yalododonu totoka e na veiyasa ivuravura ka ra tovolea tiko e na nodra igu me ra rokova na nodra yalayala ka bulataka na nodra lotu. Au vakadinadinataka ni bula tiko na Kalou, ko Jisu Karisito, e Luvena, e noda iVakabula ka noda Dauveivueti. Au lomani Koya. Au via qaravi koya e na veika kece sara au vakayacora me vaka na lomana, ka’u cavuta na veivosa oqo ka tukuna na noqu ivakadinadina ni dina na veika oqo e na yaca i Jisu Karisito, emeni.