Era a Vosa Vei Keda

Ripote me baleti ira na Gone ena Lotu mai na i ka 171 ni Koniferedi Raraba, 6–7 ni Okotova 2001

Peresitedi Gordon B. Hinckley: Sa i koya beka oqo na veigauna dredre? Io. Ia e sega ni dodonu me da rere. E rawa ni tu na vakacegu e yaloda kei na noda vuvale. E rawa ni da ivurevure ni veika vinaka ena vuravura oqo, o keda yadua sara.

Peresitedi Thomas S. Monson, iMatai ni Daunivakasala ena Mataveiliutaki Taumada: Me tekivu nikua ka lako yani, ke rawa me da sa nakita me da vakasinaita na lomada ena loloma. Ke rawa ni da segata vakaukaua sara me da okata ki na noda bula o ira era galili ka rarawa voli se vakaleqai tu ena so na sala.

Peresitedi James E. Faust, iKarua ni Daunivakasala ena Mataveiliutaki Taumada: Na itukutuku marautaki ni Veisorovaki sa i koya na Nona iloloma uasivi sara na iVakabula me baleti keda yadua kei keda kece. Oqori na loloma ka sa sinai ena vosota, ena loloma cecere, na veivakatautauvatataki, na vosota vakadede, ka vakakina, me uasivi duadua sara, na dauveivosoti.

Peresitedi Boyd K. Packer, Peresitedi iVakatawa ni Kuoramu ni Apositolo Le Tinikarua: Au lomana na iVola i Momani: E Dua Tale Na iVakadinadina kei Jisu Karisito. Vulica mo na qai kila vakavinaka cake kina na Veiyalayalati Makawa kei na Veiyalayalati Vou ena iVola Tabu. Au kila ni dina.

Elder Dallin H. Oaks mai na Kuoramu ni Apositolo Le Tinikarua: Na Turaga e lomani ira taucoko na luvena. E gadreva me ra taukena kece na Nona dina kei na nona veivakalougatataki taucoko sara. E kila o Koya na gauna era sa vakarau kina, ka vinakata me da rogoca ka muria na nona idusidusi ena kena wasei na Nona kosipeli.

Elder Joseph B. Wirthlin mai na Kuoramu ni Apositolo Le Tinikarua: Na ka ga mo leqataka oya mo tovolea mo dua vei ira e vinaka cake sara. Ena rawa vakacava mo cakava oya? Mo raica vakamatua na yaga ni veika e ganita vakabibi na bula, ka toso volekata yani ena dua na ikalawa ena dua na gauna.

Elder Richard G. Scott mai na Kuoramu ni Apositolo Le Tinikarua: Na kena vosoti me rawa kina na vakacegu kei na tataqomaki, ena so na gauna ni noda bula ni da vakasamataka vakamalua ka railesuva, mo kila ena yalomu taucoko ni tiko na Kalou mai lomalagi, e lomani iko, e lewa o Koya na ka kece ka na vukei iko. Na vakabauta oqori e uto ni ivakadinadina kaukaua.

Elder Jeffrey R. Holland mai na Kuoramu ni Apositolo Le Tinikarua: Me da solia na ikatini kei na isolisoli tale eso me da vakaraitaka kina na noda lomana na Tamada Vakalomalagi Mai na Nona loloma na Kalou e soli madrai kina vei ira era viakana kei na isulu vei ira era dravudravua. Oya eda na wili kina ena so na gauna ena noda bula.

Elder Henry B. Eyring mai na Kuoramu ni Apositolo Le Tinikarua: Kevaka ko muria na ivolanikalou ka cakava na nomu veiyalayalati, au rawa ni yalataka vei iko ni na vakalevutaki na nomu lomana na Kalou ka vakila na vakaitamera ni Nona loloma vei iko.

Elder H. Ross Workman mai na Vitusagavulu: Sa vakalougatataki ira na luvena na Kalou mai vei ira na parofita me ra dusimaki ira ena nona sala ka vakarautaki ira ki na bula tawamudu… . Eda na gadreva na talairawarawa me da kila kina na nona veivakalougatataki na Turaga, kevaka sara mada ga e sega tu ni kilai na inaki ni ivakaro.

Bishop H. David Burton, Bisopi Veiliutaki: Ena kedra maliwa na noda itabagone, e dau basika mai kina vakarawarawa na ivosavosa tawakilikili ni ra vakamacalataka na veika era vakila. Kemuni na noqu itokani gone, oqo na gauna mo ni tu kina vakadodonu ena nomuni vakawabokotaka na veivosa oqori mai na nomuni vosa o ni dau vakayagataka… . Vakasaqara na kaukaua mai vei Tamamuni mai Lomalagi.