iVakavuvuli Ni Noda Gauna

Na ivakamacala sa koto oqo e baleta na lesoni ni ikava ni Sigatabu vei ira na Matabete i Melikiseteki kei na iSoqosoqo ni Veivukei me sosomitaka na kena ena Information for Priesthood and Auxiliary Leaders on Curriculum, 2005 through 2008.

Na soqoni ni Matabete i Melekiseteki kei na iSoqosoqo ni Veivukei ena ikava ni Sigatabu ni veivula me vagolei ki na “iVakavuvuli ni Noda Gauna.” Na lesoni kece ni “iVakavuvuli ni Noda Gauna” ena vakatavulici kina na vosa ena koniferedi raraba ka se qai vakayacori oti ga oqo, ka tabaki tiko ena Liaona. Ena dau tabaki tiko ena vula o Me kei na Noveba. Na vosa e sa na tu talega ena initaneti (ena vuqa na vosa ni veivanua) ena www.lds.org.

Na veilesoni kece e rawa ni vakarautaki mai na dua se vuqa na vosa. Me ra digitaka na peresitedi ni iteki se peresitedi ni iwasewase na vosa cava me taurivaki, se ke rawa ni ra lesia na itavi oqo vei ira na bisopi kei na peresitedi ni tabana. Me ra vakabibitaka na iliuliu ni veitabana na kena gadrevi vei ira na veitacini Matabete i Melekiseteki kei na iSoqosoqo ni Veivukei me dau tautauvata ga na vosa e vulici ena dua na Sigatabu. Me ra taro ivakasala na qasenivuli mai vei ira na veiliutaki ke dua na ka e gadrevi me vakabibitaki.

O ira na tiko rawa ena lesoni ni ikava ni Sigatabu era sa vakauqeti me ra dau vulica ka kauta tiko mai ena kalasi na mekesini ni koniferedi raraba ka se qai oti walega. Me ra vakadeitaka na veiliutaki ni veitabanalevu kei na tabana me dau vakauti tiko yani na mekesini ni Lotu vei ira na lewe ni lotu.

Vakasama ni Kena Vakarautaki na Lesoni Mai na Vosa

Masulaka me tiko vata kei iko na Yalo Tabu ni o vulica ka laki vakatavulica na vosa. O na temaki ena so na gauna mo biuta vakatikitiki na vosa ni koniferedi ka vakarautaka na lesoni mai na so tale na ivola. Ia e sa vakadonui yani me taurivaki na vosa ni koniferedi. E nomu itavi mo vukei ira na tani me ra vulica ka bulataka na kosipeli me vaka e vakatavulici mai na koniferedi raraba ni Lotu ka se qai vakayacori oti walega oqo.
Taleva lesu na vosa, vakasaqara na ivakavuvuli kei na ivunau ka sotava na gagadre ni lewe ni kalasi. Vakasaqara talega na italanoa, tiki ni ivolanikalou, kei na iyatuvosa mai na vosa oqori, me vukei iko mo vakatavulica na ivakavuvuli kei na ivunau.
Vola e dua na ituvatuva ena sala mo na vakatavulica kina na ivakavuvuli kei na ivunau. Me okati ena nomu ituvatuva na veitaro ena vukei ira na lewe ni kalasi:
- –Vakasaqara na ivakavuvuli kei na ivunau ena vosa o veituberi tiko mai kina.
- –Vakananuma na ibalebale ni ivakavuvuli kei na ivunau.
- –Wasea na ka era sa kila, nodra vakasama, na ka era sotava kei na nodra ivakadinadina ni ivakavuvuli kei na ivunau.
- –Taurivaka ena nodra bula na veivakavuvuli kei na ivunau oqori.
Taleva lesu na Wase 31 kei na 32 ni Veituberi, e iLutua ni Bula.

“Na ka e bibi duadua o ya me ra vakila na lewenilotu na veivakauqeti ni Yalotabu, torocake nodra kila ka ena kosipeli, vulica me ra taurivaka na ivakavuvuli ni kosipeli ena nodra bula, ka vakaukauwataka nodra igu me ra bulataka na kosipeli,” (iVoladusidusi ni Veituberi [2001], 12).

Yalovinaka me vakau mai na vakatutu ni “iVakavuvuli ni Noda Gauna” ki Curriculum Development, 50 East North Temple Street, Room 2420, Salt Lake City, UT 84150-3220, USA; e-mail: cur-development @ldschurch.org.

Noveba 2006– Epereli 2007	Na vosa e ra tabaki e na Liaona ni Noveba 2006 *
Me 2007– Okotova 2007	Na vosa e ra tabaki e na Liaona ni Me 2007*

*Na veivosa oqori era sa tu ena initaneti (ena vuqa na vosa ni veivanua) ena www.lds.org.