O Ira Era Vosa Vei Keda

Me Tiki ni Noda Bula na Koniferedi

Sa rawa ni vukei iko na veivakasama oqo ena nomu vuli ga vakataki iko se ena veivosaki ena lotu vakamatavuvale. (Na naba kece era kovuti tiko sai koya na itekivu ni naba ni draunipepa ni vosa o ya.) Ena veivuke talega na lisi ni italanoa.

Me baleti ira na gone

Vakasaqara na Vosa

Vakatawana na vanua lala: “Au vakadinadinataka vei kemuni ni Tucaketale e sega ni _________.” (iVakatakilakila: Vakasaqara na vosa nei Elder Joseph B. Wirthlin e na draunipepa 28.) Na cava e tukuna tiko na ka oqo? Ena rawa vakacava ki na dua na ivakadinadina ni Tucaketale me na veisautaka na ivakarau ni nomu bula ena veisiga yadua?
Mai na vosa nei Elder Jeffrey R. Holland na cava era a cakava na dautaubale ni sa gauna ni koniferedi raraba? (iVakatakilakila: E tekivu tiko na vosa ena draunipepa 104.) Na cava o rawa ni cakava ni sa gauna ni koniferedi?
Me vakataki Paorani ena iVola i Momani, e sega ni gadrevi me da vosa vakacacataka lesu e dua kevaka e vosa vakacacataki keda mai. Na cava beka mo na kaya ni dua e rukaki iko? (iVakatakilakila: Vakasaqara na vosa nei Elder David A. Bednar ena draunipepa 89.)

iTaviqaravi

E vakavulica o Peresitedi James E. Faust ni bula vakaitisaipeli sai koya na talairawarawa vua na iVakabula. E kaya o koya, “Na veivakalougatataki ni bula vakaitisaipeli sa vakarau tu vei ira kece era sa vakarau me ra sauma na kena isau.” Lobika rua e dua na draunipepa. Ena dua na yasana mo vola kina na veika mo na “sauma” mo tisaipeli kina i Karisito, o ya na vulici ni ivolanikalou, tiko ena soqoni ni lotu, tukuna na ka dina, ka dauloloma. Ena yasana ka dua mo vola kina na veivakalougatataki e yaco mai ena nomu vakamuri Jisu, me vakataka na marau, vakacegu, veitaqomaki, veidusimaki, kei na veimaliwai tawamudu ni matavuvale. Na veigauna yadua ko na digitaka kina na vinaka se ca, mo nanuma sara na lisi ni veivakalougatataki kei na kedra dui yaga talei vei iko.
E kaya vakaoqo o Sisita Elaine S. Dalton: “Kivei kemuni na itabagone ka tu na nomuni itutu vakaulumatua turaga mo ni raica na yasa ni tawamudu! Ni raici kemuni ena valetabu ni Turaga. Ni raici kemuni mo ni bulataka na bula kilikili ka savasava. Na itabatamata ena qai muri mai era vakararavi tu vei kemuni!” Droinitaki iko ena yasa ni dua na iyaloyalo ni valetabu, se vakabira e dua na iyaloyalo ni valetabu ena dua na nomu iloilo o dau raici iko tiko kina ena veisiga. Mo dau nanuma tiko ena veisiga na inakinaki savasava kei na sala mo bula kilikili tiko mo na rawata rawa kina.

Me baleti ira na itabagone

Eso beka na lewe ni nomu kalasi se kuoramu era sotava tiko na dredre? Na cava o rawa ni cakava mo vukei ira kina? Wilika na nodrau vosa o Peresitedi Thomas S. Monson kei Elder Henry B. Eyring me baleta na noda vakayacora rawa na noda itavi kei na lomani ira na tamata. (56 kei na 43)
Wilika na italanoa nei Bisopi Richard C. Edgley me baleta na tauwelu ni otela. (72) Na ivakaraitaki dodonu cava beka o sa sotava ko rawa ni wasea? Mo sa vakadeitaka oqo ni ko na cakava ga na veika dodonu vei ira na tamata.
Tarogi iko ke tiko vei iko na itovo ni vakasama “oqo oi au; mo vakauqeti au mada.” Kevaka e vakakina, mo na veisau vakacava? Me raici lesu na vosa nei peresitedi raraba ni Matawilivola ni Sigatabu o A. Roger Merrill me baleta na noda vakacokotaki vakalevu mai na veivosa kei na lesoni oqo. (92)
Na cava eso na veika butobuto mo kakua ni tara me kakua kina ni ko temaki laivi mai na dua na “bula dina e vakosipeli”? Wilika na italanoa ni “batinisiwa” ena loma ni baca ena vosa nei Elder Marcus B. Nash ena draunipepa (49).

Me baleti ira na qase

Na cava e sa nuitaka kina o Peresitedi Gordon B. Hinckley vei ira na itabatamata e tarava mai ni ra na nanumi ira na painia? Me da na rokova vakacava na noda “iyau soli” —o ya na nodra solibula yalodina na Yalododonu Edaidai taumada? Na cava e rawa ni da cakava me da toroya cake na cakacaka era sa tekivuna? (82)
E a vakauqeta vakacava na ivakarau ni nodrau bula o Elder Joseph B. Wirthlin kei na watina na nodrau kila vakavinaka tiko na Veisorovaki? (28) E a kune vakacegu vakacava mai na kila oqo o Elder Wirthlin ni sa mai mate o watina? Sa rawa mo wasea na vosa oqo nei Elder Wirthlin ki vua e dua sa takali yani e dua na nona daulomani.
Wilika na italanoa e a tukuna o Elder Robert C. Oaks me baleta e dua na cauravou lailai ka a vakabaleya eso na motovai. (15) Na cava a qai cakava o tamana? Ena sala cava mo dau yalo veivosoti kina vei ira na lewe ni matavuvale kei na ira na tani? Na cava na vakatutu e va nei Elder Oaks me baleta na noda rawa ni yalo veivosoti vakalevu cake?

Italanoa me wiliki ka wasei

Ena vosa ka ra tekivu tiko ena draunipepa e ra, ko na kunea kina na italanoa eso mo na tukuna yani kei na veika titobu mo na wasea.

Erau a laki vaqiqi polo o tama kei luvena tagane ena 5:00 na kaloko ena mataka lailai, 9

E a vosota o tama na luvena tagane ka a vakabaleya eso na motovai, 15

Vakamatei ena vuku ni lotu o Rafael Monroy kei Vincente Morales, 20

E katona ena misini o dikoni na lesoni ni matabete me laki rogoca e dua tale na dikoni, 43

E a solibula e dua na tama me volia e dua na misini ni yayani nei watina, 46

Sa rawata rawa o Marcus B. Nash e dua na ika, 49

Sa masulaki e dua na cauravou ni a lutu mai na vatavata ni rikarika, 51

E laki solia e dua na bete na kakana sa kumuni mai ki vua e dua na tina dawai, 53

E kunea o cauravou na vatu talei nei koya na tui ni a cakacaka tiko, 56

Sa maqusa o Thomas S. Monson ena laki sikova ka masulaki nona itokani e curu tiko e valenibula, 56

Ena dua na taubale era colati Jami Palmer o ira na goneyalewa, 62

Erau veitalanoataka vata na kosipeli e dua na goneyalewa dauveiqaravi ena valenikana kei na dua na draiva ni lori, 69

Sa vakasuka o Richard C. Edgley e tolu na tauwelu ka a taura mai, 72

E a taura mai na tamata vutuniyau eso na niusipepa mai na dua na misini ni pepa saumi, 72

Sa kunea o Martha Paxman na nona mama ni vakamau ka a yali tu, 82

Era sa vuetaki na kabani ni qiqi mai na buca, 82

Era sa vakarewataka na painia iliuliu e dua na ivakatakilakila ki na veimatanitu, 85

Sa vakauqeti e dua na tagane me vukea e dua na tamata mataboko, 97

E a vakarorogo e dua na yalewa ki na koniferedi raraba ena dua na taubale vata kei ira na nona itokani, 104

E nanuma e dua na tina gone ni sega ni kilikili kaya ki na loloma ni Kalou, 108

E a vakauqeti e dua na yalewa me laki sikova e dua na marama yalobibi lewe ni iSoqosoqo ni Veivukei, 113

Sa kerea o Anne C. Pingree me vosoti mai vua ka a cala kina, 113

E masulaka e dua na tinani gone dawai ka vitu na luvena me vakacegu mada ena dua na bogi, 115

E dua na veiwatini gone erau a sauma na nodrau ikatini ka rau sega ni walokai ena viakana, 115