O ai Iesu?
“O Iesu o la tatou uo lelei. Uo alofa mai” (Tusipese a Tamaiti, 37).
1. “Vaai oe! O le a alu atu le manu vaefa (allosaurus) e pue oe!” o le faataio atu lea a Teddy ao ia tuliina faatamilo i le nofoa le tainosoa (dinosaur) a Cole i lana manu fanua meataalo (allosaurus).
“E le mafai e se tasi ona taofia au. O a’u o le tupu o manu vaefa tetele (tyrannosaurus),” o le tala lea a Cole, ao tuu faaosooso lana manu fanua i luga o le puipui.
2. Sa feei leotetele tamaiti i totonu o le fale e pei o, manu fanua ua fiaaai ae sau loa Tina ma se meaai mama.
3. “O ai le la e i luga o lou puipui?” o le fesili lea a Teddy, ao ia aia lana sisi ua uma ona tipitipi.
“A e a, o Iesu,” o le tala lea a Cole.
“O ai Iesu?” o le fesili lea a Teddy.
Sa le iloa e Cole le tala e fai. Sa faapea lava ia e iloa uma e tagata Iesu.
“E nofo o ia i le lagi. Ma e alofa o Ia i tagata uma,” na pau a ia o mea sa manatua e tali ai.
“Ia ua lelei,” o le tala lea a Teddy. “E te manao ta te o i fafo?”
4. Sa tootuli Cole i autafa o lona moega i lena po e sauni e fai lana tatalo ae sau loa Tama i totonu.
“Sa oulua fiafia faatasi ma Teddy i lenei aso?” O le fesili lea a Tama.
“Ioe. Sa ma taaalo i le pusa oneone ma a ma’ua tainosoa. Tama, sa fesili mai Teddy ia te au pe o ai Iesu, ma e sa ou le iloa le tala e ta’u atu ia te ia.”
5. Sa tusi le lima o Tama i le ata i le puipui o loo i luga ae o le moega o Cole. O Iesu ao siomia o ia e tamaiti. “O le a se mea e te mafaufau i ai pe a e vaai i lenei ata?” O le fesili lea a Tama.
6. “Ou te mafaufau e uiga i le auala ou te fia nofo faatasi ai ma Iesu ma le Tama Faalelagi i se aso. Ma le ala na agalelei ai Iesu i tagata ao i ai i lenei fogaeleele,” o le tala lea a Cole.
7. “E foliga mai e mafai ona e tauina ia Teddy na mea uma e lua,” o le tala lea a Tama.
“Atonu o le a i ai se taimi e fia sau ai Teddy ma te o i le lotu,” o le tala lea a Cole. “Ona mafai lea ona ia aoao i le tele o mea e uiga ia Iesu. Ma e fiafia ai foi.”
8. Na kisi atu Tama i le muaulu o Cole.
“O oe o se tama lelei, Cole. Ua fiafia uma le Tama Faalelagi ma Iesu Keriso ia te oe. Ma e laki Teddy ua i ai sana uo e pei o oe.”