Molisulu o le Malumalu
Malumalu o Copenhagen i Tenimaka
Na muai faapaiaina e avea ma falelotu o Priorvej e latalata i le totonugalemu o Copenhagen, Tenimaka, i le 1931, o lenei maota piliki mumu matagofie na avea ma malumalu lona 118 o le Ekalesia ina ua faapaiaina i le aso 23 Me, 2004. Sa faamatalaina o se “malumalu fou i totonu o se atigi tuai.”1
O le pito i fafo sa i ai—e aofia ai i le pito i luma ni pou mataina e i autafa o se faitotoa laupapa—na faasaoina ma toe faatuina ao totonu na faia le tele o galuega toe faaleleia. O ata na valiina i puipui ma ata o vaaiga mai laufanua o le lotoifale e faaalia ai le tulagaese o uunaiga faa-Tenimaka ma Suetena. E lima faamalama uumi na gaosi i tioata mamanu i itu uma o le fale, lea e i ai se taualuga tulaga ese e faia i le kopa ma le faaofuofu e teuina i le kopa.
I le faapaiaga o le malumalu na tatalo ai Peresitene Hinckley i le Tama Faalelagi ina ia “pai atu i loto o i latou uma e auauna atu iina ma se malamalamaaga o Au fuafuaga paia ma Lau galuega mamana i le faataunuuina ‘o le faaofuina o le tagata i le tino ola pea ma le ola e faavavau’” (Mose 1:39).2
O lenei falelotu, na fausia e le au paia, ma faapaiaina i le 1931 ma mulimuli ane avea ma se malutaga mai pomu i le taimi o le Taua Lona II a le Lalolagi. Ina ua mae’a ona toe faaleleia le fale, na avea loa ma malumalu lona 118 (lalo).