Faamatalaga
Ua Atagia mai ia i Latou le Alofa o le Faaola
A o suesueina le Savali a le Au Peresitene Sili, ua matou iloa ai ni manatu e uiga i le auala e fetuunai ai ia aoaoga i tamaiti laiti ma le autalavou. O le a fesoasoani lea i o tatou aiga faapea ma aiga o loo tatou asia. Matou te iloa a outou tautinoga i le faafaigofieina o upu moni o le talalelei, i le faaaogaina patino, ma le faatauaina o le tumau ai. O Peresitene Monson o se perofeta a le Atua, ma o i latou o i le Au Peresitene Sili o loo atagia mai ai le alofa o le Faaola a o latou aoao mai i tatou ma tatalo mo i tatou. Tatou te alolofa foi ma tatalo mo i latou.
Aiga o Dias, i Pasila
E Taua Pepa o loo i ai se Savali
E taua i lo matou aiga ia pepa o loo i ai se savali i totonu o mekasini. Latou te auina mai se savali puupuu, manino, ma se vaaiga i aoaoga a le Ekalesia. Na matou faatautauina se faavaa ata i autafa o lo matou faitotoa i luma, ma o i nai vaiaso taitasi matou te fesuiaia ai le pepa lautele o loo i ai se savali. E fesoasoani lenei mea ia i matou uma e tausi ai poloaiga. Talu mai le 2001 ua matou lolomiina uma pepa lautele o loo i ai se savali i luga o le Initoneti—o se faamanuiaga moni lava mo i matou. Faafetai lava!
O le aiga o Schwarzwälder, i Siamani