O La Tatou Itulau
Beatriz da S., 10 tausaga o, Pasila
Gino A., 6 tausaga o, Filipaina
Galue Malosi ma Ia Saunia
E lei lelei la’u taumafaiga i la’u pepa o le gagana Malay i le suega o le semesa muamua, ma na pa’ū ai lo’u tulaga i le vasega. Sa ou le fiafia, ae sa ou iloa o au lava e tuuaia, aua e tele taimi sa ou faaaluina pe a mae’a le aoga e taaalo ai ma a’u uo nai lo le faia o au meaaoga ma suesue. Sa ma faia ma lo’u tina se fuafuaga e fesoasoani ai ia ou alualu i luma. E uma ona fai au meaaoga e aunoa ma se faalavelave pe a fesili mai i aso taitasi, ma e ma te tatalo ina ia manuia la’u suega o le semesa lona lua. Sa ou galue malosi i le semesa atoa. I le vaiaso ae le i faia le suega, sa musuia lo’u tina e saunia au ise autu faapitoa mo le vaega o tusiga tala o le suega. E filifili e le faiaoga le autu o le a faia ai, ma e togia matou i le lelei ona matou faamatalaina o lena autu.
I le aso o le suega, sa ou ofo ina ua ou vaai i le autu na filifili e le faiaoga o le autu lava lea sa ou sauniuni i ai! Ona sa ou galue malosi ma saunia, e ui lava ou te lei iloa o le autu lea, sa lelei la’u tusiga ma maua ai le A+! Sa ofo lo’u faiaoga i le tele o lo’u alualu i luma.
Sa ou mauaina se molimau e uiga i le galue. Ou te iloa afai tatou te tatalo ma galue malosi, tatou te maua musumusuga e fesoasoani ia i tatou ia manuia a tatou galuega.
Ethan D., 11 tausaga, Malaysia
A o ou itiiti, sa ave au e lo’u tina e auai i le tele o papatisoga. Ae o le tausaga ua tea, ina ua lava lo’u matua e papatiso ai, sa ou popole lava. Sa ou fefe o le a le mafai ona ou faatinoina sa’o le sauniga, pei o isi sa ou vaai i ai. Ae sili ai, sa ou fefe ou te alu i totonu o le vai. Ae sa fesoasoani le Agaga Paia ia te au. Sa foliga na ou faalogoina pea upu nei, “Aua le fefe! Aua le fefe!” Sa fesoasoani le Agaga Paia ia ou foia nei faafitauli ina ia mafai ona ou papatiso, o se mea sa taua tele ia te au. Sa faamanuiaina au. Ina ua ou alu ese mai le vai, sa ou le toe fefe i le vai, ma sa lelei la’u faalogoga i totonu.
Bryan K., 9 tausaga 9, Taiuani
O nisi taimi a o ou taoto i lo’u moega, ou te vaai faalemafaufau ai pe o le a le mea e tupu pe a mu le fale, ma e ou te matua fefe ai. Pe a tupu lena mea, ou te tatalo i le Tama Faalelagi. Ona ou maua lea o se faalogoga toafilemu, ma mafai ai ona ou moe lelei. Ou te faafetai e mafai ona ou tatalo i le Tama Faalelagi pe a ou fefe pe faanoanoa. E Na te fesoasoani ia te au e manumalo i mea uma.
Lea M., 9 tausaga, Siamani
O Melanie A., 3 tausaga, mai Mexico, e fiafia e fesoasoani i lona tina e ala i le teuina o ana meataalo pe a uma ona taalo. O lea la ua tolu o ia, e fesoasoani i le lotu i le tosoina lea o nofoa i isi ina ia faaputuina pe a maea le sauniga o le Aso Sa. E alofa Melanie ia Peresitene Monson ma e fiafia e vaai ia te ia i le televise i taimi o le konafesi.
Edwin M., 9 tausaga, mai Costa Rica, e lelei lana pese ma e fiafia e usuina le “O Le Tatalo A Se Tamaitiiti.” E fiafia e aau. I le aoga e masani ona ia faamalamalama le talalelei i ana uo ma faamanatu ia i latou e aua nei faia ni upu leaga.
Tauagavale i lalo: ata na tusia e © Getty Images