O ai ou te talanoa i ai mo le mauaina o se faamanuiaga faapeteriaka?
O Peresitene James E. Faust (1920–2007), Fesoasoani Lua i le Au Peresitene Sili, sa saunoa: “O le faamanuiaga faapeteriaka o se mea faapitoa ma se avanoa matagofie e oo atu i uso faamaoni o le Ekalesia, o e ua lava le matua e malamalama ai i le taua o na faamanuiaga. … E pei lava o faamanuiaga uma, e tatau ona i ai le manao i le tagata po o le aiga o lē o fia maua le faamanuiaga.”1
Afai ua e lagona ua e saunia faleagaga mo le mauaina o lou faamanuiaga faapeteriaka, e tatau ona muamua fai se avanoa mo se faatalanoaga ma lau epikopo po o le peresitene o le paranesi, o lē o le a faamaonia lou saunia ma lou agavaa. Afai na te lagona ua e saunia, o le a e maua se pepa e faatagaina ai oe. Ona mafai lea ona e faafesootaia lou peteriaka o le siteki e faatulaga ai se avanoa.