Nai Otootogao le Lalolagi

O le a Toe Faafouina le Malumalu o Ogden

O le Malumalu o Ogden ua toeitiiti 40 tausaga ae o le a toe faia se faafouga tele mai le 18 i le 24 masina. O le a tumau pea le mamanu autu o totonu o le malumalu, ae o fafo o le a i ai se mamanu fou, ma se maa ma tioata fou. O le a toe faafouina lenei maota ina ia ausia manaoga o tulaga tau i mafuie, ia i ai tekinolosi faaonapo nei, ma ia aofia ai ni masini e le ‘ai uila. O le a faaopoopo i ai ma se paka mo taavale e fausia i lalo o le palapala.

Ua Fausia le Asoa o le Pi Faamamaluina

I le tuufaatasia ai o le tele o suiga i le polokalama o le Alualu i Luma o le Tagata Lava Ia, ua maua nei se asoa o le Pi Faamamaluina mo tamaitai talavou o e galulue e sili atu i tulaga manaomia. Ina ia mauaina la le asoa, e mafai e tamaitai talavou ona toe faitauina le Tusi a Mamona ma faamaea itula faaopoopo e 40 o auaunaga pe a maea lona mauaina o le asoa o le Tulaga Aloaia a Tamaitai Talavou. O se vaega o lenei auaunaga e tatau ona aofia ai le fesoasoani atu i se isi tamaitai talavou i le faamaeaina o ana sini o le Alualu i Luma o le Tagata Lava Ia. O lenei taui o se tamai pine e asoaina i le ula lava e tasi ma le isi asoa.

Faailoa mai e le Faaaliga ia Au Paia o Latina Amerika

Talu ai nei sa tatalaina ai e le Falemataaga o le Talafaasolopito o le Ekalesia se faaaliga fou e lua gagana ua taua “Mi Vida, Mi Historia: O tala o le Faatuatua ma Musumusuga mai Au Paia o Latina Amerika,” lea e faaautu i aafiaga faaleagaga mai soifuaga o tagata o le ekalesia e 24. O a latou ata o loo tautau solo i le faaaliga, ma o laulau o otiovisio fesootai ua mafai ai e tagata aisiasi mai ona maua se vaaiga atili i olaga o tagata o e auai. O loo maua lenei faaaliga i luga o le initoneti i le Faasipaniolo ma le Faaperetania i le lds.org/museum. Kiliki i le Exhibits and Galleries, ma le Current Exhibits.