Initia

I le 1849 e toalua ni seila Mamona na malaga atu i Initia. Na la amata aoaoina le talalelei i Calcutta ae lei aloaia. I le 1851 na taunuu ai Joseph Richards e amataina galuega aloaia faafaifeautalai i le atunuu. Na ia papatisoina tagata muamua o le Ekalesia i Initia ma faatuina se paranesi. E oo atu i le 1852 ua 189 tagata o le ekalesia. Na vave ona latou fausia se tamai falelotu—o le uluai falelotu o le Ekalesia i Asia.

Peitai, i le seneturi na sosoo ai, ua fai si faigata o galuega a faifeautalai. Ae i le 1978 na amata ai ona auauna atu ulugalii faamisiona o ni sui o le Ekalesia e fesoasoani i le faalauiloaina o le Ekalesia ma faamalolosia tagata o le ekalesia.

Talu mai lena taimi ua faaliliuina le Tusi a Mamona i gagana e 5 mai le 20 gagana faaInitia e masani ai: Initu, Tamilo, Teluku, Urutu, ma vaega filifili i le Penikali. Na faatuina le Misiona a Initia Bangalore i le 1993. I le 2007 na faatuina ai le Misiona a New Delhi e aofia ai le vaega i matu o Initia ma isi atunuu lata ane.

Ua mauaina e le Ekalesia le aloaiaina faalemalo mo ana galuega i le silia ma le 50 faalapotopotoga o fesoasoaniga agaalofa i le atunuu.

O Le Ekalesia i Initia
Tagata auai	8,200
Misiona	2
Itu	6
Paranesi	30

O Enele Makuni e sefulu-lua-tausaga, faatoa liliu mai, o loo faafeiloaia faifeautalai o le Au Paia faatoa taunuu i Calcutta, Initia, i le 1853.

Lalo: Kiteona ma Anesi Parahuta mai le Paranesi o Bangalore Lua. Taumatau: O se tuufaatasiga o e umia le perisitua mai le Paranesi Lona Fa o Hyderabad.