Para sa Gagmayng mga Bata

Pagpamatuod ni Evelyn sa Templo

Ni Miche Barbosa ug Marissa Widdison

Gibase sa tinuod nga istorya

Ganahan si Evelyn nga moadto sa Primary. Kanunay siyang mopataas sa iyang kamot aron mag-ampo. Ganahan usab siya nga motabang sa iyang mga titser.

Apan karon mao ang unang higayon ni Evelyn sa paghatag og pakigpulong. Samtang siya naglakaw sa atubangan sa kwarto, ang iyang tiyan nagdaguok. Dayon gikulbaan siya. Thump-thump. Thump-thump. Thump-thump.

“Hi,” miingon si Evelyn sa pag-abut niya sa atubangan sa kwarto. “Ako si Evelyn. Ang akong pamilya bag-o lang miadto sa templo aron kami magkauban sa kahangturan.”

Gisultihan ni Evelyn ang mga bata sa Primary bahin sa puti nga sinina nga iyang gisul-ob. Ang templo puti usab kaayo. Giingnan niya sila nga siya ug ang iyang mga ginikanan ug igsoong babaye nabugkos sa kahangturan.

“Nasayud ko nga ang Langitnong Amahan nahigugma kanato,” miingon si Evelyn. “Gipaadto kita Niya sa templo aron ikauban ang atong mga pamilya sa kahangturan.”

Mibalik sa paglingkod si Evelyn. Mibati siya og kalipay. Ingon og mainit nga kahayag ang misanag sa iyang tibuok lawas. Nalipay siya nga miadto sa templo.

Pagpamatuod sa Templo

Naghisgot si Evelyn mahitungod sa pagkabugkos ngadto sa iyang pamilya didto sa templo. Susiha kon kamo makakita ba og pipila ka butang sa kwarto ni Evelyn nga iyang gipamulong atol sa iyang pakigpulong sa Primary. Makita ba usab ninyo ang ubang natago nga mga butang?

Mga Paghulagway pinaagi ni Katie McDee