Doktrina ug mga Pakigsaad 87:8.

Ang tema sa Mutual niining tuiga nagtudlo nato asa mobarug aron luwas.

8 Busa, barug kamo sa balaan nga mga dapit, ug ayaw pagbalhin, hangtud ang adlaw sa Ginoo moabut; kay tan-awa, kini moabut sa labing madali, nag-ingon ang Ginoo. Amen.

Barug Kamo

“Ang Ginoo nagdapit kanato, ‘Paduol ngari kanako ug Ako mopaduol nganha kaninyo; pangita kanako nga makugihon ug kamo makakita kanako.’ Kon atong buhaton, atong bation ang Iyang Espiritu sa atong mga kinabuhi, nga naghatag kanato og tinguha ug kaisug sa pagbarug nga lig-on ug dili matarug sa pagkamatarung—sa ‘pagbarug … sa balaan nga mga dapit, ug ayaw pagbalhin.’”

Presidente Thomas S. Monson, “Barug sa Balaan nga mga Dapit,” Liahona, Nob. 2011, 86.

Sa Balaan nga mga Dapit

“Unsa ang … ‘balaan nga mga dapit’? Sa tinuod kini naglakip sa templo ug mga pakigsaad niini nga matinud-anong gituman. Sa tinuod kini naglakip sa panimalay diin ang mga anak gibahandi ug mga ginikanan gitahud. Sa tinuod ang balaan nga mga dapit naglakip sa atong mga katungdanan nga gihatag sa awtoridad sa priesthood, lakip sa mga misyon ug mga calling nga matinud-anong gituman diha sa mga branch, mga ward, ug mga stake.”

Elder Dallin H. Oaks sa Korum sa Napulog Duha ka mga Apostoles, “Pagpangandam alang sa Ikaduhang Pag-anhi,” Liahona, Mayo 2004, 10; emphasis gidugang.

Ayaw Pagbalhin

Aniay pipila ka mga paagi sa pagsiguro nga ang butang dili mabalhin:

Kalig-on—“Paglaum … naghimo og kalig-on ngadto sa mga kalag sa mga tawo” (Ether 12:4).
Lig-on nga pundasyon—“Diha sa lig-on nga sukaranan sa atong Manunubos kinsa mao si Kristo, ang anak sa Dios, nga kamo kinahanglan gayud motukod sa inyong tukuranan … , nga mao ang tinuod nga tukuranan” (Helaman 5:12).
Lig-on nga pagbarug—Dili mahimo nga anaa ka sa Zion ug padayon nga malambigit sa kalibutan, kay “siya nga maoy tawong tagurhag panghunahuna, nga mabalhinon sa tanan niyang mga paagi” (Santiago 1:8).
Mga ugsok [stake] sa tolda—Ang mga ugsok sa tolda sa Zion makatabang sa Simbahan nga magbarug ug lig-ong mapahimutang, samtang magtanyag nato og kapasilongan: “Ug nga ang panagpundok sa yuta sa Zion, ug diha sa iyang mga istaka, alang sa usa ka panalipod, ug alang sa usa ka dangpanan gikan sa unos” (D&P 115:6).

Adlaw sa Ginoo

Adlaw sa Ginoo—Ang Ikaduhang Pag-anhi ni Jesukristo

Moabut Kini sa Kalit

“Kinahanglang magbantay kita sa mga timailhan [sa Ikaduhang Pag-anhi], kinahanglang magmatinud-anon kita kutob sa mahimo. … Apan kinahanglang dili kita maparalisar tungod lang kay kana nga hitabo ug ang mga hitabo nga naglibut niini nag-una kanato. Dili kita mohunong sa pagpakabuhi. Sa pagkatinuod, kinahanglan kitang magpakabuhi sa mas hingpit kay sa ato nang nahimo.”

Elder Jeffrey R. Holland sa Korum sa Napulog Duha ka mga Apostoles, “Kini, ang Pinakamahinungdanon sa Tanang mga Dispensasyon,” Liahona, Hulyo 2007, 19–20.