Pagdala sa Primary ngadto sa Panimalay
Ang Langitnong Amahan Nahigugma Nako, ug Siya Adunay Plano alang Nako
Inyong magamit kini nga leksyon ug kalihokan aron makat-on og dugang kabahin sa tema sa Primary karong bulana.
Ang kahumot sa giluto nga cookies milukop sa palibut samtang si Nataniel mitabang ni Lola sa pagsandok og libadura ngadto sa butanganan og cookie. Mipahiyom si Lola niya. “Kinsa ang nahigugma nimo?” nangutana siya.
Naghunahuna si Nataniel nga si Lola kanunay magluto sa iyang paborito nga mga cookie ug mag-andam og papel tungod kay nasayud ang iyang Lola nga ganahan siyang mag-drawing. “Ikaw,” mitubag siya.
“Tinuod kana,” miingon si Lola. “Dugay na kong nakaila nimo kay ni bisan kinsa gawas sa imong mama ug papa. Pero dunay lain nga mas dugay pang nakaila nimo kay kanako.”
“Kinsa pa?” Nangutana ni Nataniel.
“Usa ka tawo nga nahigugma nimo sa wala pa ikaw moanhi sa kalibutan,” miingon si Lola.
“Oh,” miingon si Nataniel. “Ang Langitnong Amahan ang buot nimong ipasabut.”
“Oo,” miingon si Lola, nga migakos ni Nataniel.
Siya mipahiyum. Nakahibalo nga siya gihigugma mibati siya og kadasig.
Sa panahon sa pagpakigbahin karong tuiga, inyo pang mas makat-unan ang mahitungod sa talagsaong kamatuoran nga kamo anak sa Dios. Ang Langitnong Amahan nakaila ug nahigugma kaninyo. Aduna siyay plano sa pagtabang ninyo nga makabalik sa pagpuyo uban Kaniya sa umaabut.
Mga Paghulagway pinaagi ni Becky Fawson; sa wala: Sinukip pinaagi ni Phyllis Luch