Mensahe sa Visiting Teaching
Misyonaryo nga Buhat
Tun-i kini nga materyal sa mainampoon nga paagi ug, kon angay, hisguti kini uban sa mga sister nga inyong bisitahan. Gamita ang mga pangutana aron pagtabang kaninyo sa paglig-on sa inyong mga sister ug sa paghimo sa Relief Society isip aktibong bahin sa inyong kaugalingon nga kinabuhi. Alang sa dugang nga impormasyon, adto sa reliefsociety.lds.org.
Hugot nga Pagtuo, Pamilya, Kahupayan
Ang mga Santos sa Ulahing mga Adlaw gipadala aron sa “paghago diha sa ubasan sa [Ginoo] alang sa kaluwasan sa mga kalag sa mga tawo” (D&P 138:56), nga naglakip sa misyonaryo nga buhat. Wala kita magkinahanglan og pormal nga mission call aron ipakigbahin ang ebanghelyo. Ang mga kinabuhi sa uban nga nagpalibut kanato mapanalanginan sa ebanghelyo, ug samtang nangandam kita, gamiton kita sa Ginoo. Ang mga visiting teacher makahangop sa ilang espiritwal nga mga responsibilidad ug makatabang sa “pagpahinabo sa pagka-imortal ug sa kinabuhi nga dayon sa tawo” (Moises 1:39).
Sa dihang giorganisar ni Propeta Joseph Smith ang Relief Society niadtong 1842, siya miingon nga ang kababayen-an dili lamang mag-atiman sa mga kabus apan moluwas usab sa mga kalag.1 Kini mao gihapon ang atong katuyoan.
“Ang Ginoo … motugyan og usa ka pagpamatuod sa kamatuoran niadtong kinsa mopakigbahin niini sa uban,” miingon si Presidente Dieter F. Uchtdorf, Ikaduhang Magtatambag sa Unang Kapangulohan. “Dugang pa, ang Ginoo usab naglaum sa mga miyembro sa Iyang Simbahan nga ‘mobuka sa [ilang mga ba-ba] sa tanan nga higayon, mopahayag sa [Iyang] ebanghelyo uban sa tingog sa pagmaya’ (D&P 28:16). … Usahay ang usa ka hugpong sa mga pulong sa pagpamatuod makapasugod sa mga panghitabo nga makaapekto sa kinabuhi sa laing tawo hangtud sa kahangturan.”2
Gikan sa mga Kasulatan
Gikan sa Atong Kasaysayan
Ang istorya ni Olga Kovářová sa kanhi Czechoslovakia usa ka ehemplo sa member missionary work gikan sa atong kasaysayan sa Relief Society. Sa mga tuig 1970, si Olga anaa sa doktoral nga pagtuon ug gigutom sa mas lawom nga espirituhanong kinabuhi. Siya nakabantay sa 75 anyos nga si Otakar Vojkůvka, usa ka Santos sa Ulahing mga Adlaw. “Siya sa akong tan-aw daw mga siyenta y singko ang pangidaron apan ang iyang kasingkasing mas duol sa diseotso anyos ug puno sa kalipay,” siya miingon. “Talagsa ra kaayo kini sa Czechoslovakia niadtong panahon sa pagkamatahapon.”
Si Olga nangutana ni Otakar ug sa iyang pamilya kon sa unsang paagi ilang nakaplagan ang hingpit nga kalipay. Siya ilang gipaila-ila ngado sa mga miyembro sa Simbahan ug gihatagan siya og Basahon ni Mormon. Iya kining gibasa uban sa tumang kahinam ug sa wala madugay nabunyagan ug nakumpirmahan. Sukad niadto si Olga nahimong impluwensya alang sa kaayohan diha sa kalibutan sa politikanhong pagpanglupig ug pagpanggukod sa relihiyon. Siya miserbisyo isip presidente sa Relief Society sa iyang gamay nga branch ug mitabang sa pagluwas sa mga kalag sa uban pinaagi sa pagdala kanila ngadto kang Kristo.3
Paghulagway sa litrato pinaagi ni Matthew Reier