Nag-implementar ang Simbahan sa Bag-ong Kurikulum sa Kabatan-onan 2013

Sugod niining bulana, ang mga magtutudlo ug mga lider sa tibuok Simbahan magsugod sa hingpit nga pag-implementar sa bag-ong kurikulum sa kabatan-onan, Come, Follow Me: Learning Resources for Youth, [Dali, Sunod Kanako: Mga Kapanguhaan sa Pagkat-on alang sa Kabatan-onan] unang gipahibalo sa usa ka sulat sa Unang Kapangulohan niadtong Septyembre.

Sa lds.org/youth/learn, ang mga magtutudlo ug mga lider sa Young Women, Aaronic Priesthood, ug Sunday School makakita og mga leksyon sa 23 ka pinulongan. Ang tanang mga leksyon maimprinta. Kadtong walay internet access kinahanglang mokontak sa ilang lokal nga mga lider sa priesthood aron mosusi unsaon ang Come, Follow Me [Dali, Sunod Kanako] maimplementar sa ilang dapit.

“Ang bag-ong kurikulum adunay sukaranan nga mga doktrina sa ebanghelyo ingon man usa sa mga baruganan sa pagtudlo sa pamaagi sa Manluluwas,” mabasa ang sulat sa Unang Kapangulohan. “Masaligon kami nga [kini] makapanalangin sa kabatan-onan sa ilang mga paningkamot nga hingpit nga makabig ngadto sa ebanghelyo ni Jesukristo.”

Sa Come, Follow Me, [Dali, Sunod Kanako] kada bulan sa tuig adunay gi-assign nga hilisgutan nga doktrina, ug ang tanang mga klase sa Sunday School, Young Women, ug Aaronic Priesthood magtuon niana nga hilisgutan niana nga bulan.

Ang kada leksyon adunay upat ka mga seksyon: espirituhanong pagpangandam alang sa mga magtutudlo, mga ideya sa pagpaila a hilisgutan, piho nga mga ideya sa kalihokan, ug seksyon sa pag-imbitar sa kabatan-onan sa paglihok. Ang mga magtutudlo gihangyo nga mangita og inspirasyon sa pagpili ug pagpahaum sa mga leksyon base sa mga panginahanglan sa ilang mga estudyante.

Ang web site naglakip sa makatabang nga video nga magpaabut unsaon sa pag-implementar sa bag-ong kurikulum, mga ideya sa pagpangandam sa mga kalihokan sa pagkat-on, ug bag-ong giya nga basahon, Teaching the Gospel in the Savior’s Way.

Kapsyon

Kredito