Sa Tibuok Simbahan

Ikaunom nga Tinuig nga Adlaw sa Pagserbisyo sa tibuok Africa

Sabado, Agosto 18, 2012, nakita ang liboan ka mga Santos sa sobra sa usa ka dosena nga mga nasud sa Arica nagpundok sa ilang mga komunidad aron sa pag-apil sa ikaunom nga tinuig nga Africa Mormon Helping Hands Day.

“Ang mga ward ug mga branch nanggawas aron mohatag og importante nga serbisyo,” ang misyonaryo sa public affairs nga si Elder C. Terry Warner misulat sa usa ka email. “Nangita silag mga partner, mipili silag proyekto nga, bisan lisud, importante kaayo. Daghan kaayo sila nga gustong motabang, ug sila nahimong higala sa Simbahan.”

Si Elder Adesina J. Olukanni, direktor sa public affairs alang sa Africa West Area, miingon bahin sa adlaw sa pagserbisyo, “Mao kini ang labing maayong paagi diin kita makatubag sa tawag sa propeta nga magmabination sa atong mga silingan, sa pagtubag sa ilang panginahanglan, sa paghatag kay sa modawat. Mao kini ang labing sayon nga paagi sa pagsangyaw sa ebanghelyo—pinaagi sa ehemplo.”

Ang Mormon.org Karon anaa sa 20 ka Pinulongan

Ang Mormon.org karon anaa na a Armenian, Cebuano, Chinese, Dutch, English, French, German, Indonesian, Italian, Japanese, Korean, Latvian, Polish, Portuguese, Russian, Spanish, Swedish, Tagalog, Thai, ug Ukrainian.

Ang mga indibidwal giawhag sa paghimo sa ilang kaugalingon mga Mormon.org profile sa ilang gusto nga pinulongan ug ipakigbahin kini sa uban.

Samtang nag-apil sa proyekto sa Mormon Helping Hands sa tibuok Africa, ang mga miyembro sa Simbahan mihimo og bililhon nga pagserbisyo, milig-on sa mga relasyon sa laing-laing relihiyon, mipadaghan sa kahibalo sa Simbahan, ug milig-on sa ilang mga pagpamatuod sa gugma nga putli.

Litrato pinaagi ni TJ Thomas