នៅតាមផ្លូវ

ឧបគ្គសទាំងឡាយនៅរដ្ឋ មិសសួរី

ដោយ ជែននីហ្វើ ម៉ាឌី

ចូរមកតាមយើងដើម្បីស្វែងរកទីតាំងសំខាន់មួយ នៅក្នុងប្រវត្តិសាស្ត្រសាសនាចក្រ !

សម្រាប់ យ៉ូសែប ស៊ី វាគឺជាការធ្វើដំណើរផ្លូវឆ្ងាយយ៉ាងលំបាកពីទីក្រុង ឃើតឡង់ រដ្ឋ អូហៃអូ ទៅកាន់ទីក្រុង អ៊ីនឌីពែនឌែនស៍ រដ្ឋ មិសសួរី ។ គាត់បានធ្វើដំណើរដោយរទេះសេះ ដោយទូក និង ដោយ រទេះរុញ ។ សម្រាប់ 250 ម៉ាយ ចុងក្រោយ ( 402 គីឡូម៉ែត្រ) គាត់ត្រូវតែដើរ ! ប៉ុន្តែព្រះអម្ចាស់បានប្រាប់គាត់ ឲ្យទៅរដ្ឋ មិសសួរី ដើម្បីកសាងទីក្រុង ស៊ីយ៉ូន ដូច្នេះ យ៉ូសែប ស្ម៊ីធ បានគោរពធ្វើតាម ។

សមាជិកសាសនាចក្រផ្សេងទៀត បានចាប់ផ្តើមមកដល់ទីក្រុង មិសសួរី ក្នុង ឆ្នាំ 1831 ។ ពួកគេភ្ជួររាស់ដី សង់លំនៅដ្ឋាន និង ដាំដំណាំផ្សេងៗ ។

នៅពេលមានសមាជិកសាសនាចក្រប្តូរទីលំនៅកាន់តែច្រើនឡើងៗទៅទីក្រុង អ៊ីនឌីពែនឌែនស៍ រដ្ឋ មិសសួរី នោះមានមនុស្សដែលបានរស់នៅទីនោះប្រែជា មានមន្ទិលសង្ស័យ និង ខឹងសម្បារ ។ ពួកមនុស្សអាក្រក់បានវាយប្រហារលំនៅដ្ឋានរបស់ពួកបរិសុទ្ធ ហើយបញ្ជាឲ្យពួកគេចាកចេញ ។

គុគ លីប៊ើធី

នៅក្នុងរដូវរងា ឆ្នាំ 1838 យ៉ូសែប ស្ម៊ីធ និង អ្នកដឹកនាំសាសនាចក្រប្រាំរូបផ្សេងទៀត ត្រូវបានចាប់ខ្លួន ដោយការចោទប្រកាន់ខុសឆ្គង ហើយដាក់ក្នុងគុគ លីប៊ើធី ។ គុគនោះ មានសភាព ងងឹត, កខ្វក់ និង ពិតជាត្រជាក់ខ្លាំងណាស់ ហើយអ្នកជាប់ទោសទាំងនោះ ពុំមានភួយដើម្បីឲ្យមានភាពកក់ក្តៅ ឬ អាហារល្អៗគ្រប់គ្រាន់ឡើយ ។គុគ លីប៊ើធី មានកម្រាស់ជញ្ជាំងក្រាស់ ។ ផ្នែកខាងលើនៃបន្ទប់ គឺសម្រាប់ម្ចាស់គុគ និង គ្រួសាររបស់គាត់ ហើយផ្នែកខាងក្រោមនៃបន្ទប់—គឺ « គុគងងឹត » —សម្រាប់ដាក់អ្នកទោស ។ ទ្វារឃ្លុប គឺជាផ្លូវចេញចូលតែមួយគត់នៃជាន់ខាងក្រោម ។

អំឡុងពេលព្យាការីជាប់នៅក្នុងគុគ ព្រះអម្ចាស់បានប្រាប់លោកថា « ចូរកុំខ្លាចនូវអ្វី ដែលមនុស្សអាចប្រព្រឹត្តនោះឡើយ ត្បិតព្រះទ្រង់នឹងគង់នៅជាមួយអ្នក ជារៀងដរាបតទៅ (គ. និង ស. 122:9) ។

សាសនាចក្របានសាងសង់ផ្នែកមួយចំនួននៃផ្នែកដើមរបស់គុគនោះឡើងវិញ និង បានរៀបឥដ្ឋមួយចំនួនឡើងវិញ ហើយបន្ទាប់មកសង់មជ្ឈមណ្ឌលអ្នកទស្សនានៅជុំវិញគុគនោះ ។ សព្វថ្ងៃនេះមានភ្ញៀវទស្សនាជាច្រើននាក់បានមកទស្សនាកន្លែងនេះ ដែលព្យាការីរបស់ព្រះទទួលវិវរណៈលួងលោមខណៈដែលលោកជាប់នៅក្នុងគុគ ។