Dalhin sa Tahanan ang Turo sa Primary

Naghanda ng Paraan ang Ama sa Langit para Makabalik Ako sa Kanya

Alamin ang iba pa tungkol sa tema ng Primary sa buwang ito!

Bago tayo pumarito sa lupa, lahat tayo ay nanirahan sa langit sa piling ng ating Ama sa Langit at ng Kanyang Anak na si Jesucristo.

Inilahad ng Ama sa Langit ang Kanyang plano para sa atin. Pinili nating sundin ang plano ng Ama sa Langit at pumarito sa lupa.

Mahal tayo ng Ama sa Langit at nais Niyang makabalik tayo sa Kanya. Isinugo niya ang Kanyang Anak na si Jesucristo para ipakita sa atin ang daan at tulungan tayong makabalik sa Kanya.

Sinusundan natin ang landas pabalik sa Ama sa Langit sa pamamagitan ng:

• pagpapabinyag at pagpapakumpirma,

• pakikibahagi ng sakramento,

• paggawa ng mga tipan sa templo,

• at pamumuhay nang may pananampalataya.

Kapag bumalik tayo sa Ama sa Langit, malugod Niya tayong tatanggapin!

Awit at Banal na Kasulatan

• “Isinugo, Kanyang Anak” (Aklat ng mga Awit Pambata, 20)

• Juan 3:16

Mga Ideya na Pag-uusapan ng Pamilya

Ipinapaliwanag ng mensaheng ito ang plano ng Ama sa Langit sa napakasimpleng paraan. Maaaring maghalinhinan ang mga miyembro ng pamilya sa paggamit ng mga visual upang ipaliwanag ang iba’t ibang bahagi ng plano. Pagkatapos ay maaari kayong mag-usap-usap kung paano ninyo matutulungan ang isa’t isa na manatili sa landas pabalik sa Ama sa Langit.

Larawan ng daigdig © Corbis; detalye mula sa Ang Panginoong Jesucristo, ni Del Parson; mga paglalarawan nina Welden C. Andersen, Cody Bell, Craig Dimond, Matthew Reier, Christina Smith; mga paglalarawan ni Steve Kropp

• Isang Landas para sa Akin