ការប្រារព្ធធ្វើរាត្រីជួបជុំក្រុមគ្រួសារ
នៅក្នុងឆ្នាំ ១៩១៥ ព្យាការីថ្ងៃចុងក្រោយបានទូន្មានយើងឲ្យញែកមួយរាត្រីក្នុងមួយសប្តាហ៍សម្រាប់គ្រួសាររបស់យើង ។ វាត្រូវបានហៅថា « រាត្រីជួបជុំក្នុងគ្រួសារ » នៅលើកដំបូង—ជាពេលមួយដើម្បីរៀនដំណឹងល្អ ហើយមានភាពរីករាយជាមួយគ្នា ខណៈដែលការពង្រឹងទំនាក់ទំនងនៅលើផែនដី និង នៅអស់កល្បរបស់យើង ។
មួយរយឆ្នាំក្រោយមក រាត្រីជួបជុំក្រុមគ្រួសារបន្តជួយយើងឲ្យស្ថាបនាក្រុមគ្រួសារដែលនឹងនៅអស់កល្បអស់កាលជានិច្ច ។ ព្យាការីទាំងឡាយសន្យាថា តាមរយៈរាត្រីជួបជុំក្រុមគ្រួសារ ភាពរឹងមាំនៃជំនឿ និង ខាងវិញ្ញាណនឹងរីកចម្រើននៅក្នុងដួងចិត្តរបស់យើង ហើយមានការការពារដ៏អស្ចារ្យ សាមគ្គីភាព និង ភាពសុខសាន្តនឹងមាននៅក្នុងគេហដ្ឋានយើង ។
យើងទាំងអស់មានគ្រួសារមួយនៅលើផែនដីនេះ ហើយយើងគឺជាផ្នែកមួយនៃគ្រួសាររបស់ព្រះវរបិតាយើងដែលគង់នៅឋានសួគ៌ ។ មិនថាយើងរស់នៅទីណានៅលើផែនដីនេះទេ ហើយមិនថាស្ថានភាពយើងយ៉ាងណាក្នុងជីវិតយើងឡើយ យើងអាចប្រារព្ធធ្វើ និង ចូលរួមក្នុងរាត្រីជួបជុំក្រុមគ្រួសារបាន ។
ខាងឆ្វេង ៖ គ្រួសារម៉ៃ ដែលទើបតែប្តូរទីលំនៅថ្មីៗមកប្រទេសថៃ ជាកន្លែងដែលពួកគេបានរៀនដំណឹងល្អ ហើយបានជ្រមុជទឹក ។ នៅរាត្រីជួបជុំក្រុមគ្រួសារពួកគេសិក្សាព្រះគម្ពីរមរមនទាំងជាភាសាម៉ុង ដែលជាភាសាកំណើត និង ភាសាថៃ ដែលជាភាសានៃផ្ទះថ្មីរបស់ពួកគេ ។
ខាងក្រោម ៖ ការមានភាពរីករាយ និង លេងល្បែងកម្សាន្តគឺជារបៀបមួយដែលគ្រួសារសាន់តូសប្រជាជនព័រទុយហ្គាល់ បង្កើតមិត្តភាពកាន់តែជិតស្និទនៅក្នុងរាត្រីជួបជុំក្រុមគ្រួសារ ។
ខាងស្តាំ ៖ នៅក្នុងសាធារណរដ្ឋប្រជាធិបតេយ្យកុងហ្គោ ក្រុមគ្រួសារមានន័យច្រើនជាងការគ្រាន់តែមាន ៖ ម្តាយ ឪពុក និង កូនៗទៅទៀត ។ ដូច្នេះនៅពេលបងប្រុស សុកាមេណូ បានប្រមូលគ្រួសាររបស់គាត់ធ្វើរាត្រីគ្រួសារ មានមនុស្សជាច្រើនមកពីភូមិទទួលអារម្មណ៍ស្វាគមន៍ដើម្បីចូលរួម ។
ខាងពីលើ ៖ បងស្រី ហ្គើខេនមកពី ប្រទេសហ្វីលីពីន ប្រើចម្រៀងកុមារ និង តន្ត្រីបុរាណដើម្បីបង្រៀនកូនៗរបស់ខ្លួនអំពីសេចក្តីអំណរនៃដំណឹងល្អ ។
ខាងលើ ៖ គ្រួសារ អែនឌើរសិន រូបភាពនេះនៅក្នុងផ្ទះបាយពួកគេនៅ រដ្ឋចចចារ ស.រ.អា ដែលចូលចិត្តធ្វើនំ ឃុកឃី ។ ពេលខ្លះពួកគេបានប្រើនំ ឃុកឃីដើម្បីធ្វើជាផ្នែកមួយនៃមេរៀន ឬ យកវាធ្វើជានំបរិភោគយ៉ាងសាមញ្ញ ។
ខាងលើ ៖ បងប្រុស និង បងស្រី រ៉ៃណុល មកពីរដ្ឋ វ៉ាស៊ីនតោន ស.រ.អា ស្វែងរកវិធីនានាដើម្បីបង្រៀនដំណឹងល្អយ៉ាងសាមញ្ញដូច្នេះ កូនតូចៗរបស់ពួកគេអាចរៀន ហើយស្តាប់យល់បាន ។
ខាងស្តាំរាប់ចាប់ពី លើ ៖ គ្រួសារ អ៊ីស្ពីណូស្សា មកពីប្រទេស បូលីវី បានអញ្ជើញម្តាយជាទីគោរពរបស់ពួកគេចូលរួមនៅក្នុងរាត្រីជួបជុំក្រុមគ្រួសារ នៅពេលពួកគេច្រៀង និង រៀនពីដំណឹងល្អ ។
សម្រាប់គ្រួសារ ជីន មកពី ចចចារ ស.រ.អា. វិញ ពង្សប្រវត្តិគឺជាសកម្មភាពដែលពួកគេចូលចិត្តធ្វើក្នុងរាត្រីគ្រួសារ ។ ពួកគេរីករាយនឹងបង្រៀនកូនៗអំពីកេរតំណែលនៃប្រជាជនកូរ៉េរបស់ខ្លួន ។
គ្រួសារ លីហ្គើរវូដ មកពីប្រទេស អូស្ត្រាលី ពេលខ្លះបានដើរលេងកម្សាន្តដែលជាផ្នែកមួយនៃរាត្រីជួបជុំក្រុមគ្រួសារ ដោយដើរកម្សាន្តមើលទីតាំងដ៏ស្រស់ស្អាតនានានៃទីក្រុងរបស់ពួកគេ ។