មួយបន្ទាត់ម្តងៗ
លោកុប្បត្តិ ១:២៦–២៧
តើការបង្កើតឲ្យដូចរូបអង្គទ្រង់ មានន័យដូចម្តេច ?
២៦ ទ្រង់ក៏មានព្រះបន្ទូលថា ចូរយើងធ្វើមនុស្សឲ្យដូចជារូបយើង ឲ្យមានភាពដូចយើង ហើយឲ្យមានអំណាចលើត្រីសមុទ្រ សត្វហើរលើអាកាស និងសត្វជើង៤ដែលនៅលើផែនដីទាំងមូល ព្រមទាំងសត្វលូនវារដែលវារនៅលើផែនដីផង ។
២៧ ទ្រង់ក៏បង្កើតមនុស្សឲ្យដូចរូបអង្គទ្រង់ គឺបានបង្កើតគេឲ្យចំនឹងរូបអង្គទ្រង់នោះឯងក៏បង្កើតគេឡើងជាប្រុសជាស្រី ។
រូបអង្គនៃព្រះ
« ការទទួលស្គាល់អំណាចមួយដែលខ្ពស់ជាងខ្លួន គឺពុំមានន័យថាអន់ថោកទេ ផ្ទុយទៅវិញវាជាការលើកតម្កើង ។ បើសិនយើងនឹងទទួលស្គាល់ថាយើងត្រូវបានបង្កើតឡើងដូចរូបអង្គទ្រង់ នោះយើងនឹងរកឃើញថាទ្រង់មិនពិបាកនឹងចូលជិតឡើយ ។ … ចំណេះដឹងនេះ តម្រូវឲ្យមានសេចក្តីជំនឿ ដែលនឹងនាំមកនូវភាពស្ងប់ និង ភាពសុខសាន្តសុខុដុមនៅក្នុងចិត្ត » ។
ប្រធាន ថូម៉ាស អេស « The Lighthouse of the Lord » Ensign ខែ វិច្ឆិកា ឆ្នាំ១៩៩០ ទំព័រ ៩៥–៩៦ ។
ចូរយើង
សំណង់ប្រយោគពហុវចនៈនេះហាក់បីដូចជាថាព្រះកំពុងមានបន្ទូលជាមួយនរណាម្នាក់ទៀត—ព្រោះទ្រង់កំពុងមានបន្ទូលជាមួយម្នាក់ទៀតមែន ។ យ៉ូសែប ស៊្មីធ បានបង្រៀនថា « កាលពីដើមឡើយ ក្រុមរបស់ព្រះត្រូវបានហៅថាក្រុមប្រឹក្សាមួយរបស់ព្រះ ហើយពួកទ្រង់បានមកជុំគ្នា ហើយបង្កើត [ រៀបចំ ] ផែនការមួយដើម្បីបង្កើតពិភពលោក និង មនុស្សដែលរស់នៅលើនោះ » ( ប្រវត្តិសាសនាចក្រ ៦:៣០៨ ) ។ ក្រុមប្រឹក្សានេះរួមមានព្រះអម្ចាស់ព្រះយេស៊ូវគ្រីស្ទ និង អ្នកដទៃទៀត ( សូមមើល ម៉ូសេ ២:២៦–២៧; អ័ប្រាហាំ ៤:២៦–២៧ ) ។
ដូចជាយើង
« ព្រះអង្គទ្រង់ផ្ទាល់ក៏ធ្លាប់ដូចជាយើងក្នុងពេលឥឡូវនេះផងដែរ ហើយជាមនុស្សដែលបានតម្កើងឡើង ហើយគង់នៅលើបល្ល័ងដ៏ខ្ពស់សន្លឹម ! នោះជាការណ៍សម្ងាត់ដ៏អស្ចារ្យបំផុត ។ បើសិនវាំងននត្រូវរហែកថ្ងៃនេះ ហើយ … បើសិនអ្នកនឹងជួបទ្រង់នៅថ្ងៃនេះ នោះអ្នកនឹងឃើញថាទ្រង់គឺដូចជាមនុស្សយើង—គឺដូចជាខ្លួនរបស់អ្នកពេញទាំងតួខ្លួន រូបរាង និង មានទម្រង់ជាមនុស្ស » ។
ការបង្រៀនរបស់ប្រធានសាសនាចក្រ ៖ យ៉ូសែប ស៊្មីធ ( ឆ្នាំ ២០០៧ ) ទំព័រ ៤០ ។
« មនុស្សលោកគឺជាកូនរបស់ព្រះ បានបង្កើតឡើងតាមរូបរាងរបស់ព្រះ ហើយផ្តល់អំណាចឲ្យ ជាមួយនឹងលក្ខណៈព្រះ ហើយសូម្បីតែជាទារកតូចម្នាក់របស់ឪពុកម្តាយលើផែនដីក៏នឹងអាចក្លាយជាមនុស្សប្រុសម្នាក់ក្នុងកាលកំណត់មួយដែរ ដូច្នេះកូនចៅដែលមិនទាន់បានអភិវឌ្ឍរបស់ព្រះមាតាបិតាសេលេស្ទាលក៏អាចក្លាយជាព្រះតាមរយៈបទពិសោធន៍នៃពេលដ៏យូរ និង អស់កល្បដែរ » ។
គណៈប្រធានទីមួយ « The Origin of Man » Improvement Era ខែ វិច្ឆិកា ឆ្នាំ ១៩០៩ ទំព័ ៨១ Ensign ខែ កុម្ភៈ ឆ្នាំ ២០០២ ទំព័រ ៣០ ។
អំណាច
« ផែនដី និង អ្វីៗគ្រប់យ៉ាងដែលនៅលើវាគួរតែត្រូវបានប្រើដើម្បីជាទំនួលខុសត្រូវគាំទ្រដល់គ្រួសារមនុស្សលោក ។ ទោះជាយ៉ាងណាក៏ដោយ មនុស្សគ្រប់គ្នាមានទំនួលខុសត្រូវ—មិនមែនជាម្ចាស់ទេ—នៅលើផែនដីនេះ និងសេចក្តីល្អរបស់ផែនដី ហើយពួកគេត្រូវទទួលខុសត្រូវចំពោះព្រះភ័ក្រព្រះសម្រាប់អ្វីទាំងអស់ដែលពួកគេបានធ្វើចំពោះ ការបង្កបង្កើតរបស់ទ្រង់ » ។
« Environmental Stewardship and Conservation » mormonnewsroom.org; សូមមើលផងដែរ គោលលទ្ធិ និង សេចក្តីសញ្ញា ១០៤:១៣–១៥ ។
បុរស និង ស្ត្រី
« បុរស និង ស្ត្រីទាំងអស់គឺមានរូបរាងដូចទៅនឹងឪពុកម្តាយរបស់មនុស្សគ្រប់គ្នា ហើយពិតជាបុត្រា និង បុត្រីនៃព្រះ ។
គណៈប្រធានទីមួយ « The Origin of Man » Improvement Era ខែ វិច្ឆិកា ឆ្នាំ ១៩០៩ ទំព័ ៧៨ Ensign ខែ កុម្ភៈ ឆ្នាំ ២០០២ ទំព័រ ២៩ ។
« ភេទប្រុសស្រី គឺជាលក្ខណៈពិសេសនៃអត្តសញ្ញាណ និង គោលបំណងរបស់បុគ្គលម្នាក់ៗ នៅជីវិតមុនផែនដី ជីវិតរមែងស្លាប់ និង នៅអស់កល្បជានិច្ច» ។
« ក្រុមគ្រួសារ ៖ ការប្រកាសដល់ពិភពលោក » Liahona ខែ វិច្ឆិកា ឆ្នាំ ២០១០ ទំព័រ ១២៩ ។