គំនិតទាំងឡាយសម្រាប់រាត្រីជួបជុំក្រុមគ្រួសារ
ច្បាប់នេះមាននូវអត្ថបទ និង សកម្មភាពនានាដែលអាចយកទៅប្រើប្រាស់សម្រាប់រាត្រីជួបជុំក្រុមគ្រួសារ ។ ខាងក្រោមនេះគឺជាឧទាហរណ៍ពីរ ។
« ការប្រារព្ធធ្វើរាត្រីជួបជុំក្រុមគ្រួសារ » ទំព័រ ២៦ ៖ ទោះបីជាអ្នកពុំដែលខកខានមួយសប្តាហ៍ណា ឬ នេះគឺជាលើកទីមួយដែលអ្នកសាកល្បងក្តី ក៏សូមពិចារណាពីការធ្វើរាត្រីជួបជុំក្រុមគ្រួសារពិសេសមួយ នៅក្នុងការរំឭកដល់ រាត្រីជួបជុំក្រុមគ្រួសារ ! អ្នកអាចអានអត្ថបទនេះដើម្បីឃើញពីរបៀបដែលក្រុមគ្រួសារទាំងឡាយនៅជុំវិញពិភពលោកចំណាយពេលជាមួយគ្នាដោយរីករាយខណៈកំពុងរៀនពីដំណឹងល្អ ។ សូមពិចារណាអំពីរបៀបដែលអ្នកនឹងសម្រេចបាននូវគោលដៅនៃការធ្វើរាត្រីជួបជុំក្រុមគ្រួសាររបស់អ្នក ។ តើអ្នកអាចសម្របសម្រួលកម្មវិធីនេះតាមរបៀបណាដើម្បីតម្រូវទៅតាមសេចក្តីត្រូវការគ្រួសារអ្នក ។ អ្នកអាចតាំងចិត្តសារជាថ្មីជាគ្រួសារ ដើម្បីធ្វើកម្មវិធីដែលជាទំនៀមទម្លាប់អស់កាល ១០០ ឆ្នាំនេះកា្លយជាអាទិភាពនៅក្នុងផ្ទះរបស់អ្នក ដោយមិនគិតពីស្ថានភាពរបស់អ្នកថាយ៉ាងណានោះឡើយ ។
រចនារូបភាពដោយ ម៉ាក រ៉ូប៊ិនសុន
« ស្វែងរកជំនួយ » ទំព័រ ៧២ ៖សូមពិចារណាអានអត្ថបទនេះជាគ្រួសារ រួចហើយពិភាក្សាសំណួរខាងក្រោមនេះ ៖ (១) តើរូបភាព ឬ ប្រព័ន្ធផ្សព្វផ្សាយបែបណាខ្លះដែលក្មេងៗអាចមើលឃើញ និង ប្រើវា ? (២) តើរូបភាព ឬ ប្រព័ន្ធផ្សព្វផ្សាយណាមួយដែលមិនល្អសម្រាប់យើងមើល ឬ ផ្តោតយកចិត្តទុកដាក់លើវានោះ ? (៣) តើបុគ្គលម្នាក់ៗនឹងធ្វើអ្វីខ្លះនៅ ក្នុងស្ថានភាពមួយដែលពួកគេបានឃើញ ឬ ស្តាប់ឮអ្វីដែលពួកគេមិនគួរឃើញ ឬ ស្តាប់នោះ ? សូមពិភាក្សាពីយុទ្ធសាស្ត្រនានាមកពី « អូ៎ ទេ ! ឥឡូវធ្វើម៉េចទៅ ? » នៅទំព័រ ៧៤ បើសិនអ្នកត្រូវការជំនួយជាគំនិត ( សូមចេញឲ្យឆ្ងាយពីស្ថានភាពនោះ ប្រាប់រឿងនោះដល់ឪពុកម្តាយ ធ្វើការបម្រើ ជាដើម ) ។