សម្រាប់កុមារតូចៗ
ផ្លែល្ពៅរបស់ផល
អ្នកនិពន្ធរស់នៅរដ្ឋ យូថាហ៍ ស.រ.អា ។
ផល កំពុងជួយឪពុកដាំបន្លែក្នុងសួន ។ គាត់ចង់ឲ្យបងប្រុស អៀរិចរបស់គាត់នៅទីនេះជួយ ។ ប៉ុន្តែ អៀរិច នៅបម្រើបេសកកម្មឆ្ងាយណាស់ ។
ផល បាននិយាយថា « កូននឹងមិនធំដូចបង អៀរិច ទេ » ។ « តើកូនអាចចេញបេសកកម្មដូចគាត់ម្តេចបាន ? »
ឪពុកបាននិយាយថា « កុំបារម្ភអី! » ។ « កូននឹងធំ » ។
ឪពុកបានហុចគ្រាប់ល្ពៅមួយចំនួនទៅឲ្យផល ។ គាត់បានជួយដាំល្ពៅផល ។
ផលបានសួរថា « តើគ្រាប់តូចៗទាំងនេះនឹងដុះធំឡើងក្លាយជាផ្លែល្ពៅធំៗមែនទេប៉ា ? »
ឪពុកបានឆ្លើយថា « បើសិនកូនថែទាំវាបានល្អ » ។
ផលបានចេញមកមើលសួនច្បាររាល់ថ្ងៃ ។ គាត់បានស្រោចទឹកវា ហើយមិនយូរប៉ុន្មានពន្លកតូចៗបានដុះចេញមក ។ ស្លឹកវាក៏កាន់តែធំទៅៗ ។ ផលបានដកស្មៅចេញដោយយកចិត្តទុកដាក់ ។
ដល់រដូវស្លឹកឈើជ្រុះដើមល្ពៅរបស់គាត់បានលូតលាស់ ។ ហើយមានផ្លែល្ពៅពណ៌លឿងទុំធំៗ ។
ផលបានដឹកដៃប៉ាទៅមើលវា ។ ឪពុកបានពោល « កូនបានមើលថែដើមល្ពៅបានយ៉ាងល្អ ! »
« បាទ ! ហើយកូននឹងមើលថែទាំខ្លួនឲ្យបានល្អ ដូច្នេះកូនអាចធំផងដែរ » ។ ផលបានញញឹម ។ « ហើយនៅពេលកូនធំឡើង នោះកូនអាចចេញបេសកកម្មបានដូចជាបង អៀរិក អញ្ចឹង! »
រចនារូបភាពដោយ អែមមី វ៉ុមមើរ