យុវវ័យ ដ៏អស្ចារ្យ នៅក្នុងព្រះគម្ពីរ

ដោយ ហ្គីសេឡា ហ្គូស្សៀ

អ្នកនិពន្ធគឺជាគ្រូថ្នាក់សិក្ខាសាលា ដែលបានរស់នៅក្នុងប្រទេស អាល្លឺម៉ង់ ហើយបានទទួលមរណភាពនៅ ឆ្នាំ ២០12 ។

អ្នកអាចរៀន និងធ្វើតាមគំរូរបស់យុវវ័យសុចរិតជាច្រើនដែលរឿងរបស់ពួកគេត្រូវបានរក្សាទុកនៅក្នុងព្រះគម្ពីរ ។

ព្រះអម្ចាស់ស្រឡាញ់យុវវ័យនៃសាសនាចក្រ ។ ទ្រង់មានការទុកព្រះទ័យយ៉ាងច្រើនលើអ្នក ។ នៅគ្រប់ជំនាន់ ព្រះអម្ចាស់បានបំផុសគំនិតយុវជន និង យុវនារីក្លាហានដើម្បីដឹកនាំ និង ប្រទានពរដល់រាស្ត្ររបស់ទ្រង់ ។ ទ្រង់ត្រូវការទស្សនវិស័យ ភាពក្លាហាន និង ចិត្តបរិសុទ្ធរបស់ពួកគេ ។ វា តែងតែបែបនេះ ហើយ វានឹងបន្តបែបនេះតទៅ ។

គំរូជាច្រើនរបស់វីរៈយុវវ័យទាំងនោះ គឺដូចជាខ្សែអំបោះមាសដ៏មានតម្លៃក្នុងព្រះគម្ពីរ ។ ទោះបីជាពួកគេរស់នៅយូរមកហើយក្តី អ្នកអាចធ្វើតាមគំរូរបស់ពួកគេ ហើយភ្ជាប់ទៅនឹងជីវិតរបស់ពួកគេ ។ ពួកគេមានបញ្ហាក្នុងក្រុមគ្រួសារ ពួកគេបានរស់នៅក្នុងចំណោមមនុស្សទុច្ចរិត ពួកគេប្រឈមមុខនឹង « កូលីយ៉ាត » ( ឧបសគ្គ ) » ប៉ុន្តែភាពក្លាហាន ការគោរពប្រតិបត្តិ និង ជំនឿរបស់ពួកគេលើព្រះយេស៊ូវគ្រីស្ទបានជួយពួកគេឆ្លងកាត់ឧបសគ្គរបស់ខ្លួន—គុណសម្បត្តិទាំងនេះអាចមានសម្រាប់អ្នកផងដែរ ។

អ័ប្រាហាំ

ការប្តេជ្ញាចិត្ត ភាពក្លាហាន និង ឆន្ទៈរបស់អ័ប្រាហាំដើម្បីនិយាយប្រឆាំងនឹងពួកទុច្ចរិតនោះអស្ចារ្យណាស់—ដែលកាន់តែអស្ចារ្យជាងនេះនោះគឺដោយគិតពីឪពុករបស់លោកដែលថ្វាយបង្គំរូបសំណាក ។ កាលនៅក្មេង លោកបានឈរយ៉ាងរឹងប៉ឹងនៅក្នុងសេចក្តីសុចរិត ដែលលោកហៀបនឹងត្រូវបានសម្លាប់ធ្វើជាគ្រឿងបូជាយញ្ញ ។ ( សូមមើល អ័ប្រាហាំ ១:២–៧ ) ។

យ៉ូសែបនៅស្រុក អេស៊ីព្ទ

កាលលោកអាយុ ១៧ ឆ្នាំបងប្រុសរបស់លោកបានលក់គាត់ឲ្យធ្វើជាទាសករ ប៉ុន្តែដោយមានពរជ័យពីព្រះអម្ចាស់ យ៉ូសែប អាចដោះស្រាយបញ្ហាលំបាកនានាឲ្យបានល្អវិញ ។ លោកមិនដែលបរាជ័យទេ ព្រោះលោកមិនធ្លាប់បោះបង់អ្វីចោលឡើយ ។ ទំនុកចិត្តរបស់លោកលើព្រះអម្ចាស់នៅតែបន្តមាន ។ ដួងចិត្តដ៏ ល្អរបស់យ៉ូសែប បានបង្ហាញរបៀបមួយដ៏ថ្លៃថ្នូរ ដែលគាត់បានអភ័យទោសដល់ភាពអយុត្តិធម៌ដែលបានធ្វើលើរូបលោក ។ ( សូមមើល លោកុប្បត្តិ ៣៧; ៤៥ ) ។

ដាវីឌ

កាលពីនៅជំទង់ ដាវីឌគឺជាអ្នកគង្វាល ហើយគាត់បានប្រយុទ្ធជាមួយខ្លាឃ្មុំ និង តោដើម្បី ការពារហ្វូងចៀមឪពុកខ្លួន ។ ទំនុកចិត្តដែលគាត់មានពុំមែនជាសមត្ថភាពក្នុងនាមជាអ្នកគង្វាលឡើយ វាកើតចេញមកពីសេចក្តីជំនឿរបស់គាត់លើព្រះវរបិតាសួគ៌ ដូចដែលបានបង្ហាញក្នុងការប្រយុទ្ធជាមួយកូលីយ៉ាត ។ ( សូមមើល សាំយូអែលទី ១ ១៧:៣២–៥៤ ) ។

នាងអេសធើរ

នាងបានសម្រេចចិត្តប្រថុយជីវិតរបស់ខ្លួនទៅក្នុងភាពគ្រោះថ្នាក់ដើម្បីសង្គ្រោះប្រជាជនរបស់នាង ។ វាមិនមែនដោយសារសម្រស់របស់នាងអេសធើរឡើយ ប៉ុន្តែដោយសារអត្តចរិតខាងវិញ្ញាណរបស់នាងដែលធ្វើឲ្យនាងក្លាយជាមនុស្សអស្ចារ្យ ។ ( សូមមើល នាងអេសធើរ ៤–៥ ) ។

ដានីយ៉ែល

Illustration of scenes from the Bible, Book of Mormon and Church history.

លោកបានគោរពតាមក្រិត្យវិន័យសុខភាពរបស់ព្រះអម្ចាស់ ទោះបីជាមនុស្សនៅជុំខ្លួនលោកមិនគោរពតាមក៏ដោយ ។ លោកបានអធិស្ឋាន ដែលទោះបីជាការអធិស្ឋានទៅកាន់ព្រះវរបិតាសួគ៌ប្រឆាំងនឹងបញ្ជារបស់ស្តេច ។ ដោយសារតែសេចក្តីសុចរិតរបស់លោក និង ការបើកបង្ហាញចំពោះការបំផុសគំនិតនៃព្រះវិញ្ញាណ នោះព្រះអម្ចាស់បានប្រទានពរដល់ដានីយ៉ែល ជាមួយនឹងអំណោយទាននៃការបកស្រាយសប្តិ និង ការនិមិត្ត ។ លោកបានទទួលអំណាច និង ប្រាជ្ញា ពីព្រះវរបិតាសួគ៌នៅពេលស្ថិតក្នុងគ្រោះថ្នាក់ ជាអំណាចទាំងឡាយនៃ ឋានសួគ៌ដែលគាត់បានអំពានាវសុំ ។ ( សូមមើល ដានីយ៉ែល ១; ៦ ) ។

នីហ្វៃ

នីហ្វៃ ជាគំរូដ៏អស្ចារ្យនៅពេលលោកនិយាយថា « ខ្ញុំនឹងទៅ ហើយធ្វើនូវអ្វីៗដែលព្រះអម្ចាស់ទ្រង់បានបញ្ជា » ( នីហ្វៃទី ១ ៣:៧ ) ។ លោកមានសេចក្តីក្លាហានដើម្បីធ្វើនូវអ្វីដែលលោកត្រូវបានស្នើសុំឲ្យធ្វើ ។ តើលោករស់នៅក្នុងផ្ទះដែលមានផាសុខភាពឬ ? ទេ លោកបានរស់នៅ ក្នុងទីរហោស្ថានអស់ជាច្រើនឆ្នាំ ។ តើអ្វីៗដំណើរការល្អចំពោះលោកឬ ? ទេ បងប្រុសរបស់លោកខឹងនឹងលោកជានិច្ច ហើយពេលខ្លះព្យាយាមសម្លាប់លោកថែមទៀតផង ។ លោកបានគោរពតាមព្រះបញ្ញត្តិរបស់ព្រះអម្ចាស់ទាំងអស់ ។

កំលោះអាំម៉ូនពីរពាន់នាក់

ពួកយុវជនទាំងនេះត្រូវបានចិញ្ចឹមបីបាច់ដោយឪពុកម្តាយដ៏ស្មោះត្រង់ ហើយសេចក្តីជំនឿរបស់ពួកគេលើសម្តីរបស់ម្តាយខ្លួន បានប្រទានពរដល់ពួកគេ ។ ពួកគេបានរៀនស្តាប់ និង ធ្វើតាមដោយឥតខ្ចោះ ហើយនៅក្នុងសង្គ្រាមរបស់ពួកគេ នោះពួកគេពុំសង្ស័យថាព្រះវរបិតាដែលគង់នៅឋានសួគ៌នឹងការពារពួកគេឬអត់នោះឡើយ ។ ( សូមមើល អាលម៉ា ៥៦:៤៥–៤៨ ) ។

មរមន

កាល លោកមានអាយុ ១៥ ឆ្នាំ ព្រះអម្ចាស់បានយាងទៅជួបលោក ដោយសារការបន្ទាបខ្លួន ភាពស្អាតស្អំ និង ភាពបរិសុទ្ធ ដែលផ្ទុយពីភាពខ្មៅ កខ្វល់របស់មនុស្សនៅជុំវិញខ្លួនលោក ។ ពេលអាយុ ទ័ពផងដែរ ឆ្នាំ មរមនត្រូវបានឲ្យធ្វើជាអ្នកដឹកនាំកងទ័ព ។ ក្រោយមកទៀតលោកត្រូវបានទុកចិត្តដើម្បីឲ្យរក្សាព្រះគម្ពីរ ។ ( សូមមើល មរមន ១–២ ) ។

យ៉ូសែប ស៊្មីធ

កាលអាយុ ១៤ ឆ្នាំ លោកបានស្រាវជ្រាវព្រះគម្ពីរ ហើយអធិស្ឋានដើម្បីដឹងថា តើត្រូវចូលរួមព្រះវិហារមួយណា ។ ព្រះអម្ចាស់បានហៅលោកឲ្យស្តារដំណឹងល្អ និង សាសនាចក្រនៃព្រះយេស៊ូវគ្រីស្ទឡើងវិញ ។ យ៉ូសែប បានបូជាជីវិតរបស់ខ្លួនទាំងស្រុងដើម្បីបំពេញតាមការចាត់តាំងនេះ ទោះបី ជាមានឧបសគ្គ និង ការលំបាកនានាក្តី ។ កាលអាយុ ១៧ ឆ្នាំ ទេវតា មរ៉ូណៃបានមកជួបលោក ហើយបានបង្ហាញផ្ទាំងមាសដល់លោក ។ ទោះបីជានៅ ក្មេងក្តី យ៉ូសែប ស៊្មីធ គឺជាគ្រូបង្រៀនដ៏មានអំណាច ហើយជាគំរូដ៏អស្ចារ្យដល់មនុស្សដែលនៅជុំវិញខ្លួនលោក ។ ( សូមមើល យ៉ូសែប ស្ម៊ីធ—ប្រវត្តិ ១ ) ។

ជំនាន់របស់អ្នក

តើជំនាន់នៃយុវជន និង យុវនារីដ៏អស្ចារ្យបានកន្លងផុតទៅហើយឬ ? ទេ ! ទេវតាមរ៉ូណៃបានប្រាប់យ៉ូសែប ស្ម៊ីធថា ការព្យាករណ៍របស់យ៉ូអែលត្រូវបានបំពេញ ៖

« យើង [ ព្រះអម្ចាស់ ] នឹងចាត់វិញ្ញាណរបស់យើងទៅលើគ្រប់ទាំងមនុស្ស នោះកូនប្រុសស្រីរបស់ឯងនឹងទាយ ពួកចាស់ៗរបស់ឯងនឹងយល់សប្តិឃើញ ហើយពួកកំឡោះៗរបស់ឯងនឹងឃើញការជាក់ស្តែង ៖

« នៅគ្រានោះ យើងនឹងចាត់វិញ្ញាណរបស់យើង ទៅលើទាំងពួកទាសាទាសីដែរ » ( យ៉ូអែល ២:២៨–២៩; សូមមើល យ៉ូសែប ស្ម៊ីធ—ប្រវត្តិ ១:៤១ ) ។