Mga Istorya sa Basahon ni Mormon
Si Alma Nagbunyag sa Daghan nga mga Tawo
Gikan sa Mosiah 16–18.
Si Abinadi usa ka propeta. Siya mitudlo sa mga tawo nga motuo kang Jesus ug mohunong sa pagbuhat og dili maayo nga mga butang. Usa ka dautan nga hari nga ginganlan og Noah nasuko kang Abinadi. Si Noah dili gusto nga maghinulsol.
Usa ka tawo nga ginganlan og Alma mituo ni Abinadi. Siya mipahilayo ug mitago gikan sa suko nga hari. Siya mibati og kaguol sa nabuhat nga sayop nga mga butang, ug siya naghinulsol, sama sa gitudlo ni Abinadi.
Daghang mga tawo miabut aron maminaw ni Alma nga nagtudlo mahitungod ni Jesukristo. Si Alma mitudlo nga kon sila maghinulsol ug mosunod kang Jesus, sila mahimong magpabunyag.
Ang mga tawo namakpak uban sa hingpit nga kalipay. Misaad sila nga mohupay sa uban. Misaad sila sa paghigugma sa Dios ug sultihan ang ubang mga tawo mahitungod Kaniya. Andam sila nga magpabunyag.
Sa tinagsa-tagsa, si Alma mibunyag sa mga katawhan. Sila malipayon kaayo nga nahimong kabahin sa Simbahan ni Jesus.
Sa dihang kita gibunyagan, kita mihimo og sama nga mga saad nga gihimo sa mga tawo ni Alma. Ug kita mamahimo nga kabahin usab sa Simbahan ni Jesus!