Kabatan-onan
Ang Langitnong Amahan Namulong ngari Kanako pinaagi sa usa ka Pakigpulong sa Komperensya
Ang tagsulat nagpuyo sa Sergipe, Brazil.
Duna koy mga pagduha-duha mahitungod sa unsay angay nakong eskwelahan sa unibersidad. Kadaghan sa mga tawo nanaway sa kurso nga gusto nakong kuhaon, busa nag-ampo ko sa Ginoo aron mahibaloan kon uyon ba Siya sa akong desisyon.
Ang tubag miabut pagkasunod adlaw samtang nagbasa ko og usa ka pakigpulong sa kinatibuk-ang komperensya diha sa Liahona. Gibati nako nga ingon og ang Langitnong Amahan nagsulti kanako nga Siya dili makapili alang kanako—mao kini ang desisyon nga ako lamang ang mohimo. Nasayud ko nga bisan unsa ang akong pilion, ako kinahanglan nga motrabaho og maayo aron magmalampuson.
Nasayud ko nga ang akong pag-ampo natubag. Ang pagkumpirma sa Espiritu Santo nakatabang kanako sa paghimo og desisyon. Akong nakat-unan nga himoon nako ang pinakamaayong paningkamot ug nasayud nga ang Langitnong Amahan motabang kanako.