Pagkat-on sa Pagpatukar og Himno sulod sa 10 Minutos!
Kon kamo wala gayud makapatukar og piano apan gusto kaayo nga makat-on, ania ang inyong kahigayunan. Ang inyong gikinahanglan mao ang usa ka music keyboard. Bisan kon kamo wala niini sa panimalay, mahimo ninyong dad-on kini nga artikulo ngadto sa usa ka dapit diin dunay piano o keyboard sa pagsugod og kat-on.
Kini nga leksyon yano kaayo nga kamo makapatukar og himno sa pagkahuman niini. Gani, posible nga kamo makapatukar sa melodiya sa himno niini nga leksyon sulod sa 10 minutos!
Andam na? Sugdan nato!
Pagpangandam sa Pagpatukar og Piano
-
Sa inyong paglingkod atubangan sa piano ug pagbutang sa inyong mga tudlo diha sa keyboard, i-atras ang lingkuranan og gamay aron ang inyong mga siko mapiko og gamay.
-
Lingkod sa tunga sa lingkuranan, atubangan gayud sa sentro sa keyboard.
-
Lingkod sa atubangang ngilit sa lingkuranan nga tul-id ang inyong buko-buko ug ang inyong gibug-aton naa sa atubangan.
-
Tarunga pagbutang ang inyong mga tiil diha sa salog.
-
Komportabling maglingkod, tarungon ang postura.
-
Siguroha nga dunay sakto nga suga aron makita ang musika ug ang keyboard.
-
Barug. Ipabitay ang inyong mga kamot sa inyong kilid ug iparelaks kini. Bantayi ang natural nga kurba niini, ingon og naggunit kini og bola. Sa inyong paglingkod pag-usab, ibutang ang inyong mga tudlo diha sa keyboard, sa mao gihapon nga natural nga kurba.
-
Ipahimutang ang inyong mga kamot ibabaw sa keyboard, nga mohikap duol sa sentro sa lugar sa puti nga mga key. Ipaibabaw sa keyboard ang inyong mga palad, pero ayaw ipatong sa mga key o sa kahoy ubos sa mga key.
-
I-strike ang key gamit ang tumoy sa inyong tudlo. Ipadayon ang pagkakurba sa kada tudlo, moalsa niini gikan sa buko sa tudlo sa luyo sa inyong kamot. Sa inyong pag-strike sa key, kinahanglan nga ang tudlo kanunay nga nagbawog.
Magpatukar pinaagi sa Tudlo nga Ginumerohan
Sa pagtabang kaninyo sa pagbutang sa husto nga mga tudlo diha sa matag key, ang mga tudlo gihatagan og numero sama sa gipakita dinhi. Ang mga numero sa tudlo gisulat tupad sa mubo nga mga sulat sa pahina.
Ibutang ang imong kamot ibabaw sa bisan unsa nga grupo sa lima ka mga key, maghikap ang matag tudlo ibabaw sa usa ka key. Praktisa ang mga numero sa tudlo pinaagi sa pagpatukar sa mga key uban sa sakto nga tudlo sama sa gipakita. Ang notes nga dunay tul-id nga linya pataas alang sa tuo nga kamot. Ang notes nga dunay tul-id nga linya paubos alang sa wala nga kamot.
Ang pagpatukar sa “There Is a Green Hill Far Away”
Ibutang ang inyong mga kamot diha sa keyboard sama sa gipakita sa ubos.
Gamita ang grupo sa duha ug tulo ka itom nga key aron sa pagtabang kaninyo sa pagpangita sa sakto nga posisyon.
Patukara kini nga himno, magsubay sa mga numero sa tudlo sama sa gipakita. Ang notes nga dunay tul-id nga linya pataas alang sa tuo nga kamot, ug ang notes nga dunay tul-id nga linya paubos alang sa wala nga kamot. Praktisa ang himno hangtud kamo komportable niini. Gamita ang mga baruganan sa maayong teknik sa tudlo nga gilista sa siyam ka punto nga checklist.
Karon gitudloan na kamo sa pagpatukar og piano ug nakakat-on og yanong melodiya sa himno. Sa pagpatukar og laing mga himno, kamo kinahanglang makat-on sa pipila ka sukaranang mga baruganan kabahin sa beats, rhythm, ug notes.
Kini mao ang labing maayo nga bahin: ang leksyon nga inyo lang nakat-unan mao ang unang leksyon sa Church Keyboard Course, nga anaa sa unom ka pinulongan sa Church distribution.1 Ang plano sa intruksyon nga sayon-sundon makatabang ninyo nga makat-on sa inyong kaugalingon o sa grupo. Mahimo gani nga iapil ninyo ang inyong tibuok pamilya sa pagkat-on sa piano isip usa ka kalihokan sa family home evening. Ang kurso makompleto sa unom lang ka semana.
Daghang mga pagtuon nagpakita nga ang pribado nga mga leksyon sa musika makatabang nga molambo ang focus, academic excellence, ug mga kahanas sa pangatarungan sa mga estudyante.2
Pinaagi sa pagkat-on sa mga kahanas sa musika, gipalambo nato ang mga talento nga gihatag sa Ginoo kanato, makapalambo sa atong kahibalo, ug makat-on og daghang lain-laing mga paagi nga atong magamit ang atong kahibalo ug mga talento sa pagtukod sa Iyang gingharian.