Pagsunod sa mga Propeta ug mga Apostoles
Ang Dios nagtawag sa mga propeta ug mga apostoles sa pagtudlo kanato kon unsay gusto sa Dios nga atong masayran. Diha sa mga kasulatan atong mabasa ang mahitungod sa mga propeta sama ni Noe, ni Nephi, ug ni Joseph Smith, ug mga apostoles sama ni Pedro ug Pablo. Adunay kitay mga propeta ug mga apostoles karon!
Unsa ang usa ka “propeta, manalagna, ug tigpadayag”?
Ang propeta mamulong alang sa Dios.
Ang manalagna makakita sa nangagi, karon ug sa umaabut.
Ang tigpadayag magpadayag (o magpakita) kanato sa kabubut-on sa Dios.
-
Ang mga sakop sa Unang Kapangulohan ang tanan mga propeta, manalagna, ug tigpadayag. Mao usab ang tanan nga mga Apostoles.
-
Ang Presidente lamang sa Simbahan ang adunay katungod gikan sa Dios sa paggiya sa tibuok Simbahan.
-
Pila ka buhing mga propeta, manalagna, ug tigpadayag ang anaa kanato?
12 15 3 1
Tubag: 15
Nganong importante ang pagsunod sa propeta?
Ang propeta sama sa usa ka tawo nga nagbantay gikan sa usa ka tore (tan-awa usab sa pahina 38). Iyang makita ang umaabut nga kakuyaw ug mosulti kanato unsaon nga mahimong luwas. Siya nagtabang kanato sa pagsunod ni Jesukristo.
Unsa ang gisugo sa atong propeta nga atong buhaton?
Ang atong propeta karon mao si Presidente Thomas S. Monson. Ania ang pipila ka mga butang nga iyang gihangyo nga atong buhaton.
-
Sunda ang ehemplo ni Jesus ug higugmaa ang kada usa.
-
Bayad sa ikapulo ug amot sa pundo sa misyonaryo.
-
Palayo gikan sa dautan nga mga salida sa sine, TV, ug ubang media.
-
Butangi og usa ka hulagway sa templo ang inyong kwarto.
-
Pagtuon sa mga pakigpulong sa kinatibuk-ang komperensya.
-
Bisitaha ang mga tigulang ug mahimong usa ka buotan nga silingan.
Pilia ang usa ka butang gikan sa lista nga inyong buhaton karong bulana. Unsay inyong buhaton?