Yut
Stap Tingbaot Lod Evri Dei
Ol fren, ol wok long haos, ol homwok, TV—i gat fulap samting we i stap blong pulum tingting blong yumi. Be evri wik, yumi promesem Papa long Heven se bae “yumi tingbaot Pikinini blong Hem, Jisas Kraes, oltaem.” (D&C 20:79).
Presiden Eyring i stap talem se yumi save “mekem ol joes evri dei” we oli stap mekem yumi kam kolosap moa long Sevya. Tingting blong mekem wan gol long manis ia blong tingbaot Sevya moa evri dei. Yu save mekem wan kalenda mo komitim yu blong mekem wan samting long wan dei. Presiden Eyring i mekem wan lis olsem blong stap ridim ol skripja, stap prea wetem fet, mo blong givim seves long Sevya mo ol narawan. Mo tu, yu save raet long jenol, go long ol miting blong Jos, lisin long jeneral konfrens, stap go long tempol, stap singsing long ol hym—!mo lis ia i go i go! Taem yumi stap tingbaot Sevya long evri dei, Presiden Eyring i promesem se “ol blesing, … bambae oli kam sloslo mo oltaem … mo bae oli tanem yumi i kam ol tru disaepol blong Lod Jisas Kraes.”