Wan Ansa we I Kam Tru long Insperesen long Wan Intaviu blong Wok
Gibrair Padilha Dos Santos
Sao Paolo, Brasil
Ol pikja foto oli kam long Getty Images
Afta we oli bin givim wok long mi blong lidim wan stek indipenden laef komiti, mi bin luksave se miwan, oli no stap pem gud mi. Taem mi luksave hemia, mi bin wantem moa aot long profesenol laef blong mi.
Mi bin filim bakegen blong faenem wan wok we i gud moa, mo blong askem help blong raetem wan gudfala wok samari abaot mi. Mi sendem niufala wok samari blong mi long samfala bisnis, mo i no longtaem afta, oli singaotem mi blong go long intaviu.
Long wan taem, man we i mekem intaviu i poenem wan laen long wok samari blong mi se mi stap olsem kaonsela long stek presidensi mo askem: “?Yu save talem long faef seken wanem jos seves ia i stap minim?”
Mi talem se mi stap long lidasip blong wan oganaesesen we i responsibol blong gaedem laef mo i responsibol long gudlaef blong moa long 2,500 pipol. Man we i stap mekem intaviu i intres mo i talem: “Yu gat wan minit blong disaed olsem wanem bae yu talem long mi long faef seken ansa long kwestin ia: ?Olsem wanem yu stap gaedem olgeta 2,500 pipol?”
Mi save se hemia i taem we bae i desisen taem blong intaviu. Mi bin prea mo askem Papa long Heven blong kasem help mo kwiktaem mi tingbaot ol lesen we mi bin lanem long grup klas. Mi filim se mi gat bigfala tras long miwan.
Afta long wan minit, man we i intaviu i askem: “?Olsem wanem nao yu stap gaedem 2,500 pipol?”
Mi ansa: “Mifala i helpem olgeta blong setemap ol gol.”
Man blong intaviu i stanap, i sekhan long mi, mo talem: “Mifala i tekem yu long wok.”
I gud tumas olsem wanem we God i tekem han blong mi mo i bin ansarem prea blong mi. Mi glad tumas long Sevya blong mi from ol lida blong mifala we oli gat insperesen blong krietem wok ia blong save kam blong dipen long yumiwan. Miwan, mi filim se mi bin gat blesing tru long wok ia, mo mi bin luk ol simpol rod blong wok blong indipenden laef i blesem plante moa insaed long stek blong mifala. Mi mi biliv strong long paoa blong ol prinsipol blong indipenden laef blong leftemap laef, mekem se, taem mi bin kam lida ova long 15 wokman long niufala wok blong mi, mi stat blong tijim olgeta ol prinsipol blong indipenden laef.
Mi bin kam antap mo mi save mekem samting i moa bitim we mi bin ting se mi save mekem. Naoia, mi kasem wan salari we i inaf blong lukluk long mi mo famli blong mi. Wok ia i helpem yumi blong kam gud moa evri dei taem i helpem yumi blong kasem wan rod blong dipen moa long yumiwan.