?Olsem wanem Tabu Spirit i save helpem mi?

I Kam long Elda Robert D. Hales

Blong Kworom blong Olgeta Twelef Aposol

I kamaot long “The Holy Ghost,” Liahona, Mei 2016, 105–107.

Tabu Spirit i nambatri memba blong Godhed. Hem i stap testifae abaot Papa long Heven mo Jisas Kraes.

Hem i tijim yumi. Hem i stap givim hop long yumi. Hem i stap helpem yumi blong mekem gud samting.

Hem i stap givim ol presen long saed blong spirit long yumi. Hem i stap givim save mo stap helpem yumi blong tingbaot ol impoten samting.

Hem i stap helpem yumi blong stap klin aot long sin. Hem i givim kamfot long yumi.

Tabu Spirit i stap helpem yumi blong mekem ol impoten joes.

Hem i stap toktok long maen mo hat blong yumi long wan kwaet fasin. Wanwan long yumi i harem Hem i toktok long yumi long ol defren wei.