Ol Stori blong Jisas
Jisas i Visitim Josef Smit
Plante yia afta we Jisas i bin laef bakegen long ded, wan boe, we nem blong hem Josef Smit i bin gat wan kwestin. Hem i no save wanem jos blong joenem.
Josef i bin ridim Baebol. Baebol i talem se Papa long Heven bae i ansa long ol kwestin blong yumi sapos yumi prea long Hem. Josef i go long bus mo i bin prea long Papa long Heven.
Papa long Heven mo Jisas, Tufala i bin aot long heven, Tufala i kam daon. Jisas i talem long Josef se bae hem i no go long eni jos from se oli no stap tijim evri samting we i blong Jos blong Hem.
Taem we Josef i bin groap, hem i bin helpem Jos blong Jisas blong kambak long wol ia. Oli singaotem Jos blong Jisas Kraes blong Ol Lata-dei Sent. Jos ia i stap helpem ol pipol blong save abaot Jisas mo Papa long Heven.
Taem mi stap ridim ol skripja, i stap tijim mi moa abaot Papa long Heven. Taem mi prea, Hem i save ansarem ol prea blong mi tu.