Visiting Tijing Mesej
Kavremap Olgeta we Oli Stap Folem Rong Rod wetem Lav
Stadi long toktok ia wetem prea mo luklukgud blong save wanem blong serem. ?Olsem wanem we taem ol sista oli andastanem stamba tingting blong Rilif Sosaeti, oli mekem ol gel blong God oli rere blong kasem ol blesing blong taem we i no save finis?
“Ril samting i we, i no gat famli we i stret evriwan … ,” Presiden Dieter F. Uchtdorf, Seken Kaonsela long Fas Presidensi i talem. “Wanem problem we famli blong yu i stap fesem, wanem samting yu mas mekem blong yu stretem ol problem ia, stat mo en blong ansa, hem i jareti, klin mo bigfala lav blong Kraes.”1
Abaot olgeta we oli no stap tekpat fulwan long gospel, Linda K. Burton, foma Jeneral Presiden blong Rilif Sosaeti i bin talem: “Papa long Heven i lavem evriwan long ol pikinini blong Hem. … I nomata se oli stap long weaples—long rod o aotsaed long rod—Hem i wantem olgeta blong kambak hom.”2
“Nomata ol pikinini blong yu oli kamaot long rod, … taem yu toktok long olgeta, yu no toktok wetem kros, o tok strong, o wetem tingting blong panisim olgeta,” Presiden Joseph F. Smith (1838–1918) i talem. “Toktok long olgeta long wan fasin we i kaen.”3
Elda Brent H. Nielson blong Olgeta Seventi i ripitim instraksen blong Sevya long olgeta we oli gat 10 silva mo oli lusum wan: “Lukaotem koen ia kasem taem yu faenem. Taem koen we i lus i boe o gel blong yu, brata mo sista blong yu, … afta evri samting we yumi save mekem, yumi mas lavem hem wetem evri hat blong yumi. …
“Bae yu mo mi i kasem revelesen blong save olsem wanem blong kam kolosap long olgeta long laef blong yumi, we oli lus i stap, mo taem i nid, blong yumi save wet longtaem mo lavem Papa blong yumi long Heven mo Pikinini blong Hem, Jisas Kraes, mo gohed blong lavem, lukaotem, mo wet long pikinini ia we i bin lus.”4
Presiden Henry B. Eyring, Fas Kaonsela insaed long Fas Presidensi, i talem: “Mi bin prea wetem fet se wan ia we mi lavem hem, bambae i lukaotem mo filim paoa blong Atonmen. Mi bin prea wetem fet se ol enjel we oli ol man o woman, bambae oli kam helpem olgeta, mo oli bin kam.
“God i putum ol rod i stap blong sevem wanwan long ol pikinini blong Hem.”5
Sam moa skripja mo Infomesen
FetFamliHelp