Save bifo Yu Go: Ol Baptaes long Tempol
I no gat nid blong wet. Evri memba we oli klin inaf, we i tekem ol yut, mo ol niu memba, oli save givim seves insaed long tempol naoia.
“Bambae yumi tru long hat blong yumi mo bae yumi stap olsem ol pipol we i stap go long tempol, mo ol pipol we i lavem man,” Presiden Howard W. Hunter (1907–95) i talem. “Yumi mas kwik blong go long tempol folem hamas taem we yumi save mekem. Yumi mas go from ol famli blong yumi we oli ded finis, be tu, blong kasem tu ol blesing blong yumiwan blong stap wosip long tempol, from tabu fasin mo sefti we oli stap insaed long ol wol ia we oli tabu mo oli konsekretem” (“A Temple-Motivated People,” Ensign, Feb. 1995, 5).
Kaonsel ia i go tu long evri memba blong Jos blong Jisas Kraes blong Ol Lata-dei Sent—iven sapos yu wan memba we yu jes baptaes nomo. Sapos yu klin inaf i stap, i no nid blong save wet bifo yu save go long tempol. Taem yu kasem baptaes mo kasem konfemesen, yu save kasem tu wan limit-yus tempol rekomen.
Rekomen ia i letem yu blong go insaed long tempol blong mekem ol baptaes mo konfemesen long bihaf blong ol bubu blong yumi we oli ded finis. Taem yu stap mekem seves mo stap wosip insaed long tempol, yu save mekem testemoni blong yu long saed blong gospel i kam strong moa.
Natalia Lorena Figueroa blong Ajentina, i tokbaot fas eksperiens blong hem long tempol mo i talem: “Long ples blong baptaes insaed long tempol, mi stap lukluk wan brata we i stap kasem baptaes long bihaf blong bubuman blong mi mo ol anggel blong mi. Afta, mi nao mi kasem baptaes long bihaf blong bubuwoman mo ol anti blong mi. Glad ia we mi bin filim i bigwan tumas. Wota blong ae i ron, mo mi filim hat blong mi i bon, we mi neva filim hemia bifo.” Ol semmak blesing oli stap long olgeta we oli inaf mo save yusum wan limit-yus tempol rekomen.