Ol Eksampol blong Bilif
Ilir Dodaj
Dures, Albania
Ilir i stap lukluk ol tul blong hem taem we boe blong hem i stap makem hem.
llir mo waef blong hem, Gjystina, tufala i nildaon long prea wetem ol pikinini blong tufala.
Seves blong llir olsem wan bisop i putum gudfala eksampol long boe blong hem, we i stap talem: “Mi gat wan strong testemoni. Mi lavem famli blong mi mo stap prea evri dei from ol pipol we oli nidim help.”
llir mo boe blong hem, tufala i stap wokbaot long ol strit blong Dures.
llir mo Gjystine oli memba blong Jos 10 yia nao.
Seves i no stret oltaem wetem ol nid blong yumi, be olsem wan papa mo wan bisop, llir Dodaj i bin traem blong soem long ol pikinini blong hem, se seves i wan gudfala samting.
Cody Bell, fotograf
Wan olfala sista insaed long wod i gat kansa long basket blong kakae mo i nidim help evri dei from se hem i no save muvaot long bed blong hem. Long en, hem i askem sapos mi save go luk hem, mi nomo, i no wan nara prishud o narawan, from se hem i sik tumas mo bambae hem i ded. Hem i filim gud blong gat bisop blong hem blong helpem hem.
Wan dei, oli operetem hat blong mi, mo mi no bin save go visitim hem blong wan sot taem. Taem mi gobak luk hem, hem i talem: “Bisop. ?Olsem wanem nao bae yu helpem mi sapos oli jes katem yu?”
Mi talem long hem: “Koling blong mi i blong givim seves long ol narawan.”
Hem i stap kam kolosap long ded mo bodi blong hem i stat blong go nogud. I bin had blong luk hem long wei ia, be hem i no bin fraet blong ded. Hem i lavem God mo hem i bin save long plan blong fasin blong sevem man. Hem i talem: “Mi save se God i gat wan gudfala plan blong mi.”
Taem hem i ded, mi tingtingbak long ol eksperiens we mi bin gat wetem hem mo tingting se koling blong mi olsem wan bisop i wan gudfala koling. Mi glad blong givim seves long ol narawan, lavem ol narawan, mo helpem olgeta. Mi lavem gospel.