Mbledhjet e Këshillit të Dielën e Parë

Të dielën e parë të çdo muaji, mbledhjet e kuorumit të pleqve dhe të Shoqatës së Ndihmës nuk përfshijnë një mësim të dhënë nga një mësues/e. Në vend të kësaj, presidencat e kuorumit të pleqve dhe të Shoqatës së Ndihmës drejtojnë mbledhje këshilli. Në këto mbledhje këshilli të së dielës së parë, secili kuorum i pleqve dhe secila Shoqatë e Ndihmës këshillohet së bashku rreth përgjegjësive, mundësive dhe sfidave vendore; mëson nga idetë dhe përvojat e njëri‑tjetrit; dhe planifikon mënyra për të vepruar sipas mbresave të marra nga Shpirti. Këto diskutime duhet të mbështeten te shkrime të shenjta përkatëse dhe te mësimet e profetëve të gjallë.

Jo të gjitha mbledhjet e këshillit do të jenë njësoj. Këtu janë disa udhëzime që t’i ndihmojnë presidencat për të udhëhequr një këshill të suksesshëm.

Përpara mbledhjes së këshillit

Bëni:

Përcaktoni nevojat, mundësitë dhe sfidat vendore.
Me lutje zgjidhni një temë për ta diskutuar.
Ftoni anëtarë të kuorumit ose motra të Shoqatës së Ndihmës që të vijnë të përgatitur për të treguar mendimet dhe përvojat e tyre.

Mos [Bëni]:

Përgatitni mësim.
Ejani me një zgjidhje të caktuar ose plan veprimi në mendje.

Gjatë mbledhjes së këshillit

Bëni:

Ftoni anëtarë/e të tregojnë përvoja që i patën ngaqë vepruan sipas mbresave dhe planeve nga mbledhjet e mëparshme.
Paraqiteni temën e mbledhjes dhe nxitini anëtarët/et që të këshillohen së bashku rreth saj, duke kërkuar zgjidhje dhe udhërrëfim nga shkrimet e shenjta, fjalët e profetëve dhe Fryma e Shenjtë.
Planifikoni të veproni sipas asaj që u diskutua. Kjo mund të përfshijë plane grupesh ose plane që individët i bëjnë për veten e tyre.

Mos [Bëni]:

E mbizotëroni diskutimin.
U përpiqni t’i bindni të tjerët për idetë tuaja.
Diskutoni çështje të ndjeshme ose konfidenciale.
Jepni një mësim.
E shtyni askënd që të marrë pjesë.

Pas mbledhjes së këshillit

Bëni:

Ndiqeni ecurinë e planeve dhe detyrave të caktuara gjatë mbledhjes së këshillit.
Gjeni mënyra që t’i përfshini ata që nuk mundën të marrin pjesë në mbledhje për shkak të thirrjeve ose arsye të tjera. Vërini në dijeni për planet që u bënë.
Jepuni anëtarëve mundësi që të tregojnë përvoja në mbledhjet e ardhshme.

Tema për Mbledhjet e Këshillit të Dielën e Parë

Ide për temat e diskutimit në mbledhjet e këshillit mund të vijnë nga mbledhjet e presidencës, mbledhjet e këshillit të lagjes, plani i zonës, mbresat që udhëheqësit i marrin kur u japin shërbesë anëtarëve, dhe nga nxitjet prej Frymës së Shenjtë. Temat më poshtë janë vetëm sugjerime. Udhëheqësit/et mund të jenë në dijeni për nevoja të tjera, të cilat ndihen të frymëzuar t’i diskutojnë.

Çfarë mund të bëjmë ne që t’u japim shërbesë njerëzve përreth nesh? (Shih Mosia 23:18.)
Si mund t’u japim përparësi përgjegjësive tona të ndryshme?
Si do ta përhapim ungjillin te miqtë dhe fqinjët tanë? (Shih Alma 17.)
Si mund të mbrohemi vetë dhe t’i mbrojmë familjet tona nga mjetet e papërshtatshme të informacionit dhe pornografia?
Çfarë do të bëjmë për t’i këshilluar e forcuar fëmijët tanë dhe rininë në lagjen tonë?
Si mund të jemi më të përfshirë në punën për historinë familjare dhe adhurimin në tempull?
Si mund ta ftojmë ndihmën e Zotit kur kërkojmë përgjigje për pyetjet tona për ungjillin dhe kërkojmë kuptueshmëri më të thellë të ungjillit?
Si mund t’i forcojmë dëshmitë tona për Zotin dhe ungjillin e Tij dhe t’i ndihmojmë familjet tona që të jenë të mbështetura shpirtërisht te vetja?