រៀនអំពី ព្រះយេស៊ូវ

ដោយប្រធាន រ័សុល អិម ណិលសុន

ដកស្រង់មកពី « ការទាញយកព្រះចេស្ដានៃព្រះយេស៊ូវគ្រីស្ទមកក្នុងជីវិតរបស់យើង » Liahona, ខែ ឧសភា ឆ្នាំ ២០១៧ ទំព័រ ៣៩–៤២ ។

ព្រះបានបញ្ជូនព្រះរាជបុត្រារបស់ទ្រង់ព្រះយេស៊ូវគ្រីស្ទដើម្បីមកជួយយើង ។ អ្នកអាចមានអំណាចមកពីព្រះយេស៊ូវគ្រីស្ទ នៅពេលអ្នកធ្វើកិច្ចការទាំងនេះ ៖

ការរៀនសូត្រអំពីព្រះអង្គសង្គ្រោះ ។ ជាច្រើនឆ្នាំកន្លងទៅ ខ្ញុំបានអាន ហើយគូសបន្ទាត់ពីក្រោម ខគម្ពីរនីមួយៗ នៅក្នុងព្រះគម្ពីរអំពីព្រះយេស៊ូវគ្រីស្ទ ។ ពេលខ្ញុំបានអានចប់ ខ្ញុំបានប្រាប់ភរិយារបស់ខ្ញុំថា « បងជាមនុស្សផ្សេងម្នាក់ ! »
សិក្សា « ព្រះគ្រីស្ទដ៏មានព្រះជន្មរស់ » ។ វាជាទីបន្ទាល់មួយអំពីព្រះយេស៊ូវគ្រីស្ទមកពីពួកព្យាការី និងពួកសាវក ។
ចូរមានឆន្ទៈការពារ បញ្ចេញមតិ ហើយធ្វើខុសពីមនុស្សនៃលោកិយ ។
សូមព្យាយាមមើលទៅកាន់ទ្រង់គ្រប់ ទាំង គំនិត ( សូមមើល គោលលទ្ធិ និងសេចក្តីសញ្ញា ៦:៣៦ ) ។ នៅពេលអ្នកធ្វើដូច្នោះ នោះភាពសង្ស័យ និងការភ័យខ្លាចរបស់អ្នកនឹងរលាយបាត់អស់ ។
ចុះសេចក្តីសញ្ញាពិសិដ្ឋ និងរក្សាសេចក្តីសញ្ញាទាំងនោះ ។

ព្រះយេស៊ូវគឺជាព្រះគ្រីស្ទ ! អំណាចរបស់ទ្រង់មានសម្រាប់ពួកអ្នកគ្រប់គ្នា ។

សូមជួយឲ្យសួនដំណាំរបស់យើងលូតលាស់ឡើង !

កាលព្រះយេស៊ូវគ្រីស្ទគង់នៅលើផែនដី ទ្រង់មានព្រះទ័យសប្បុរសចំពោះមនុស្សដទៃជានិច្ច ។ នៅពេលយើងមានចិត្តសប្បុរស នោះយើងកំពុងធ្វើតាមទ្រង់ ។

ដូចជាដំណាំផ្សេងៗជាច្រើនទៀតដែរ ផ្កា និងបន្លែត្រូវបានដាំនៅក្នុងសួន នោះយើងអាចមានចិត្តសប្បុរសក្នុងរបៀបជាច្រើន ។

ឆ្នាំនេះយើងកំពុងដាំដំណាំក្នុងសួននៃសេចក្តីសប្បុរស ! នៅពេលអ្នកបង្ហាញសេចក្តីសប្បុរសដល់នរណាម្នាក់ សូមសរសេរវានៅលើរូបផ្កា ដើមដំបងយក្យ ស្លឹកឈើ ដំណាំ បន្ថែ ឬសត្វល្អិតនៅក្នុងសួនដែលមានប្រយោជន៍ ! បន្ទាប់មកផ្ញើវាមកកាន់ពួកយើង ។ គម្របខាងក្រោយនឹងប្រាប់អ្នកអំពីរបៀបធ្វើវា ។ ឬធ្វើសួនសប្បុរសដោយផ្ទាល់ដៃអ្នក ហើយផ្ញើរូបថតរបស់អ្នកដែល « កំពុងធ្វើការ » នៅក្នុងសួននោះមកកាន់ពួកយើង !

នេះជាសេចក្ដីបញ្ញត្តរបស់ខ្ញុំ គឺឲ្យអ្នករាល់គ្នាស្រឡាញ់ដល់គ្នាទៅវិញទៅមក ដូចជាខ្ញុំបានស្រឡាញ់អ្នករាល់គ្នាដែរ ។**យ៉ូហាន ១៥:១២