Tuha’a ’āpī o te Liahona nō te mau tamari’i

Ha’amata i te matahiti 2019, e taui te tuha’a o te Liahona nō te mau tamari’i, e toru tauira’a rahi :

Hō’ē tuha’a ta’a ’ē roa. I teienei, e ’ōhie nō te mau tamari’i ’ia haere i ni’a i te mau ’ā’amu ’e te mau ’ohipa ri’i e ha’apūai i te fa’aro’o, i roto i te mau ’api nō te mau tamari’i e pi’ihia te Hoa. E ’ite-noa-ato’a-hia i roto i te Liahona te mau tuha’a ta’a ’ē nō te feiā pa’ari, te feiā ’āpī pa’ari ’e te feiā ’āpī.
’Ua rahi atu ā te mau ’api. E rahi atu ā te mau ’api mai te 14 ’api i te 24, te aura’a ra, ’ua rahi atu ā te mau ’ā’amu, te mau ’ohipa ri’i ’e te mau mana’o nō te ha’api’i i te mau tamari’i i te fare ’e i te Paraimere. (E tū’ati te mau mana’o ha’api’ira’a i te mau mea i roto i te mau mātēria ’āpī ra Mai, pe’e mai.)
E pāpie ’āpī. E mea ’ōhie teie pāpie ’āpī nō te tamari’i ’ia tāpūpū, ’ia pēni ’e ’ia pāpa’i i ni’a iho.

E tu’uhia te Hoa i roto i te Liahona ma te tāmoni ’ore ’e e hāponohia atu ’e te reira. I teienei, e’ita e nehenehe e poro’i i te Hoa noa.

E nehenehe te feiā e fāri’i nei i te Liahona e hōro’a i te mau tamari’i i te Hoa. Te ta’ata ’aita e tamari’i i te fare, e nehenehe tāna e hōro’a i te reira i te hō’ē mo’otua, i te hō’ē hoa ’aore rā i te tahi atu ta’ata i reira, ’aore rā i te hō’ē ti’a fa’atere nō te Paraimere, nāna e hōro’a atu i te hō’ē tamari’i o te pāroita ’e te ’āma’a.

Nō te poro’i i te Liahona ’aore rā nō te hōro’a ’ei tao’a hōro’a, ’a haere i ni’a ia store.lds.org, ’aita ana’e e tāniuniu i te pū ho’ora’a buka ’aore rā i te pāpa’i parau o te pāroita ’e te ’āma’a.

E fa’a’ite i te pū nō te Liahona nāhea ’outou i te fa’a’ohipa i te Hoa ’āpī i te fare ’e i te ’ēkālesia nā roto i te rata uira i te liahona@ldschurch.org.