2019
Te hōro’a rahi roa a’e a te Atua
’Ēperēra 2019

Nō roto mai i te Peresidenira’a Mātāmua

Te hōro’a rahi roa a’e a te Atua

Nā te peresideni Russell M. Nelson

Peresideni Russell M. Nelson

Nō roto mai « Māuruuru i te Atua », Liahona, Mē 2012, 77–80.

Gods Great Gift
Jesus Is My Savior

I te hō’ē mahana ’ua ’ite māua te tuahine Nelson i te tahi mau i’a oraora i roto i te hō’ē ’āfata hi’o. E mau i’a ’ū a’ia’i ’e te huru rau ’e te fāito rau e tere haere noa ra. ’Ua ani au i te hō’ē vahine i reira, « nā vai e hōro’a i te mā’a nā teie mau i’a nehenehe ? »

Pāhono mai nei ’oia : « Nā’u ».

’Ei reira ’ua ani au iāna, « ’ua ha’amāuruuru a’enei rātou ia ’oe ? »

Pāhono mai nei ’oia : « ’Aita ā ! »

Tē vai ra te ta’ata mai teie mau i’a. ’Aita rātou e ha’apa’o nei i te Atua ’e tōna maita’i nō rātou. ’Auē ho’i te maita’i ’āhani e ha’apa’o rahi a’e tātou i te here o te Atua ’e e fa’a’ite atu i te māuruuru iāna.

Māuruuru roa nō Iesu Mesia

’Ua tono mai te Atua i tāna Tamaiti, ’o Iesu Mesia, nō te tauturu ia tātou. ’Ua nā reira ’oia nō tōna here rahi roa ia tātou.

’Ua haere mai Iesu nō te ho’o mai ia tātou.

Maoti tāna tāra’ehara, e ti’a ai ia tātou ’ia ti’afa’ahou i muri mai i te pohe.

Maoti tāna tāra’ehara e ti’a ai ia tātou ’ia ho’i e ora ’e te Metua i te Ao ra e a muri noa atu.

’Ua fa’ata’a Iesu ē :

« Tei iā’u nei te ti’afa’ahoura’a ’e te ora : ’o tē fa’aro’o mai iā’u ra, pohe noa ā ’oia e ora ā ïa : ’e te ta’ata ora ato’a nei e fa’aro’o iā’u ra, e ’ore roa atu ïa e pohe » (Ioane 11:25–26).

’O teie ho’i te poro’i fa’ahiahia nō Pāsa !

’O Iesu tō’u Fa’aora

’Ua ti’afa’ahou mai Iesu i te po’ipo’i Pāsa. E tai’o i te mau parau nō tē ’ite mai e aha tāna i rave nō tātou. E fa’a’ū i te hō’ē hihi mahana ’ia oti te tai’ora’a i te hō’ē parau. I muri iho e fa’a’ū ai i te toe’a o te hōho’a.

  • ’Ua mamae Iesu i Getesemane ʼe i niʼa i te sātauro nō te fa’aora ia tātou i tā tātou mau hara.

  • ’Ua pohe Iesu ’e ’ua ti’afa’ahou mai nō te fa’aora ia tātou i te pohe.

  • ’Ua hōro’a Iesu ia tātou i te ’ōro’a nō te tauturu ia tātou ’ia ha’amana’o noa iāna.

  • ’Ua ha’api’i Iesu ia tātou ’ia fa’a’ore i te hapa a vetahi ’ē.

  • ’Ua fa’a’ite mai Iesu nāhea i te hāmani maita’i i te ta’ata.

  • Maoti Iesu e ti’afa’ahou ai tātou pā’āto’a i muri mai i te pohe.