Te ’ā’amu nō Pāsa

’Ua here Iesu i tōna mau hoa. ’Ua hōroi ’oia i tō rātou mau ’āvae. I muri iho ’ua hōro’a ’oia ia rātou i te ’ōro’a. ’Ua parau ’oia ia rātou ’ia ha’amana’o iāna. ’Ua parau ’oia ia rātou ’ia here te tahi i te tahi.

I muri iho, ’ua haere Iesu i roto i te hō’ē ’ō. ’Ua pure ’oia nō tātou pā’āto’a. ’Ua ’ite ’oia i te māuiui o tō tātou mau ma’i. ’Ua ’ite ’oia i te māuiui o tā tātou mau hara.

’Ua haru te mau ta’ata ’ino ia Iesu. ’Ua ha’amāuiui rātou iāna. ’Ua pohe ’oia i ni’a i te sātauro nō tātou. ’Ua tu’u tōna mau hoa i tōna tino i roto i te hō’ē mēnema.

Toru mahana i muri iho, ’ua ho’i mai tōna mau hoa. ’Aore e ta’ata i roto i te mēnema ! ’Ua parau te mau melahi ia rātou : « ’Ua ti’afa’ahou ’oia ». ’Ua ora fa’ahou ā Iesu ! Maoti Iesu, e ora fa’ahou tātou pā’āto’a i muri mai i tō tātou pohe.

’Ua here Iesu iā’u. E ti’a iā’u ’ia fa’ariro i te Pāsa ’ei mahana ta’a ’ē nā roto i te ha’amana’ora’a iāna. ●