’Ei taure’are’a tamāhine, e rōtahi rahi ānei au i ni’a i te fāito ha’api’ira’a ’e te tōro’a ’ohipa ’aore rā i ni’a i te rirora’a ’ei vahine fa’aipoipo ’e ’ei metua vahine ?

’Ua ’ite tātou ē, « ’ua riro te ’utuāfare ’ei tumu nō te ’ōpuara’a a Tei Hāmani » ’e « te hōpoi’a mātāmua roa a te mau metua vahine ’o te aupurura’a ïa i tā rātou mau tamari’i ».¹ ’Ua ’ite ato’a tātou ē, nō te tahi mau tumu ti’a ’e te rau, ’ua a’ohia te mau tāne ’e te mau vahine e te mau peropheta ’ia tītau i te fāito ha’api’ira’a maita’i.² Hau atu, ’ua ’ite tātou ē, e riro te mau vahine e rave rahi i te tītauhia ’ia rave i te hō’ē tōro’a ’ohipa ’aore rā i te hina’aro ’ia rave i te hō’ē tōro’a ’ohipa.

’Ua nā ’ō te peresideni Dallin H. Oaks, Tauturu mātāmua i roto i te Peresidenira’a Mātāmua ē, nō te mau vahine, e ’ere te mā’itira’a i roto i te ’utuāfare ’aore rā te fāito ha’api’ira’a ’aore rā te tōro’a ’ohipa. ’Ua nā ’ō ’oia : « ’O te taime ra tei tītauhia ’ia mā’iti ». « ’E tē tītau nei tātou i te fa’aurura’a a te Fatu ’e te mau ha’api’ira’a a tāna mau tāvini nō te rave i te reira ».³

E ’ōpua i te tītau i te hō’ē fāito ha’api’ira’a maita’i, ’e e ’ōpua i te ha’amau i te hō’ē ’utuāfare. E nehenehe ato’a e ’ōpua ’ia tītau i te hō’ē tōro’a ’ohipa. I roto i teie mau mea ato’a, ’ia rōtahi ’outou i ni’a i te pe’era’a i te fa’anahora’a a te Metua i te Ao ra ’e te tītaura’a i tōna hina’aro.

Fa’ata’ara’a

1. « Te ’utuāfare : E Poro’i i tō te Ao nei », familyproclamation.lds.org.

2. Hi’o Nō te Pūai ’o te Feiā ’Āpī (2011), 9.

3. Dallin H. Oaks, ’āru’i Mata ’e Mata ’e Elder Oaks ’e Elder Ballard (’āru’i nō te feiā ’āpī pa’ari ’ōtahi, 19 nō Novema 2017), broadcasts.lds.org.

I ni’a ia lds.org/go/41961 come, tē fa’a’ite nei te hō’ē taure’are’a tamāhine pa’ari i tōna ’ā’amu nō te pāpū-’ore-ra’a e rōtahi ānei i ni’a i te tōro’a ’ohipa ’aore rā i ni’a i te ’utuāfare. Hi’o i tā te peresideni Russell M. Nelson i parau iāna.